ଶ୍ରୀ ମହାକାଳୀ ସ୍ତୋତ୍ରଂ

sri maha kali stotram in odia

ଧ୍ୟାନମ୍
ଶଵାରୂଢାଂ ମହାଭୀମାଂ ଘୋରଦଂଷ୍ଟ୍ରାଂ ଵରପ୍ରଦାଂ
ହାସ୍ୟୟୁକ୍ତାଂ ତ୍ରିଣେତ୍ରାଂଚ କପାଲ କର୍ତ୍ରିକା କରାମ୍ ।
ମୁକ୍ତକେଶୀଂ ଲଲଜ୍ଜିହ୍ଵାଂ ପିବଂତୀଂ ରୁଧିରଂ ମୁହୁଃ
ଚତୁର୍ବାହୁୟୁତାଂ ଦେଵୀଂ ଵରାଭୟକରାଂ ସ୍ମରେତ୍ ॥

ଶଵାରୂଢାଂ ମହାଭୀମାଂ ଘୋରଦଂଷ୍ଟ୍ରାଂ ହସନ୍ମୁଖୀଂ
ଚତୁର୍ଭୁଜାଂ ଖଡ୍ଗମୁଂଡଵରାଭୟକରାଂ ଶିଵାମ୍ ।
ମୁଂଡମାଲାଧରାଂ ଦେଵୀଂ ଲଲଜ୍ଜିହ୍ଵାଂ ଦିଗଂବରାଂ
ଏଵଂ ସଂଚିଂତୟେତ୍କାଳୀଂ ଶ୍ମଶନାଲୟଵାସିନୀମ୍ ॥

ସ୍ତୋତ୍ରମ୍
ଵିଶ୍ଵେଶ୍ଵରୀଂ ଜଗଦ୍ଧାତ୍ରୀଂ ସ୍ଥିତିସଂହାରକାରିଣୀମ୍ ।
ନିଦ୍ରାଂ ଭଗଵତୀଂ ଵିଷ୍ଣୋରତୁଲାଂ ତେଜସଃ ପ୍ରଭାମ୍ ॥ 1 ॥

ତ୍ଵଂ ସ୍ଵାହା ତ୍ଵଂ ସ୍ଵଧା ତ୍ଵଂ ହି ଵଷଟ୍କାରଃ ସ୍ଵରାତ୍ମିକା ।
ସୁଧା ତ୍ଵମକ୍ଷରେ ନିତ୍ୟେ ତ୍ରିଧା ମାତ୍ରାତ୍ମିକା ସ୍ଥିତା ॥ 2 ॥

ଅର୍ଥମାତ୍ରାସ୍ଥିତା ନିତ୍ୟା ୟାନୁଚ୍ଚାର୍ୟା ଵିଶେଷତଃ ।
ତ୍ଵମେଵ ସଂଧ୍ୟା ସାଵିତ୍ରୀ ତ୍ଵଂ ଦେଵୀ ଜନନୀ ପରା ॥ 3 ॥

ତ୍ଵୟୈତଦ୍ଧାର୍ୟତେ ଵିଶ୍ଵଂ ତ୍ଵୟୈତଦ୍ସୃଜ୍ୟତେ ଜଗତ୍ ।
ତ୍ଵୟୈତତ୍ପାଲ୍ୟତେ ଦେଵି ତ୍ଵମତ୍ସ୍ୟଂତେ ଚ ସର୍ଵଦା ॥ 4 ॥

ଵିସୃଷ୍ଟୌ ସୃଷ୍ଟିରୂପା ତ୍ଵଂ ସ୍ଥିତିରୂପା ଚ ପାଲନେ ।
ତଥା ସଂହୃତିରୂପାଂତେ ଜଗତୋଽସ୍ୟ ଜଗନ୍ମୟେ ॥ 5 ॥

