ಶ್ರೀ ಷಣ್ಮುಖ ಷಟ್ಕಂ

sri shanmukha shatkam in kannada

ಗಿರಿತನಯಾಸುತ ಗಾಂಗಪಯೋದಿತ ಗಂಧಸುವಾಸಿತ ಬಾಲತನೋ
ಗುಣಗಣಭೂಷಣ ಕೋಮಲಭಾಷಣ ಕ್ರೌಂಚವಿದಾರಣ ಕುಂದತನೋ ।
ಗಜಮುಖಸೋದರ ದುರ್ಜಯದಾನವಸಂಘವಿನಾಶಕ ದಿವ್ಯತನೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 1 ॥

ಪ್ರತಿಗಿರಿಸಂಸ್ಥಿತ ಭಕ್ತಹೃದಿಸ್ಥಿತ ಪುತ್ರಧನಪ್ರದ ರಮ್ಯತನೋ
ಭವಭಯಮೋಚಕ ಭಾಗ್ಯವಿಧಾಯಕ ಭೂಸುತವಾರ ಸುಪೂಜ್ಯತನೋ ।
ಬಹುಭುಜಶೋಭಿತ ಬಂಧವಿಮೋಚಕ ಬೋಧಫಲಪ್ರದ ಬೋಧತನೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 2 ॥

ಶಮಧನಮಾನಿತ ಮೌನಿಹೃದಾಲಯ ಮೋಕ್ಷಕೃದಾಲಯ ಮುಗ್ಧತನೋ
ಶತಮಖಪಾಲಕ ಶಂಕರತೋಷಕ ಶಂಖಸುವಾದಕ ಶಕ್ತಿತನೋ ।
ದಶಶತಮನ್ಮಥ ಸನ್ನಿಭಸುಂದರ ಕುಂಡಲಮಂಡಿತ ಕರ್ಣವಿಭೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 3 ॥

ಗುಹ ತರುಣಾರುಣಚೇಲಪರಿಷ್ಕೃತ ತಾರಕಮಾರಕ ಮಾರತನೋ
ಜಲನಿಧಿತೀರಸುಶೋಭಿವರಾಲಯ ಶಂಕರಸನ್ನುತ ದೇವಗುರೋ ।
ವಿಹಿತಮಹಾಧ್ವರಸಾಮನಿಮಂತ್ರಿತ ಸೌಮ್ಯಹೃದಂತರ ಸೋಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 4 ॥

ಲವಲಿಕಯಾ ಸಹ ಕೇಲಿಕಲಾಪರ ದೇವಸುತಾರ್ಪಿತ ಮಾಲ್ಯತನೋ
ಗುರುಪದಸಂಸ್ಥಿತ ಶಂಕರದರ್ಶಿತ ತತ್ತ್ವಮಯಪ್ರಣವಾರ್ಥವಿಭೋ ।
ವಿಧಿಹರಿಪೂಜಿತ ಬ್ರಹ್ಮಸುತಾರ್ಪಿತ ಭಾಗ್ಯಸುಪೂರಕ ಯೋಗಿತನೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 5 ॥

ಕಲಿಜನಪಾಲನ ಕಂಜಸುಲೋಚನ ಕುಕ್ಕುಟಕೇತನ ಕೇಲಿತನೋ
ಕೃತಬಲಿಪಾಲನ ಬರ್ಹಿಣವಾಹನ ಫಾಲವಿಲೋಚನಶಂಭುತನೋ ।
ಶರವಣಸಂಭವ ಶತ್ರುನಿಬರ್ಹಣ ಚಂದ್ರಸಮಾನನ ಶರ್ಮತನೋ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 6 ॥

ಸುಖದಮನಂತಪದಾನ್ವಿತ ರಾಮಸುದೀಕ್ಷಿತ ಸತ್ಕವಿಪದ್ಯಮಿದಂ
ಶರವಣ ಸಂಭವ ತೋಷದಮಿಷ್ಟದಮಷ್ಟಸುಸಿದ್ಧಿದಮಾರ್ತಿಹರಮ್ ।
ಪಠತಿ ಶೃಣೋತಿ ಚ ಭಕ್ತಿಯುತೋ ಯದಿ ಭಾಗ್ಯಸಮೃದ್ಧಿಮಥೋ ಲಭತೇ
ಜಯ ಜಯ ಹೇ ಗುಹ ಷಣ್ಮುಖ ಸುಂದರ ದೇಹಿ ರತಿಂ ತವ ಪಾದಯುಗೇ ॥ 7 ॥

ಇತಿ ಶ್ರೀಅನಂತರಾಮದೀಕ್ಷಿತ ಕೃತಂ ಷಣ್ಮುಖ ಷಟ್ಕಮ್ ॥

sri shanmukha shatkam in kannada