ଵିଘ୍ନେଶ୍ଵର ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

vighnesvara ashtottara sata nama stotram in odia

ଵିନାୟକୋ ଵିଘ୍ନରାଜୋ ଗୌରୀପୁତ୍ରୋ ଗଣେଶ୍ଵରଃ ।
ସ୍କଂଦାଗ୍ରଜୋଽଵ୍ୟୟଃ ପୂତୋ ଦକ୍ଷୋଽଧ୍ୟକ୍ଷୋ ଦ୍ଵିଜପ୍ରିୟଃ ॥ 1 ॥

ଅଗ୍ନିଗର୍ଵଚ୍ଛିଦିଂଦ୍ରଶ୍ରୀପ୍ରଦୋ ଵାଣୀପ୍ରଦୋଽଵ୍ୟୟଃ
ସର୍ଵସିଦ୍ଧିପ୍ରଦ-ଶ୍ଶର୍ଵତନୟଃ ଶର୍ଵରୀପ୍ରିୟଃ ॥ 2 ॥

ସର୍ଵାତ୍ମକଃ ସୃଷ୍ଟିକର୍ତା ଦେଵୋଽନେକାର୍ଚିତଶ୍ଶିଵଃ ।
ଶୁଦ୍ଧୋ ବୁଦ୍ଧିପ୍ରିୟ-ଶ୍ଶାଂତୋ ବ୍ରହ୍ମଚାରୀ ଗଜାନନଃ ॥ 3 ॥

ଦ୍ଵୈମାତ୍ରେୟୋ ମୁନିସ୍ତୁତ୍ୟୋ ଭକ୍ତଵିଘ୍ନଵିନାଶନଃ ।
ଏକଦଂତ-ଶ୍ଚତୁର୍ବାହୁ-ଶ୍ଚତୁର-ଶ୍ଶକ୍ତିସଂୟୁତଃ ॥ 4 ॥

ଲଂବୋଦର-ଶ୍ଶୂର୍ପକର୍ଣୋ ହର-ର୍ବ୍ରହ୍ମଵିଦୁତ୍ତମଃ ।
କାଲୋ ଗ୍ରହପତିଃ କାମୀ ସୋମସୂର୍ୟାଗ୍ନିଲୋଚନଃ ॥ 5 ॥

ପାଶାଂକୁଶଧର-ଶ୍ଚଂଡୋ ଗୁଣାତୀତୋ ନିରଂଜନଃ ।
ଅକଲ୍ମଷ-ସ୍ସ୍ଵୟଂସିଦ୍ଧ-ସ୍ସିଦ୍ଧାର୍ଚିତପଦାଂବୁଜଃ ॥ 6 ॥

ବୀଜପୂରଫଲାସକ୍ତୋ ଵରଦ-ଶ୍ଶାଶ୍ଵତଃ କୃତୀ ।
ଵିଦ୍ଵତ୍ ପ୍ରିୟୋ ଵୀତଭୟୋ ଗଦୀ ଚକ୍ରୀକ୍ଷୁଚାପଧୃତ୍ ॥ 7 ॥

ଶ୍ରୀଦୋଽଜ ଉତ୍ପଲକରଃ ଶ୍ରୀପତିଃ ସ୍ତୁତିହର୍ଷିତଃ ।
କୁଲାଦ୍ରିଭେତ୍ତା ଜଟିଲଃ କଲିକଲ୍ମଷନାଶନଃ ॥ 8 ॥

ଚଂଦ୍ରଚୂଡାମଣିଃ କାଂତଃ ପାପହାରୀ ସମାହିତଃ ।
ଅଶ୍ରିତ-ଶ୍ରୀକର-ସ୍ସୌମ୍ୟୋ ଭକ୍ତଵାଂଛିତଦାୟକଃ ॥ 9 ॥

ଶାଂତଃ କୈଵଲ୍ୟସୁଖଦ-ସ୍ସଚ୍ଚିଦାନଂଦଵିଗ୍ରହଃ ।
ଜ୍ଞାନୀ ଦୟାୟୁତୋ ଦାଂତୋ ବ୍ରହ୍ମଦ୍ଵେଷଵିଵର୍ଜିତଃ ॥ 10 ॥

ପ୍ରମତ୍ତଦୈତ୍ୟଭୟଦଃ ଶ୍ରୀକଂଠୋ ଵିବୁଧେଶ୍ଵରଃ ।
ରମାର୍ଚିତୋ ନିଧି-ର୍ନାଗରାଜୟଜ୍ଞୋପଵୀତଵାନ୍ ॥ 11 ॥

ସ୍ଥୂଲକଂଠଃ ସ୍ଵୟଂକର୍ତା ସାମଘୋଷପ୍ରିୟଃ ପରଃ ।
ସ୍ଥୂଲତୁଂଡୋଽଗ୍ରଣୀ-ର୍ଧୀରୋ ଵାଗୀଶଃ-ସିଦ୍ଧିଦାୟକଃ ॥ 12 ॥

ଦୂର୍ଵାବିଲ୍ଵପ୍ରିୟୋଽଵ୍ୟକ୍ତମୂର୍ତି-ରଦ୍ଭୁତମୂର୍ତିମାନ୍ ।
ଶୈଲେଂଦ୍ରତନୁଜୋତ୍ସଂଗଖେଲନୋତ୍ସୁକମାନସଃ ॥ 13 ॥

ସ୍ଵଲାଵଣ୍ୟସୁଧାସାରଜିତମନ୍ମଥଵିଗ୍ରହଃ ।
ସମସ୍ତଜଗଦାଧାରୋ ମାୟୀ ମୂଷକଵାହନଃ ॥ 14 ॥

ହୃଷ୍ଟ-ସ୍ତୁଷ୍ଟଃ ପ୍ରସନ୍ନାତ୍ମା ସର୍ଵସିଦ୍ଧିପ୍ରଦାୟକଃ ।
ଅଷ୍ଟୋତ୍ତରଶତେନୈଵଂ ନାମ୍ନାଂ ଵିଘ୍ନେଶ୍ଵରଂ ଵିଭୁମ୍ ॥ 15 ॥

ତୁଷ୍ଟାଵ ଶଂକରଃ ପୁତ୍ରଂ ତ୍ରିପୁରଂ ହଂତୁମୁଦ୍ୟତଃ ।
ୟଃ ପୂଜୟେଦନେନୈଵ ଭକ୍ତ୍ୟା ସିଦ୍ଧିଵିନାୟକମ୍ ॥ 16 ॥

ଦୂର୍ଵାଦଳୈ-ର୍ବିଲ୍ଵପତ୍ରୈଃ ପୁଷ୍ପୈର୍ଵା ଚଂଦନାକ୍ଷତୈଃ ।
ସର୍ଵାନ୍କାମାନଵାପ୍ନୋତି ସର୍ଵଵିଘ୍ନୈଃ ପ୍ରମୁଚ୍ୟତେ ॥

ଇତି ଵିଘ୍ନେଶ୍ଵରାଷ୍ଟୋତ୍ତର ଶତନାମସ୍ତୋତ୍ରଂ ସଂପୂର୍ଣମ୍

vighnesvara ashtottara sata nama stotram in odia