ଶ୍ରୀ ମନସା ଦେଵୀ ସ୍ତୋତ୍ରମ୍ (ମହେଂଦ୍ର କୃତମ୍)

sri manasa devi stotram mahendra kritam in odia

ଦେଵି ତ୍ଵାଂ ସ୍ତୋତୁମିଚ୍ଛାମି ସାଧ୍ଵୀନାଂ ପ୍ରଵରାଂ ପରାମ୍ ।
ପରାତ୍ପରାଂ ଚ ପରମାଂ ନ ହି ସ୍ତୋତୁଂ କ୍ଷମୋଽଧୁନା ॥ 1 ॥

ସ୍ତୋତ୍ରାଣାଂ ଲକ୍ଷଣଂ ଵେଦେ ସ୍ଵଭାଵାଖ୍ୟାନତଃ ପରମ୍ ।
ନ କ୍ଷମଃ ପ୍ରକୃତିଂ ଵକ୍ତୁଂ ଗୁଣାନାଂ ତଵ ସୁଵ୍ରତେ ॥ 2 ॥

ଶୁଦ୍ଧସତ୍ତ୍ଵସ୍ଵରୂପା ତ୍ଵଂ କୋପହିଂସାଵିଵର୍ଜିତା ।
ନ ଚ ଶପ୍ତୋ ମୁନିସ୍ତେନ ତ୍ୟକ୍ତୟା ଚ ତ୍ଵୟା ୟତଃ ॥ 3 ॥

ତ୍ଵଂ ମୟା ପୂଜିତା ସାଧ୍ଵୀ ଜନନୀ ଚ ୟଥାଽଦିତିଃ ।
ଦୟାରୂପା ଚ ଭଗିନୀ କ୍ଷମାରୂପା ୟଥା ପ୍ରସୂଃ ॥ 4 ॥

ତ୍ଵୟା ମେ ରକ୍ଷିତାଃ ପ୍ରାଣା ପୁତ୍ରଦାରାଃ ସୁରେଶ୍ଵରି ।
ଅହଂ କରୋମି ତ୍ଵାଂ ପୂଜ୍ୟାଂ ମମ ପ୍ରୀତିଶ୍ଚ ଵର୍ଧତେ ॥ 5 ॥

ନିତ୍ୟଂ ୟଦ୍ୟପି ପୂଜ୍ୟା ତ୍ଵଂ ଭଵେଽତ୍ର ଜଗଦଂବିକେ ।
ତଥାପି ତଵ ପୂଜାଂ ଵୈ ଵର୍ଧୟାମି ପୁନଃ ପୁନଃ ॥ 6 ॥

ୟେ ତ୍ଵାମାଷାଢସଂକ୍ରାଂତ୍ୟାଂ ପୂଜୟିଷ୍ୟଂତି ଭକ୍ତିତଃ ।
ପଂଚମ୍ୟାଂ ମନସାଖ୍ୟାୟାଂ ମାସାଂତେ ଵା ଦିନେ ଦିନେ ॥ 7 ॥

ପୁତ୍ରପୌତ୍ରାଦୟସ୍ତେଷାଂ ଵର୍ଧଂତେ ଚ ଧନାନି ଚ ।
ୟଶସ୍ଵିନଃ କୀର୍ତିମଂତୋ ଵିଦ୍ୟାଵଂତୋ ଗୁଣାନ୍ଵିତାଃ ॥ 8 ॥

ୟେ ତ୍ଵାଂ ନ ପୂଜୟିଷ୍ୟଂତି ନିଂଦଂତ୍ୟଜ୍ଞାନତୋ ଜନାଃ ।
ଲକ୍ଷ୍ମୀହୀନା ଭଵିଷ୍ୟଂତି ତେଷାଂ ନାଗଭୟଂ ସଦା ॥ 9 ॥

ତ୍ଵଂ ସ୍ଵର୍ଗଲକ୍ଷ୍ମୀଃ ସ୍ଵର୍ଗେ ଚ ଵୈକୁଂଠେ କମଲାକଲା ।
ନାରାୟଣାଂଶୋ ଭଗଵାନ୍ ଜରତ୍କାରୁର୍ମୁନୀଶ୍ଵରଃ ॥ 10 ॥

ତପସା ତେଜସା ତ୍ଵାଂ ଚ ମନସା ସସୃଜେ ପିତା ।
ଅସ୍ମାକଂ ରକ୍ଷଣାୟୈଵ ତେନ ତ୍ଵଂ ମନସାଭିଧା ॥ 11 ॥

ମନସା ଦେଵି ତୁ ଶକ୍ତା ଚାତ୍ମନା ସିଦ୍ଧୟୋଗିନୀ ।
ତେନ ତ୍ଵଂ ମନସାଦେଵୀ ପୂଜିତା ଵଂଦିତା ଭଵେ ॥ 12 ॥

ୟାଂ ଭକ୍ତ୍ୟା ମନସା ଦେଵାଃ ପୂଜୟଂତ୍ୟନିଶଂ ଭୃଶମ୍ ।
ତେନ ତ୍ଵାଂ ମନସାଦେଵୀଂ ପ୍ରଵଦଂତି ପୁରାଵିଦଃ ॥ 13 ॥

ସତ୍ତ୍ଵରୂପା ଚ ଦେଵୀ ତ୍ଵଂ ଶଶ୍ଵତ୍ସତ୍ତ୍ଵନିଷେଵୟା ।
ୟୋ ହି ୟଦ୍ଭାଵୟେନ୍ନିତ୍ୟଂ ଶତଂ ପ୍ରାପ୍ନୋତି ତତ୍ସମମ୍ ॥ 14 ॥

ଇଦଂ ସ୍ତୋତ୍ରଂ ପୁଣ୍ୟବୀଜଂ ତାଂ ସଂପୂଜ୍ୟ ଚ ୟଃ ପଠେତ୍ ।
ତସ୍ୟ ନାଗଭୟଂ ନାସ୍ତି ତସ୍ୟ ଵଂଶୋଦ୍ଭଵସ୍ୟ ଚ ॥ 15 ॥

ଵିଷଂ ଭଵେତ୍ସୁଧାତୁଲ୍ୟଂ ସିଦ୍ଧସ୍ତୋତ୍ରଂ ୟଦା ପଠେତ୍ ।
ପଂଚଲକ୍ଷଜପେନୈଵ ସିଦ୍ଧସ୍ତୋତ୍ରୋ ଭଵେନ୍ନରଃ ।
ସର୍ପଶାୟୀ ଭଵେତ୍ସୋଽପି ନିଶ୍ଚିତଂ ସର୍ପଵାହନଃ ॥ 16 ॥

ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଂଡେ ଷଟ୍ଚତ୍ଵାରିଂଶୋଽଧ୍ୟାୟେ ମହେଂଦ୍ର କୃତ ଶ୍ରୀ ମନସାଦେଵୀ ସ୍ତୋତ୍ରମ୍ ॥

ଆସ୍ତୀକମୁନି ମଂତ୍ରଃ
ସର୍ପାପସର୍ପ ଭଦ୍ରଂ ତେ ଗଚ୍ଛ ସର୍ପ ମହାଵିଷ ।
ଜନମେଜୟସ୍ୟ ୟଜ୍ଞାଂତେ ଆସ୍ତୀକଵଚନଂ ସ୍ମର ॥

sri manasa devi stotram mahendra kritam in odia