ଶ୍ରୀ ରାମାଷ୍ଟକଂ (ରାମ ଅଷ୍ଟକଂ)

sri ramashtakam rama ashtakam in odia

ଭଜେ ଵିଶେଷସୁଂଦରଂ ସମସ୍ତପାପଖଂଡନମ୍ ।
ସ୍ଵଭକ୍ତଚିତ୍ତରଂଜନଂ ସଦୈଵ ରାମମଦ୍ଵୟମ୍ ॥ 1 ॥

ଜଟାକଲାପଶୋଭିତଂ ସମସ୍ତପାପନାଶକମ୍ ।
ସ୍ଵଭକ୍ତଭୀତିଭଂଜନଂ ଭଜେ ହ ରାମମଦ୍ଵୟମ୍ ॥ 2 ॥

ନିଜସ୍ଵରୂପବୋଧକଂ କୃପାକରଂ ଭଵାଽପହମ୍ ।
ସମଂ ଶିଵଂ ନିରଂଜନଂ ଭଜେ ହ ରାମମଦ୍ଵୟମ୍ ॥ 3 ॥

ସଦା ପ୍ରପଂଚକଲ୍ପିତଂ ହ୍ୟନାମରୂପଵାସ୍ତଵମ୍ ।
ନିରାକୃତିଂ ନିରାମୟଂ ଭଜେ ହ ରାମମଦ୍ଵୟମ୍ ॥ 4 ॥

ନିଷ୍ପ୍ରପଂଚ ନିର୍ଵିକଲ୍ପ ନିର୍ମଲଂ ନିରାମୟମ୍ ।
ଚିଦେକରୂପସଂତତଂ ଭଜେ ହ ରାମମଦ୍ଵୟମ୍ ॥ 5 ॥

ଭଵାବ୍ଧିପୋତରୂପକଂ ହ୍ୟଶେଷଦେହକଲ୍ପିତମ୍ ।
ଗୁଣାକରଂ କୃପାକରଂ ଭଜେ ହ ରାମମଦ୍ଵୟମ୍ ॥ 6 ॥

ମହାସୁଵାକ୍ୟବୋଧକୈର୍ଵିରାଜମାନଵାକ୍ପଦୈଃ ।
ପରଂ ଚ ବ୍ରହ୍ମ ଵ୍ୟାପକଂ ଭଜେ ହ ରାମମଦ୍ଵୟମ୍ ॥ 7 ॥

ଶିଵପ୍ରଦଂ ସୁଖପ୍ରଦଂ ଭଵଚ୍ଛିଦଂ ଭ୍ରମାପହମ୍ ।
ଵିରାଜମାନଦୈଶିକଂ ଭଜେ ହ ରାମମଦ୍ଵୟମ୍ ॥ 8 ॥

ରାମାଷ୍ଟକଂ ପଠତି ୟଃ ସୁଖଦଂ ସୁପୁଣ୍ୟଂ
ଵ୍ୟାସେନ ଭାଷିତମିଦଂ ଶୃଣୁତେ ମନୁଷ୍ୟଃ ।
ଵିଦ୍ୟାଂ ଶ୍ରିୟଂ ଵିପୁଲସୌଖ୍ୟମନଂତକୀର୍ତିଂ
ସଂପ୍ରାପ୍ୟ ଦେହଵିଲୟେ ଲଭତେ ଚ ମୋକ୍ଷମ୍ ॥ 9 ॥

ଇତି ଶ୍ରୀଵ୍ୟାସ ପ୍ରୋକ୍ତ ଶ୍ରୀରାମାଷ୍ଟକମ୍ ।

sri ramashtakam rama ashtakam in odia