අෂ්ටාවක්ර ගීතා දශමෝऽධ්යායඃ

ashtavakra gita chapter 10 in sinhala

අෂ්ටාවක්ර උවාච ॥

විහාය වෛරිණං කාමමර්ථං චානර්ථසංකුලම් ।
ධර්මමප්යේතයෝර්හේතුං සර්වත්රානාදරං කුරු ॥ 10-1॥

ස්වප්නේංද්රජාලවත් පශ්ය දිනානි ත්රීණි පංච වා ।
මිත්රක්ෂේත්රධනාගාරදාරදායාදිසංපදඃ ॥ 10-2॥

යත්ර යත්ර භවේත්තෘෂ්ණා සංසාරං විද්ධි තත්ර වෛ ।
ප්රෞඪවෛරාග්යමාශ්රිත්ය වීතතෘෂ්ණඃ සුඛී භව ॥ 10-3॥

තෘෂ්ණාමාත්රාත්මකෝ බංධස්තන්නාශෝ මෝක්ෂ උච්යතේ ।
භවාසංසක්තිමාත්රේණ ප්රාප්තිතුෂ්ටිර්මුහුර්මුහුඃ ॥ 10-4॥

ත්වමේකශ්චේතනඃ ශුද්ධෝ ජඩං විශ්වමසත්තථා ।
අවිද්යාපි න කිංචිත්සා කා බුභුත්සා තථාපි තේ ॥ 10-5॥

රාජ්යං සුතාඃ කලත්රාණි ශරීරාණි සුඛානි ච ।
සංසක්තස්යාපි නෂ්ටානි තව ජන්මනි ජන්මනි ॥ 10-6॥

අලමර්ථේන කාමේන සුකෘතේනාපි කර්මණා ।
ඒභ්යඃ සංසාරකාංතාරේ න විශ්රාංතමභූන් මනඃ ॥ 10-7॥

කෘතං න කති ජන්මානි කායේන මනසා ගිරා ।
දුඃඛමායාසදං කර්ම තදද්යාප්යුපරම්යතාම් ॥ 10-8॥

ashtavakra gita chapter 10 in sinhala