ମହାଵିଦ୍ୟା ମହାମାୟା ମହାମେଧା ମହାସ୍ମୃତିଃ ।
ମହାମୋହା ଚ ଭଵତୀ ମହାଦେଵୀ ମହେଶ୍ଵରୀ ॥ 6 ॥

ପ୍ରକୃତିସ୍ତ୍ଵଂ ଚ ସର୍ଵସ୍ୟ ଗୁଣତ୍ରୟଵିଭାଵିନୀ ।
କାଲରାତ୍ରିର୍ମହାରାତ୍ରିର୍ମୋହରାତ୍ରିଶ୍ଚ ଦାରୁଣା ॥ 7 ॥

ତ୍ଵଂ ଶ୍ରୀସ୍ତ୍ଵମୀଶ୍ଵରୀ ତ୍ଵଂ ହ୍ରୀସ୍ତ୍ଵଂ ବୁଦ୍ଧିର୍ବୋଧଲକ୍ଷଣା ।
ଲଜ୍ଜା ପୁଷ୍ଟିସ୍ତଥା ତୁଷ୍ଟିସ୍ତ୍ଵଂ ଶାଂତିଃ କ୍ଷାଂତିରେଵ ଚ ॥ 8 ॥

ଖଡ୍ଗିନୀ ଶୂଲିନୀ ଘୋରା ଗଦିନୀ ଚକ୍ରିଣୀ ତଥା ।
ଶଂଖିନୀ ଚାପିନୀ ବାଣଭୁଶୁଂଡୀପରିଘାୟୁଧା ॥ 9 ॥

ସୌମ୍ୟା ସୌମ୍ୟତରାଶେଷା ସୌମ୍ୟେଭ୍ୟସ୍ତ୍ଵତିସୁଂଦରୀ ।
ପରାପରାଣାଂ ପରମା ତ୍ଵମେଵ ପରମେଶ୍ଵରୀ ॥ 10 ॥

ୟଚ୍ଚ କିଂଚିତ୍ କ୍ଵଚିଦ୍ଵସ୍ତୁ ସଦସଦ୍ଵାଖିଲାତ୍ମିକେ ।
ତସ୍ୟ ସର୍ଵସ୍ୟ ୟା ଶକ୍ତିଃ ସା ତ୍ଵଂ କିଂ ସ୍ତୂୟସେ ତଦା ॥ 11 ॥

ୟୟା ତ୍ଵୟା ଜଗତ୍ସ୍ରଷ୍ଟା ଜଗତ୍ପାତ୍ୟତ୍ତି ୟୋ ଜଗତ୍ ।
ସୋଽପି ନିଦ୍ରାଵଶଂ ନୀତଃ କସ୍ତ୍ଵାଂ ସ୍ତୋତୁମିହେଶ୍ଵରଃ ॥ 12 ॥

ଵିଷ୍ଣୁଃ ଶରୀରଗ୍ରହଣମହମୀଶାନ ଏଵ ଚ ।
କାରିତାସ୍ତେ ୟତୋଽତସ୍ତ୍ଵାଂ କଃ ସ୍ତୋତୁଂ ଶକ୍ତିମାନ୍ ଭଵେତ୍ ॥ 13 ॥

ସା ତ୍ଵମିତ୍ଥଂ ପ୍ରଭାଵୈଃ ସ୍ଵୈରୁଦାରୈର୍ଦେଵି ସଂସ୍ତୁତା ।
ମୋହୟୈତୌ ଦୁରାଧର୍ଷାଵସୁରୌ ମଧୁକୈଟଭୌ ॥ 14 ॥

ପ୍ରବୋଧଂ ଚ ଜଗତ୍ସ୍ଵାମୀ ନୀୟତାମଚ୍ୟୁତୋ ଲଘୁ ।
ବୋଧଶ୍ଚ କ୍ରିୟତାମସ୍ୟ ହଂତୁମେତୌ ମହାସୁରୌ ॥ 15 ॥

ଇତି ଶ୍ରୀ ମହାକାଳୀ ସ୍ତୋତ୍ରମ୍ ।

sri maha kali stotram in odia