অষ্টাবক্র গীতা বিংশতিতমোঽধ্য়ায়ঃ

ashtavakra gita chapter 20 in bengali

জনক উবাচ ॥

ক্ব ভূতানি ক্ব দেহো বা ক্বেংদ্রিয়াণি ক্ব বা মনঃ ।
ক্ব শূন্য়ং ক্ব চ নৈরাশ্য়ং মত্স্বরূপে নিরংজনে ॥ 20-1॥

ক্ব শাস্ত্রং ক্বাত্মবিজ্ঞানং ক্ব বা নির্বিষয়ং মনঃ ।
ক্ব তৃপ্তিঃ ক্ব বিতৃষ্ণাত্বং গতদ্বংদ্বস্য় মে সদা ॥ 20-2॥

ক্ব বিদ্য়া ক্ব চ বাবিদ্য়া ক্বাহং ক্বেদং মম ক্ব বা ।
ক্ব বংধ ক্ব চ বা মোক্ষঃ স্বরূপস্য় ক্ব রূপিতা ॥ 20-3॥

ক্ব প্রারব্ধানি কর্মাণি জীবন্মুক্তিরপি ক্ব বা ।
ক্ব তদ্ বিদেহকৈবল্য়ং নির্বিশেষস্য় সর্বদা ॥ 20-4॥

ক্ব কর্তা ক্ব চ বা ভোক্তা নিষ্ক্রিয়ং স্ফুরণং ক্ব বা ।
ক্বাপরোক্ষং ফলং বা ক্ব নিঃস্বভাবস্য় মে সদা ॥ 20-5॥

ক্ব লোকং ক্ব মুমুক্ষুর্বা ক্ব যোগী জ্ঞানবান্ ক্ব বা ।
ক্ব বদ্ধঃ ক্ব চ বা মুক্তঃ স্বস্বরূপেঽহমদ্বয়ে ॥ 20-6॥

ক্ব সৃষ্টিঃ ক্ব চ সংহারঃ ক্ব সাধ্য়ং ক্ব চ সাধনম্ ।
ক্ব সাধকঃ ক্ব সিদ্ধির্বা স্বস্বরূপেঽহমদ্বয়ে ॥ 20-7॥

ক্ব প্রমাতা প্রমাণং বা ক্ব প্রমেয়ং ক্ব চ প্রমা ।
ক্ব কিংচিত্ ক্ব ন কিংচিদ্ বা সর্বদা বিমলস্য় মে ॥ 20-8॥

ক্ব বিক্ষেপঃ ক্ব চৈকাগ্র্য়ং ক্ব নির্বোধঃ ক্ব মূঢতা ।
ক্ব হর্ষঃ ক্ব বিষাদো বা সর্বদা নিষ্ক্রিযস্য় মে ॥ 20-9॥

ক্ব চৈষ ব্যবহারো বা ক্ব চ সা পরমার্থতা ।
ক্ব সুখং ক্ব চ বা দুখং নির্বিমর্শস্য় মে সদা ॥ 20-10॥

ক্ব মায়া ক্ব চ সংসারঃ ক্ব প্রীতির্বিরতিঃ ক্ব বা ।
ক্ব জীবঃ ক্ব চ তদ্ব্রহ্ম সর্বদা বিমলস্য় মে ॥ 20-11॥

ক্ব প্রবৃত্তির্নির্বৃত্তির্বা ক্ব মুক্তিঃ ক্ব চ বংধনম্ ।
কূটস্থনির্বিভাগস্য় স্বস্থস্য় মম সর্বদা ॥ 20-12॥

ক্বোপদেশঃ ক্ব বা শাস্ত্রং ক্ব শিষ্য়ঃ ক্ব চ বা গুরুঃ ।
ক্ব চাস্তি পুরুষার্থো বা নিরুপাধেঃ শিবস্য় মে ॥ 20-13॥

ক্ব চাস্তি ক্ব চ বা নাস্তি ক্বাস্তি চৈকং ক্ব চ দ্বযম্ ।
বহুনাত্র কিমুক্তেন কিংচিন্নোত্তিষ্ঠতে মম ॥ 20-14॥

ইতি অষ্টাবক্রগীতা সমাপ্তা ।
॥ ওং তত্সত্ ॥

ashtavakra gita chapter 20 in bengali