অষ্টাবক্র গীতা দশমোঽধ্যাযঃ

ashtavakra gita chapter 10 in assamese

অষ্টাবক্র উবাচ ॥

বিহায বৈরিণং কামমর্থং চানর্থসংকুলম্ ।
ধর্মমপ্যেতযোর্হেতুং সর্বত্রানাদরং কুরু ॥ 10-1॥

স্বপ্নেংদ্রজালবত্ পশ্য দিনানি ত্রীণি পংচ বা ।
মিত্রক্ষেত্রধনাগারদারদাযাদিসংপদঃ ॥ 10-2॥

যত্র যত্র ভবেত্তৃষ্ণা সংসারং বিদ্ধি তত্র বৈ ।
প্রৌঢবৈরাগ্যমাশ্রিত্য বীততৃষ্ণঃ সুখী ভব ॥ 10-3॥

তৃষ্ণামাত্রাত্মকো বংধস্তন্নাশো মোক্ষ উচ্যতে ।
ভবাসংসক্তিমাত্রেণ প্রাপ্তিতুষ্টির্মুহুর্মুহুঃ ॥ 10-4॥

ত্বমেকশ্চেতনঃ শুদ্ধো জডং বিশ্বমসত্তথা ।
অবিদ্যাপি ন কিংচিত্সা কা বুভুত্সা তথাপি তে ॥ 10-5॥

রাজ্যং সুতাঃ কলত্রাণি শরীরাণি সুখানি চ ।
সংসক্তস্যাপি নষ্টানি তব জন্মনি জন্মনি ॥ 10-6॥

অলমর্থেন কামেন সুকৃতেনাপি কর্মণা ।
এভ্যঃ সংসারকাংতারে ন বিশ্রাংতমভূন্ মনঃ ॥ 10-7॥

কৃতং ন কতি জন্মানি কাযেন মনসা গিরা ।
দুঃখমাযাসদং কর্ম তদদ্যাপ্যুপরম্যতাম্ ॥ 10-8॥

ashtavakra gita chapter 10 in assamese