ଶ୍ରୀ ଵିଷ୍ଣୁ ଶତ ନାମ ସ୍ତୋତ୍ରମ୍ (ଵିଷ୍ଣୁ ପୁରାଣ)

sri vishnu sata nama stotram vishnu purana in odia

॥ ଶ୍ରୀ ଵିଷ୍ଣୁ ଅଷ୍ଟୋତ୍ତର ଶତନାମସ୍ତୋତ୍ରମ୍ ॥

ଵାସୁଦେଵଂ ହୃଷୀକେଶଂ ଵାମନଂ ଜଲଶାୟିନମ୍ ।
ଜନାର୍ଦନଂ ହରିଂ କୃଷ୍ଣଂ ଶ୍ରୀଵକ୍ଷଂ ଗରୁଡଧ୍ଵଜମ୍ ॥ 1 ॥

ଵାରାହଂ ପୁଂଡରୀକାକ୍ଷଂ ନୃସିଂହଂ ନରକାଂତକମ୍ ।
ଅଵ୍ୟକ୍ତଂ ଶାଶ୍ଵତଂ ଵିଷ୍ଣୁମନଂତମଜମଵ୍ୟୟମ୍ ॥ 2 ॥

ନାରାୟଣଂ ଗଦାଧ୍ୟକ୍ଷଂ ଗୋଵିଂଦଂ କୀର୍ତିଭାଜନମ୍ ।
ଗୋଵର୍ଧନୋଦ୍ଧରଂ ଦେଵଂ ଭୂଧରଂ ଭୁଵନେଶ୍ଵରମ୍ ॥ 3 ॥

ଵେତ୍ତାରଂ ୟଜ୍ଞପୁରୁଷଂ ୟଜ୍ଞେଶଂ ୟଜ୍ଞଵାହନମ୍ ।
ଚକ୍ରପାଣିଂ ଗଦାପାଣିଂ ଶଂଖପାଣିଂ ନରୋତ୍ତମମ୍ ॥ 4 ॥

ଵୈକୁଂଠଂ ଦୁଷ୍ଟଦମନଂ ଭୂଗର୍ଭଂ ପୀତଵାସସମ୍ ।
ତ୍ରିଵିକ୍ରମଂ ତ୍ରିକାଲଜ୍ଞଂ ତ୍ରିମୂର୍ତିଂ ନଂଦକେଶ୍ଵରମ୍ ॥ 5 ॥

ରାମଂ ରାମଂ ହୟଗ୍ରୀଵଂ ଭୀମଂ ରୌଦ୍ରଂ ଭଵୋଦ୍ଭଵମ୍ ।
ଶ୍ରୀପତିଂ ଶ୍ରୀଧରଂ ଶ୍ରୀଶଂ ମଂଗଲଂ ମଂଗଲାୟୁଧମ୍ ॥ 6 ॥

ଦାମୋଦରଂ ଦମୋପେତଂ କେଶଵଂ କେଶିସୂଦନମ୍ ।
ଵରେଣ୍ୟଂ ଵରଦଂ ଵିଷ୍ଣୁମାନଂଦଂ ଵାସୁଦେଵଜମ୍ ॥ 7 ॥

ହିରଣ୍ୟରେତସଂ ଦୀପ୍ତଂ ପୁରାଣଂ ପୁରୁଷୋତ୍ତମମ୍ ।
ସକଲଂ ନିଷ୍କଲଂ ଶୁଦ୍ଧଂ ନିର୍ଗୁଣଂ ଗୁଣଶାଶ୍ଵତମ୍ ॥ 8 ॥

ହିରଣ୍ୟତନୁସଂକାଶଂ ସୂର୍ୟାୟୁତସମପ୍ରଭମ୍ ।
ମେଘଶ୍ୟାମଂ ଚତୁର୍ବାହୁଂ କୁଶଲଂ କମଲେକ୍ଷଣମ୍ ॥ 9 ॥

ଜ୍ୟୋତୀରୂପମରୂପଂ ଚ ସ୍ଵରୂପଂ ରୂପସଂସ୍ଥିତମ୍ ।
ସର୍ଵଜ୍ଞଂ ସର୍ଵରୂପସ୍ଥଂ ସର୍ଵେଶଂ ସର୍ଵତୋମୁଖମ୍ ॥ 10 ॥

ଜ୍ଞାନଂ କୂଟସ୍ଥମଚଲଂ ଜ୍ଞ୍ହାନଦଂ ପରମଂ ପ୍ରଭୁମ୍ ।
ୟୋଗୀଶଂ ୟୋଗନିଷ୍ଣାତଂ ୟୋଗିସଂୟୋଗରୂପିଣମ୍ ॥ 11 ॥

ଈଶ୍ଵରଂ ସର୍ଵଭୂତାନାଂ ଵଂଦେ ଭୂତମୟଂ ପ୍ରଭୁମ୍ ।
ଇତି ନାମଶତଂ ଦିଵ୍ୟଂ ଵୈଷ୍ଣଵଂ ଖଲୁ ପାପହମ୍ ॥ 12 ॥

ଵ୍ୟାସେନ କଥିତଂ ପୂର୍ଵଂ ସର୍ଵପାପପ୍ରଣାଶନମ୍ ।
ୟଃ ପଠେତ୍ ପ୍ରାତରୁତ୍ଥାୟ ସ ଭଵେଦ୍ ଵୈଷ୍ଣଵୋ ନରଃ ॥ 13 ॥

ସର୍ଵପାପଵିଶୁଦ୍ଧାତ୍ମା ଵିଷ୍ଣୁସାୟୁଜ୍ୟମାପ୍ନୁୟାତ୍ ।
ଚାଂଦ୍ରାୟଣସହସ୍ରାଣି କନ୍ୟାଦାନଶତାନି ଚ ॥ 14 ॥

ଗଵାଂ ଲକ୍ଷସହସ୍ରାଣି ମୁକ୍ତିଭାଗୀ ଭଵେନ୍ନରଃ ।
ଅଶ୍ଵମେଧାୟୁତଂ ପୁଣ୍ୟଂ ଫଲଂ ପ୍ରାପ୍ନୋତି ମାନଵଃ ॥ 15 ॥

॥ ଇତି ଶ୍ରୀଵିଷ୍ଣୁପୁରାଣେ ଶ୍ରୀ ଵିଷ୍ଣୁ ଅଷ୍ଟୋତ୍ତର ଶତନାସ୍ତୋତ୍ରମ୍ ॥

sri vishnu sata nama stotram vishnu purana in odia