શ્રી મહાકાળી સ્તોત્રં

sri maha kali stotram in gujarati

ધ્યાનમ્
શવારૂઢાં મહાભીમાં ઘોરદંષ્ટ્રાં વરપ્રદાં
હાસ્યયુક્તાં ત્રિણેત્રાંચ કપાલ કર્ત્રિકા કરામ્ ।
મુક્તકેશીં લલજ્જિહ્વાં પિબંતીં રુધિરં મુહુઃ
ચતુર્બાહુયુતાં દેવીં વરાભયકરાં સ્મરેત્ ॥

શવારૂઢાં મહાભીમાં ઘોરદંષ્ટ્રાં હસન્મુખીં
ચતુર્ભુજાં ખડ્ગમુંડવરાભયકરાં શિવામ્ ।
મુંડમાલાધરાં દેવીં લલજ્જિહ્વાં દિગંબરાં
એવં સંચિંતયેત્કાળીં શ્મશનાલયવાસિનીમ્ ॥

સ્તોત્રમ્
વિશ્વેશ્વરીં જગદ્ધાત્રીં સ્થિતિસંહારકારિણીમ્ ।
નિદ્રાં ભગવતીં વિષ્ણોરતુલાં તેજસઃ પ્રભામ્ ॥ 1 ॥

ત્વં સ્વાહા ત્વં સ્વધા ત્વં હિ વષટ્કારઃ સ્વરાત્મિકા ।
સુધા ત્વમક્ષરે નિત્યે ત્રિધા માત્રાત્મિકા સ્થિતા ॥ 2 ॥

અર્થમાત્રાસ્થિતા નિત્યા યાનુચ્ચાર્યા વિશેષતઃ ।
ત્વમેવ સંધ્યા સાવિત્રી ત્વં દેવી જનની પરા ॥ 3 ॥

ત્વયૈતદ્ધાર્યતે વિશ્વં ત્વયૈતદ્સૃજ્યતે જગત્ ।
ત્વયૈતત્પાલ્યતે દેવિ ત્વમત્સ્યંતે ચ સર્વદા ॥ 4 ॥

વિસૃષ્ટૌ સૃષ્ટિરૂપા ત્વં સ્થિતિરૂપા ચ પાલને ।
તથા સંહૃતિરૂપાંતે જગતોઽસ્ય જગન્મયે ॥ 5 ॥

મહાવિદ્યા મહામાયા મહામેધા મહાસ્મૃતિઃ ।
મહામોહા ચ ભવતી મહાદેવી મહેશ્વરી ॥ 6 ॥

પ્રકૃતિસ્ત્વં ચ સર્વસ્ય ગુણત્રયવિભાવિની ।
કાલરાત્રિર્મહારાત્રિર્મોહરાત્રિશ્ચ દારુણા ॥ 7 ॥

ત્વં શ્રીસ્ત્વમીશ્વરી ત્વં હ્રીસ્ત્વં બુદ્ધિર્બોધલક્ષણા ।
લજ્જા પુષ્ટિસ્તથા તુષ્ટિસ્ત્વં શાંતિઃ ક્ષાંતિરેવ ચ ॥ 8 ॥

ખડ્ગિની શૂલિની ઘોરા ગદિની ચક્રિણી તથા ।
શંખિની ચાપિની બાણભુશુંડીપરિઘાયુધા ॥ 9 ॥

સૌમ્યા સૌમ્યતરાશેષા સૌમ્યેભ્યસ્ત્વતિસુંદરી ।
પરાપરાણાં પરમા ત્વમેવ પરમેશ્વરી ॥ 10 ॥

યચ્ચ કિંચિત્ ક્વચિદ્વસ્તુ સદસદ્વાખિલાત્મિકે ।
તસ્ય સર્વસ્ય યા શક્તિઃ સા ત્વં કિં સ્તૂયસે તદા ॥ 11 ॥

યયા ત્વયા જગત્સ્રષ્ટા જગત્પાત્યત્તિ યો જગત્ ।
સોઽપિ નિદ્રાવશં નીતઃ કસ્ત્વાં સ્તોતુમિહેશ્વરઃ ॥ 12 ॥

વિષ્ણુઃ શરીરગ્રહણમહમીશાન એવ ચ ।
કારિતાસ્તે યતોઽતસ્ત્વાં કઃ સ્તોતું શક્તિમાન્ ભવેત્ ॥ 13 ॥

સા ત્વમિત્થં પ્રભાવૈઃ સ્વૈરુદારૈર્દેવિ સંસ્તુતા ।
મોહયૈતૌ દુરાધર્ષાવસુરૌ મધુકૈટભૌ ॥ 14 ॥

પ્રબોધં ચ જગત્સ્વામી નીયતામચ્યુતો લઘુ ।
બોધશ્ચ ક્રિયતામસ્ય હંતુમેતૌ મહાસુરૌ ॥ 15 ॥

ઇતિ શ્રી મહાકાળી સ્તોત્રમ્ ।

sri maha kali stotram in gujarati