ସୂର୍ୟ ଗ୍ରହଣ ଶାଂତି ପରିହାର ଶ୍ଲୋକାଃ

surya grahana shanti parihara slokas in odia

ଶାଂତି ଶ୍ଲୋକଃ
ଇଂଦ୍ରୋଽନଲୋ ଦଂଡଧରଶ୍ଚ ରକ୍ଷଃ
ପ୍ରାଚେତସୋ ଵାୟୁ କୁବେର ଶର୍ଵାଃ ।
ମଜ୍ଜନ୍ମ ଋକ୍ଷେ ମମ ରାଶି ସଂସ୍ଥେ
ସୂର୍ୟୋପରାଗଂ ଶମୟଂତୁ ସର୍ଵେ ॥

ଗ୍ରହଣ ପୀଡା ପରିହାର ଶ୍ଲୋକାଃ
ୟୋଽସୌ ଵଜ୍ରଧରୋ ଦେଵଃ ଆଦିତ୍ୟାନାଂ ପ୍ରଭୁର୍ମତଃ ।
ସହସ୍ରନୟନଃ ଶକ୍ରଃ ଗ୍ରହପୀଡାଂ ଵ୍ୟପୋହତୁ ॥ 1

ମୁଖଂ ୟଃ ସର୍ଵଦେଵାନାଂ ସପ୍ତାର୍ଚିରମିତଦ୍ୟୁତିଃ ।
ଚଂଦ୍ରସୂର୍ୟୋପରାଗୋତ୍ଥାଂ ଅଗ୍ନିଃ ପୀଡାଂ ଵ୍ୟପୋହତୁ ॥ 2

ୟଃ କର୍ମସାକ୍ଷୀ ଲୋକାନାଂ ୟମୋ ମହିଷଵାହନଃ ।
ଚଂଦ୍ରସୂର୍ୟୋପରାଗୋତ୍ଥାଂ ଗ୍ରହପୀଡାଂ ଵ୍ୟପୋହତୁ ॥ 3

ରକ୍ଷୋ ଗଣାଧିପଃ ସାକ୍ଷାତ୍ ପ୍ରଲୟାନଲସନ୍ନିଭଃ ।
ଉଗ୍ରଃ କରାଲୋ ନିର୍‍ଋତିଃ ଗ୍ରହପୀଡାଂ ଵ୍ୟପୋହତୁ ॥ 4

ନାଗପାଶଧରୋ ଦେଵଃ ସଦା ମକରଵାହନଃ ।
ଵରୁଣୋ ଜଲଲୋକେଶୋ ଗ୍ରହପୀଡାଂ ଵ୍ୟପୋହତୁ ॥ 5

ୟଃ ପ୍ରାଣରୂପୋ ଲୋକାନାଂ ଵାୟୁଃ କୃଷ୍ଣମୃଗପ୍ରିୟଃ ।
ଚଂଦ୍ରସୂର୍ୟୋପରାଗୋତ୍ଥାଂ ଗ୍ରହପୀଡାଂ ଵ୍ୟପୋହତୁ ॥ 6

ୟୋଽସୌ ନିଧିପତିର୍ଦେଵଃ ଖଡ୍ଗଶୂଲଧରୋ ଵରଃ ।
ଚଂଦ୍ରସୂର୍ୟୋପରାଗୋତ୍ଥାଂ କଲୁଷଂ ମେ ଵ୍ୟପୋହତୁ ॥ 7

ୟୋଽସୌ ଶୂଲଧରୋ ରୁଦ୍ରଃ ଶଂକରୋ ଵୃଷଵାହନଃ ।
ଚଂଦ୍ରସୂର୍ୟୋପରାଗୋତ୍ଥାଂ ଦୋଷଂ ନାଶୟତୁ ଦ୍ରୁତମ୍ ॥ 8

ଓଂ ଶାଂତିଃ ଶାଂତିଃ ଶାଂତିଃ ।

surya grahana shanti parihara slokas in odia