අෂ්ටාවක්ර ගීතා නවදශෝऽධ්යායඃ

ashtavakra gita chapter 19 in sinhala

ජනක උවාච ॥

තත්ත්වවිජ්ඤානසංදංශමාදාය හෘදයෝදරාත් ।
නානාවිධපරාමර්ශශල්යෝද්ධාරඃ කෘතෝ මයා ॥ 19-1॥

ක්ව ධර්මඃ ක්ව ච වා කාමඃ ක්ව චාර්ථඃ ක්ව විවේකිතා ।
ක්ව ද්වෛතං ක්ව ච වාऽද්වෛතං ස්වමහිම්නි ස්ථිතස්ය මේ ॥ 19-2॥

ක්ව භූතං ක්ව භවිෂ්යද් වා වර්තමානමපි ක්ව වා ।
ක්ව දේශඃ ක්ව ච වා නිත්යං ස්වමහිම්නි ස්ථිතස්ය මේ ॥ 19-3॥

ක්ව චාත්මා ක්ව ච වානාත්මා ක්ව ශුභං ක්වාශුභං යථා ।
ක්ව චිංතා ක්ව ච වාචිංතා ස්වමහිම්නි ස්ථිතස්ය මේ ॥ 19-4॥

ක්ව ස්වප්නඃ ක්ව සුෂුප්තිර්වා ක්ව ච ජාගරණං තථා ।
ක්ව තුරීයං භයං වාපි ස්වමහිම්නි ස්ථිතස්ය මේ ॥ 19-5॥

ක්ව දූරං ක්ව සමීපං වා බාහ්යං ක්වාභ්යංතරං ක්ව වා ।
ක්ව ස්ථූලං ක්ව ච වා සූක්ෂ්මං ස්වමහිම්නි ස්ථිතස්ය මේ ॥ 19-6॥

ක්ව මෘත්යුර්ජීවිතං වා ක්ව ලෝකාඃ ක්වාස්ය ක්ව ලෞකිකම් ।
ක්ව ලයඃ ක්ව සමාධිර්වා ස්වමහිම්නි ස්ථිතස්ය මේ ॥ 19-7॥

අලං ත්රිවර්ගකථයා යෝගස්ය කථයාප්යලම් ।
අලං විජ්ඤානකථයා විශ්රාංතස්ය මමාත්මනි ॥ 19-8॥

ashtavakra gita chapter 19 in sinhala