വിഘ്നേശ്വര അഷ്ടോത്തര ശത നാമ സ്തോത്രമ്

vighnesvara ashtottara sata nama stotram in malayalam

വിനായകോ വിഘ്നരാജോ ഗൌരീപുത്രോ ഗണേശ്വരഃ ।
സ്കംദാഗ്രജോഽവ്യയഃ പൂതോ ദക്ഷോഽധ്യക്ഷോ ദ്വിജപ്രിയഃ ॥ 1 ॥

അഗ്നിഗർവച്ഛിദിംദ്രശ്രീപ്രദോ വാണീപ്രദോഽവ്യയഃ
സർവസിദ്ധിപ്രദ-ശ്ശർവതനയഃ ശർവരീപ്രിയഃ ॥ 2 ॥

സർവാത്മകഃ സൃഷ്ടികര്താ ദേവോഽനേകാര്ചിതശ്ശിവഃ ।
ശുദ്ധോ ബുദ്ധിപ്രിയ-ശ്ശാംതോ ബ്രഹ്മചാരീ ഗജാനനഃ ॥ 3 ॥

ദ്വൈമാത്രേയോ മുനിസ്തുത്യോ ഭക്തവിഘ്നവിനാശനഃ ।
ഏകദംത-ശ്ചതുര്ബാഹു-ശ്ചതുര-ശ്ശക്തിസംയുതഃ ॥ 4 ॥

ലംബോദര-ശ്ശൂര്പകര്ണോ ഹര-ര്ബ്രഹ്മവിദുത്തമഃ ।
കാലോ ഗ്രഹപതിഃ കാമീ സോമസൂര്യാഗ്നിലോചനഃ ॥ 5 ॥

പാശാംകുശധര-ശ്ചംഡോ ഗുണാതീതോ നിരംജനഃ ।
അകല്മഷ-സ്സ്വയംസിദ്ധ-സ്സിദ്ധാര്ചിതപദാംബുജഃ ॥ 6 ॥

ബീജപൂരഫലാസക്തോ വരദ-ശ്ശാശ്വതഃ കൃതീ ।
വിദ്വത് പ്രിയോ വീതഭയോ ഗദീ ചക്രീക്ഷുചാപധൃത് ॥ 7 ॥

ശ്രീദോഽജ ഉത്പലകരഃ ശ്രീപതിഃ സ്തുതിഹര്ഷിതഃ ।
കുലാദ്രിഭേത്താ ജടിലഃ കലികല്മഷനാശനഃ ॥ 8 ॥

ചംദ്രചൂഡാമണിഃ കാംതഃ പാപഹാരീ സമാഹിതഃ ।
അശ്രിത-ശ്രീകര-സ്സൌമ്യോ ഭക്തവാംഛിതദായകഃ ॥ 9 ॥

ശാംതഃ കൈവല്യസുഖദ-സ്സച്ചിദാനംദവിഗ്രഹഃ ।
ജ്ഞാനീ ദയായുതോ ദാംതോ ബ്രഹ്മദ്വേഷവിവര്ജിതഃ ॥ 10 ॥

പ്രമത്തദൈത്യഭയദഃ ശ്രീകംഠോ വിബുധേശ്വരഃ ।
രമാര്ചിതോ നിധി-ര്നാഗരാജയജ്ഞോപവീതവാന് ॥ 11 ॥

സ്ഥൂലകംഠഃ സ്വയംകര്താ സാമഘോഷപ്രിയഃ പരഃ ।
സ്ഥൂലതുംഡോഽഗ്രണീ-ര്ധീരോ വാഗീശഃ-സിദ്ധിദായകഃ ॥ 12 ॥

ദൂർവാബില്വപ്രിയോഽവ്യക്തമൂര്തി-രദ്ഭുതമൂര്തിമാന് ।
ശൈലേംദ്രതനുജോത്സംഗഖേലനോത്സുകമാനസഃ ॥ 13 ॥

സ്വലാവണ്യസുധാസാരജിതമന്മഥവിഗ്രഹഃ ।
സമസ്തജഗദാധാരോ മായീ മൂഷകവാഹനഃ ॥ 14 ॥

ഹൃഷ്ട-സ്തുഷ്ടഃ പ്രസന്നാത്മാ സർവസിദ്ധിപ്രദായകഃ ।
അഷ്ടോത്തരശതേനൈവം നാമ്നാം വിഘ്നേശ്വരം വിഭുമ് ॥ 15 ॥

തുഷ്ടാവ ശംകരഃ പുത്രം ത്രിപുരം ഹംതുമുദ്യതഃ ।
യഃ പൂജയേദനേനൈവ ഭക്ത്യാ സിദ്ധിവിനായകമ് ॥ 16 ॥

ദൂർവാദളൈ-ര്ബില്വപത്രൈഃ പുഷ്പൈർവാ ചംദനാക്ഷതൈഃ ।
സർവാന്കാമാനവാപ്നോതി സർവവിഘ്നൈഃ പ്രമുച്യതേ ॥

ഇതി വിഘ്നേശ്വരാഷ്ടോത്തര ശതനാമസ്തോത്രം സംപൂര്ണമ്

vighnesvara ashtottara sata nama stotram in malayalam