അഷ്ടാവക്ര ഗീതാ നവദശോഽധ്യായഃ

ashtavakra gita chapter 19 in malayalam

ജനക ഉവാച ॥

തത്ത്വവിജ്ഞാനസംദംശമാദായ ഹൃദയോദരാത് ।
നാനാവിധപരാമര്ശശല്യോദ്ധാരഃ കൃതോ മയാ ॥ 19-1॥

ക്വ ധര്മഃ ക്വ ച വാ കാമഃ ക്വ ചാര്ഥഃ ക്വ വിവേകിതാ ।
ക്വ ദ്വൈതം ക്വ ച വാഽദ്വൈതം സ്വമഹിമ്നി സ്ഥിതസ്യ മേ ॥ 19-2॥

ക്വ ഭൂതം ക്വ ഭവിഷ്യദ് വാ വര്തമാനമപി ക്വ വാ ।
ക്വ ദേശഃ ക്വ ച വാ നിത്യം സ്വമഹിമ്നി സ്ഥിതസ്യ മേ ॥ 19-3॥

ക്വ ചാത്മാ ക്വ ച വാനാത്മാ ക്വ ശുഭം ക്വാശുഭം യഥാ ।
ക്വ ചിംതാ ക്വ ച വാചിംതാ സ്വമഹിമ്നി സ്ഥിതസ്യ മേ ॥ 19-4॥

ക്വ സ്വപ്നഃ ക്വ സുഷുപ്തിർവാ ക്വ ച ജാഗരണം തഥാ ।
ക്വ തുരീയം ഭയം വാപി സ്വമഹിമ്നി സ്ഥിതസ്യ മേ ॥ 19-5॥

ക്വ ദൂരം ക്വ സമീപം വാ ബാഹ്യം ക്വാഭ്യംതരം ക്വ വാ ।
ക്വ സ്ഥൂലം ക്വ ച വാ സൂക്ഷ്മം സ്വമഹിമ്നി സ്ഥിതസ്യ മേ ॥ 19-6॥

ക്വ മൃത്യുര്ജീവിതം വാ ക്വ ലോകാഃ ക്വാസ്യ ക്വ ലൌകികമ് ।
ക്വ ലയഃ ക്വ സമാധിർവാ സ്വമഹിമ്നി സ്ഥിതസ്യ മേ ॥ 19-7॥

അലം ത്രിവര്ഗകഥയാ യോഗസ്യ കഥയാപ്യലമ് ।
അലം വിജ്ഞാനകഥയാ വിശ്രാംതസ്യ മമാത്മനി ॥ 19-8॥

ashtavakra gita chapter 19 in malayalam