ଶ୍ରୀ ଷଣ୍ମୁଖ ଷଟ୍କମ୍

sri shanmukha shatkam in odia

ଗିରିତନୟାସୁତ ଗାଂଗପୟୋଦିତ ଗଂଧସୁଵାସିତ ବାଲତନୋ
ଗୁଣଗଣଭୂଷଣ କୋମଲଭାଷଣ କ୍ରୌଂଚଵିଦାରଣ କୁଂଦତନୋ ।
ଗଜମୁଖସୋଦର ଦୁର୍ଜୟଦାନଵସଂଘଵିନାଶକ ଦିଵ୍ୟତନୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 1 ॥

ପ୍ରତିଗିରିସଂସ୍ଥିତ ଭକ୍ତହୃଦିସ୍ଥିତ ପୁତ୍ରଧନପ୍ରଦ ରମ୍ୟତନୋ
ଭଵଭୟମୋଚକ ଭାଗ୍ୟଵିଧାୟକ ଭୂସୁତଵାର ସୁପୂଜ୍ୟତନୋ ।
ବହୁଭୁଜଶୋଭିତ ବଂଧଵିମୋଚକ ବୋଧଫଲପ୍ରଦ ବୋଧତନୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 2 ॥

ଶମଧନମାନିତ ମୌନିହୃଦାଲୟ ମୋକ୍ଷକୃଦାଲୟ ମୁଗ୍ଧତନୋ
ଶତମଖପାଲକ ଶଂକରତୋଷକ ଶଂଖସୁଵାଦକ ଶକ୍ତିତନୋ ।
ଦଶଶତମନ୍ମଥ ସନ୍ନିଭସୁଂଦର କୁଂଡଲମଂଡିତ କର୍ଣଵିଭୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 3 ॥

ଗୁହ ତରୁଣାରୁଣଚେଲପରିଷ୍କୃତ ତାରକମାରକ ମାରତନୋ
ଜଲନିଧିତୀରସୁଶୋଭିଵରାଲୟ ଶଂକରସନ୍ନୁତ ଦେଵଗୁରୋ ।
ଵିହିତମହାଧ୍ଵରସାମନିମଂତ୍ରିତ ସୌମ୍ୟହୃଦଂତର ସୋମତନୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 4 ॥

ଲଵଲିକୟା ସହ କେଲିକଲାପର ଦେଵସୁତାର୍ପିତ ମାଲ୍ୟତନୋ
ଗୁରୁପଦସଂସ୍ଥିତ ଶଂକରଦର୍ଶିତ ତତ୍ତ୍ଵମୟପ୍ରଣଵାର୍ଥଵିଭୋ ।
ଵିଧିହରିପୂଜିତ ବ୍ରହ୍ମସୁତାର୍ପିତ ଭାଗ୍ୟସୁପୂରକ ୟୋଗିତନୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 5 ॥

କଲିଜନପାଲନ କଂଜସୁଲୋଚନ କୁକ୍କୁଟକେତନ କେଲିତନୋ
କୃତବଲିପାଲନ ବର୍ହିଣଵାହନ ଫାଲଵିଲୋଚନଶଂଭୁତନୋ ।
ଶରଵଣସଂଭଵ ଶତ୍ରୁନିବର୍ହଣ ଚଂଦ୍ରସମାନନ ଶର୍ମତନୋ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 6 ॥

ସୁଖଦମନଂତପଦାନ୍ଵିତ ରାମସୁଦୀକ୍ଷିତ ସତ୍କଵିପଦ୍ୟମିଦଂ
ଶରଵଣ ସଂଭଵ ତୋଷଦମିଷ୍ଟଦମଷ୍ଟସୁସିଦ୍ଧିଦମାର୍ତିହରମ୍ ।
ପଠତି ଶୃଣୋତି ଚ ଭକ୍ତିୟୁତୋ ୟଦି ଭାଗ୍ୟସମୃଦ୍ଧିମଥୋ ଲଭତେ
ଜୟ ଜୟ ହେ ଗୁହ ଷଣ୍ମୁଖ ସୁଂଦର ଦେହି ରତିଂ ତଵ ପାଦୟୁଗେ ॥ 7 ॥

ଇତି ଶ୍ରୀଅନଂତରାମଦୀକ୍ଷିତ କୃତଂ ଷଣ୍ମୁଖ ଷଟ୍କମ୍ ॥

sri shanmukha shatkam in odia