ശ്രീ മനസാ ദേവീ സ്തോത്രമ് (മഹേംദ്ര കൃതമ്)

sri manasa devi stotram mahendra kritam in malayalam

ദേവി ത്വാം സ്തോതുമിച്ഛാമി സാധ്വീനാം പ്രവരാം പരാമ് ।
പരാത്പരാം ച പരമാം ന ഹി സ്തോതും ക്ഷമോഽധുനാ ॥ 1 ॥

സ്തോത്രാണാം ലക്ഷണം വേദേ സ്വഭാവാഖ്യാനതഃ പരമ് ।
ന ക്ഷമഃ പ്രകൃതിം വക്തും ഗുണാനാം തവ സുവ്രതേ ॥ 2 ॥

ശുദ്ധസത്ത്വസ്വരൂപാ ത്വം കോപഹിംസാവിവര്ജിതാ ।
ന ച ശപ്തോ മുനിസ്തേന ത്യക്തയാ ച ത്വയാ യതഃ ॥ 3 ॥

ത്വം മയാ പൂജിതാ സാധ്വീ ജനനീ ച യഥാഽദിതിഃ ।
ദയാരൂപാ ച ഭഗിനീ ക്ഷമാരൂപാ യഥാ പ്രസൂഃ ॥ 4 ॥

ത്വയാ മേ രക്ഷിതാഃ പ്രാണാ പുത്രദാരാഃ സുരേശ്വരി ।
അഹം കരോമി ത്വാം പൂജ്യാം മമ പ്രീതിശ്ച വര്ധതേ ॥ 5 ॥

നിത്യം യദ്യപി പൂജ്യാ ത്വം ഭവേഽത്ര ജഗദംബികേ ।
തഥാപി തവ പൂജാം വൈ വര്ധയാമി പുനഃ പുനഃ ॥ 6 ॥

യേ ത്വാമാഷാഢസംക്രാംത്യാം പൂജയിഷ്യംതി ഭക്തിതഃ ।
പംചമ്യാം മനസാഖ്യായാം മാസാംതേ വാ ദിനേ ദിനേ ॥ 7 ॥

പുത്രപൌത്രാദയസ്തേഷാം വര്ധംതേ ച ധനാനി ച ।
യശസ്വിനഃ കീര്തിമംതോ വിദ്യാവംതോ ഗുണാന്വിതാഃ ॥ 8 ॥

യേ ത്വാം ന പൂജയിഷ്യംതി നിംദംത്യജ്ഞാനതോ ജനാഃ ।
ലക്ഷ്മീഹീനാ ഭവിഷ്യംതി തേഷാം നാഗഭയം സദാ ॥ 9 ॥

ത്വം സ്വര്ഗലക്ഷ്മീഃ സ്വര്ഗേ ച വൈകുംഠേ കമലാകലാ ।
നാരായണാംശോ ഭഗവാന് ജരത്കാരുര്മുനീശ്വരഃ ॥ 10 ॥

തപസാ തേജസാ ത്വാം ച മനസാ സസൃജേ പിതാ ।
അസ്മാകം രക്ഷണായൈവ തേന ത്വം മനസാഭിധാ ॥ 11 ॥

മനസാ ദേവി തു ശക്താ ചാത്മനാ സിദ്ധയോഗിനീ ।
തേന ത്വം മനസാദേവീ പൂജിതാ വംദിതാ ഭവേ ॥ 12 ॥

യാം ഭക്ത്യാ മനസാ ദേവാഃ പൂജയംത്യനിശം ഭൃശമ് ।
തേന ത്വാം മനസാദേവീം പ്രവദംതി പുരാവിദഃ ॥ 13 ॥

സത്ത്വരൂപാ ച ദേവീ ത്വം ശശ്വത്സത്ത്വനിഷേവയാ ।
യോ ഹി യദ്ഭാവയേന്നിത്യം ശതം പ്രാപ്നോതി തത്സമമ് ॥ 14 ॥

ഇദം സ്തോത്രം പുണ്യബീജം താം സംപൂജ്യ ച യഃ പഠേത് ।
തസ്യ നാഗഭയം നാസ്തി തസ്യ വംശോദ്ഭവസ്യ ച ॥ 15 ॥

വിഷം ഭവേത്സുധാതുല്യം സിദ്ധസ്തോത്രം യദാ പഠേത് ।
പംചലക്ഷജപേനൈവ സിദ്ധസ്തോത്രോ ഭവേന്നരഃ ।
സര്പശായീ ഭവേത്സോഽപി നിശ്ചിതം സര്പവാഹനഃ ॥ 16 ॥

ഇതി ശ്രീബ്രഹ്മവൈവര്തേ മഹാപുരാണേ പ്രകൃതിഖംഡേ ഷട്ചത്വാരിംശോഽധ്യായേ മഹേംദ്ര കൃത ശ്രീ മനസാദേവീ സ്തോത്രമ് ॥

ആസ്തീകമുനി മംത്രഃ
സര്പാപസര്പ ഭദ്രം തേ ഗച്ഛ സര്പ മഹാവിഷ ।
ജനമേജയസ്യ യജ്ഞാംതേ ആസ്തീകവചനം സ്മര ॥

sri manasa devi stotram mahendra kritam in malayalam