અષ્ટાવક્ર ગીતા દશમોઽધ્યાયઃ

ashtavakra gita chapter 10 in gujarati

અષ્ટાવક્ર ઉવાચ ॥

વિહાય વૈરિણં કામમર્થં ચાનર્થસંકુલમ્ ।
ધર્મમપ્યેતયોર્હેતું સર્વત્રાનાદરં કુરુ ॥ 10-1॥

સ્વપ્નેંદ્રજાલવત્ પશ્ય દિનાનિ ત્રીણિ પંચ વા ।
મિત્રક્ષેત્રધનાગારદારદાયાદિસંપદઃ ॥ 10-2॥

યત્ર યત્ર ભવેત્તૃષ્ણા સંસારં વિદ્ધિ તત્ર વૈ ।
પ્રૌઢવૈરાગ્યમાશ્રિત્ય વીતતૃષ્ણઃ સુખી ભવ ॥ 10-3॥

તૃષ્ણામાત્રાત્મકો બંધસ્તન્નાશો મોક્ષ ઉચ્યતે ।
ભવાસંસક્તિમાત્રેણ પ્રાપ્તિતુષ્ટિર્મુહુર્મુહુઃ ॥ 10-4॥

ત્વમેકશ્ચેતનઃ શુદ્ધો જડં વિશ્વમસત્તથા ।
અવિદ્યાપિ ન કિંચિત્સા કા બુભુત્સા તથાપિ તે ॥ 10-5॥

રાજ્યં સુતાઃ કલત્રાણિ શરીરાણિ સુખાનિ ચ ।
સંસક્તસ્યાપિ નષ્ટાનિ તવ જન્મનિ જન્મનિ ॥ 10-6॥

અલમર્થેન કામેન સુકૃતેનાપિ કર્મણા ।
એભ્યઃ સંસારકાંતારે ન વિશ્રાંતમભૂન્ મનઃ ॥ 10-7॥

કૃતં ન કતિ જન્માનિ કાયેન મનસા ગિરા ।
દુઃખમાયાસદં કર્મ તદદ્યાપ્યુપરમ્યતામ્ ॥ 10-8॥

ashtavakra gita chapter 10 in gujarati