ଅଷ୍ଟାଵକ୍ର ଗୀତା ନଵଦଶୋଽଧ୍ୟାୟଃ

ashtavakra gita chapter 19 in odia

ଜନକ ଉଵାଚ ॥

ତତ୍ତ୍ଵଵିଜ୍ଞାନସଂଦଂଶମାଦାୟ ହୃଦୟୋଦରାତ୍ ।
ନାନାଵିଧପରାମର୍ଶଶଲ୍ୟୋଦ୍ଧାରଃ କୃତୋ ମୟା ॥ 19-1॥

କ୍ଵ ଧର୍ମଃ କ୍ଵ ଚ ଵା କାମଃ କ୍ଵ ଚାର୍ଥଃ କ୍ଵ ଵିଵେକିତା ।
କ୍ଵ ଦ୍ଵୈତଂ କ୍ଵ ଚ ଵାଽଦ୍ଵୈତଂ ସ୍ଵମହିମ୍ନି ସ୍ଥିତସ୍ୟ ମେ ॥ 19-2॥

କ୍ଵ ଭୂତଂ କ୍ଵ ଭଵିଷ୍ୟଦ୍ ଵା ଵର୍ତମାନମପି କ୍ଵ ଵା ।
କ୍ଵ ଦେଶଃ କ୍ଵ ଚ ଵା ନିତ୍ୟଂ ସ୍ଵମହିମ୍ନି ସ୍ଥିତସ୍ୟ ମେ ॥ 19-3॥

କ୍ଵ ଚାତ୍ମା କ୍ଵ ଚ ଵାନାତ୍ମା କ୍ଵ ଶୁଭଂ କ୍ଵାଶୁଭଂ ୟଥା ।
କ୍ଵ ଚିଂତା କ୍ଵ ଚ ଵାଚିଂତା ସ୍ଵମହିମ୍ନି ସ୍ଥିତସ୍ୟ ମେ ॥ 19-4॥

କ୍ଵ ସ୍ଵପ୍ନଃ କ୍ଵ ସୁଷୁପ୍ତିର୍ଵା କ୍ଵ ଚ ଜାଗରଣଂ ତଥା ।
କ୍ଵ ତୁରୀୟଂ ଭୟଂ ଵାପି ସ୍ଵମହିମ୍ନି ସ୍ଥିତସ୍ୟ ମେ ॥ 19-5॥

କ୍ଵ ଦୂରଂ କ୍ଵ ସମୀପଂ ଵା ବାହ୍ୟଂ କ୍ଵାଭ୍ୟଂତରଂ କ୍ଵ ଵା ।
କ୍ଵ ସ୍ଥୂଲଂ କ୍ଵ ଚ ଵା ସୂକ୍ଷ୍ମଂ ସ୍ଵମହିମ୍ନି ସ୍ଥିତସ୍ୟ ମେ ॥ 19-6॥

କ୍ଵ ମୃତ୍ୟୁର୍ଜୀଵିତଂ ଵା କ୍ଵ ଲୋକାଃ କ୍ଵାସ୍ୟ କ୍ଵ ଲୌକିକମ୍ ।
କ୍ଵ ଲୟଃ କ୍ଵ ସମାଧିର୍ଵା ସ୍ଵମହିମ୍ନି ସ୍ଥିତସ୍ୟ ମେ ॥ 19-7॥

ଅଲଂ ତ୍ରିଵର୍ଗକଥୟା ୟୋଗସ୍ୟ କଥୟାପ୍ୟଲମ୍ ।
ଅଲଂ ଵିଜ୍ଞାନକଥୟା ଵିଶ୍ରାଂତସ୍ୟ ମମାତ୍ମନି ॥ 19-8॥

ashtavakra gita chapter 19 in odia