শ্রী মনসা দেবী স্তোত্রম্ (মহেংদ্র কৃতম্)

sri manasa devi stotram mahendra kritam in bengali

দেবি ত্বাং স্তোতুমিচ্ছামি সাধ্বীনাং প্রবরাং পরাম্ ।
পরাত্পরাং চ পরমাং ন হি স্তোতুং ক্ষমোঽধুনা ॥ 1 ॥

স্তোত্রাণাং লক্ষণং বেদে স্বভাবাখ্য়ানতঃ পরম্ ।
ন ক্ষমঃ প্রকৃতিং বক্তুং গুণানাং তব সুব্রতে ॥ 2 ॥

শুদ্ধসত্ত্বস্বরূপা ত্বং কোপহিংসাবিবর্জিতা ।
ন চ শপ্তো মুনিস্তেন ত্যক্তয়া চ ত্বয়া যতঃ ॥ 3 ॥

ত্বং ময়া পূজিতা সাধ্বী জননী চ যথাঽদিতিঃ ।
দয়ারূপা চ ভগিনী ক্ষমারূপা যথা প্রসূঃ ॥ 4 ॥

ত্বয়া মে রক্ষিতাঃ প্রাণা পুত্রদারাঃ সুরেশ্বরি ।
অহং করোমি ত্বাং পূজ্য়াং মম প্রীতিশ্চ বর্ধতে ॥ 5 ॥

নিত্য়ং যদ্যপি পূজ্য়া ত্বং ভবেঽত্র জগদংবিকে ।
তথাপি তব পূজাং বৈ বর্ধয়ামি পুনঃ পুনঃ ॥ 6 ॥

যে ত্বামাষাঢসংক্রাংত্য়াং পূজয়িষ্য়ংতি ভক্তিতঃ ।
পংচম্য়াং মনসাখ্য়ায়াং মাসাংতে বা দিনে দিনে ॥ 7 ॥

পুত্রপৌত্রাদযস্তেষাং বর্ধংতে চ ধনানি চ ।
যশস্বিনঃ কীর্তিমংতো বিদ্য়াবংতো গুণান্বিতাঃ ॥ 8 ॥

যে ত্বাং ন পূজয়িষ্য়ংতি নিংদংত্যজ্ঞানতো জনাঃ ।
লক্ষ্মীহীনা ভবিষ্য়ংতি তেষাং নাগভয়ং সদা ॥ 9 ॥

ত্বং স্বর্গলক্ষ্মীঃ স্বর্গে চ বৈকুংঠে কমলাকলা ।
নারাযণাংশো ভগবান্ জরত্কারুর্মুনীশ্বরঃ ॥ 10 ॥

তপসা তেজসা ত্বাং চ মনসা সসৃজে পিতা ।
অস্মাকং রক্ষণায়ৈব তেন ত্বং মনসাভিধা ॥ 11 ॥

মনসা দেবি তু শক্তা চাত্মনা সিদ্ধয়োগিনী ।
তেন ত্বং মনসাদেবী পূজিতা বংদিতা ভবে ॥ 12 ॥

যাং ভক্ত্য়া মনসা দেবাঃ পূজয়ংত্যনিশং ভৃশম্ ।
তেন ত্বাং মনসাদেবীং প্রবদংতি পুরাবিদঃ ॥ 13 ॥

সত্ত্বরূপা চ দেবী ত্বং শশ্বত্সত্ত্বনিষেবয়া ।
যো হি যদ্ভাবয়েন্নিত্য়ং শতং প্রাপ্নোতি তত্সমম্ ॥ 14 ॥

ইদং স্তোত্রং পুণ্যবীজং তাং সংপূজ্য় চ যঃ পঠেত্ ।
তস্য় নাগভয়ং নাস্তি তস্য় বংশোদ্ভবস্য় চ ॥ 15 ॥

বিষং ভবেত্সুধাতুল্য়ং সিদ্ধস্তোত্রং যদা পঠেত্ ।
পংচলক্ষজপেনৈব সিদ্ধস্তোত্রো ভবেন্নরঃ ।
সর্পশায়ী ভবেত্সোঽপি নিশ্চিতং সর্পবাহনঃ ॥ 16 ॥

ইতি শ্রীব্রহ্মবৈবর্তে মহাপুরাণে প্রকৃতিখংডে ষট্চত্বারিংশোঽধ্য়ায়ে মহেংদ্র কৃত শ্রী মনসাদেবী স্তোত্রম্ ॥

আস্তীকমুনি মংত্রঃ
সর্পাপসর্প ভদ্রং তে গচ্ছ সর্প মহাবিষ ।
জনমেজযস্য় যজ্ঞাংতে আস্তীকবচনং স্মর ॥

sri manasa devi stotram mahendra kritam in bengali