ଶ୍ରି ଦତ୍ତ ସ୍ତଵମ୍

sri datta stavam in odia

ଶ୍ରୀ ଗଣେଶାୟ ନମଃ ଶ୍ରୀ ସରସ୍ଵତ୍ୟୈ ନମଃ
ଶ୍ରୀପାଦଵଲ୍ଲଭ ନରସିଂହସରସ୍ଵତି
ଶ୍ରୀଗୁରୁ ଦତ୍ତାତ୍ରେୟାୟ ନମଃ

ଦତ୍ତାତ୍ରେୟଂ ମହାତ୍ମାନଂ ଵରଦଂ ଭକ୍ତଵତ୍ସଲମ୍ ।
ପ୍ରପନ୍ନାର୍ତିହରଂ ଵଂଦେ ସ୍ମର୍ତୃଗାମି ସନୋଵତୁ ॥ 1 ॥

ଦୀନବଂଧୁଂ କୃପାସିଂଧୁଂ ସର୍ଵକାରଣକାରଣମ୍ ।
ସର୍ଵରକ୍ଷାକରଂ ଵଂଦେ ସ୍ମର୍ତୃଗାମି ସନୋଵତୁ ॥ 2 ॥

ଶରଣାଗତଦୀନାର୍ତ ପରିତ୍ରାଣପରାୟଣମ୍ ।
ନାରାୟଣଂ ଵିଭୁଂ ଵଂଦେ ସ୍ମର୍ତୃଗାମି ସନୋଵତୁ ॥ 3 ॥

ସର୍ଵାନର୍ଥହରଂ ଦେଵଂ ସର୍ଵମଂଗଳ ମଂଗଳମ୍ ।
ସର୍ଵକ୍ଲେଶହରଂ ଵଂଦେ ସ୍ମର୍ତୃଗାମି ସନୋଵତୁ ॥ 4 ॥

ବ୍ରହ୍ମଣ୍ୟଂ ଧର୍ମତତ୍ତ୍ଵଜ୍ଞଂ ଭକ୍ତକୀର୍ତିଵିଵର୍ଧନମ୍ ।
ଭକ୍ତାଽଭୀଷ୍ଟପ୍ରଦଂ ଵଂଦେ ସ୍ମର୍ତୃଗାମି ସନୋଵତୁ ॥ 5 ॥

ଶୋଷଣଂ ପାପପଂକସ୍ୟ ଦୀପନଂ ଜ୍ଞାନତେଜସଃ ।
ତାପପ୍ରଶମନଂ ଵଂଦେ ସ୍ମର୍ତୃଗାମି ସନୋଵତୁ ॥ 6 ॥

ସର୍ଵରୋଗପ୍ରଶମନଂ ସର୍ଵପୀଡାନିଵାରଣମ୍ ।
ଵିପଦୁଦ୍ଧରଣଂ ଵଂଦେ ସ୍ମର୍ତୃଗାମି ସନୋଵତୁ ॥ 7 ॥

ଜନ୍ମସଂସାରବଂଧଘ୍ନଂ ସ୍ଵରୂପାନଂଦଦାୟକମ୍ ।
ନିଶ୍ଶ୍ରେୟସପଦଂ ଵଂଦେ ସ୍ମର୍ତୃଗାମି ସନୋଵତୁ ॥ 8 ॥

ଜୟ ଲାଭ ୟଶଃ କାମ ଦାତୁର୍ଦତ୍ତସ୍ୟ ୟଃ ସ୍ତଵମ୍ ।
ଭୋଗମୋକ୍ଷପ୍ରଦସ୍ୟେମଂ ପ୍ରପଠେତ୍ ସୁକୃତୀ ଭଵେତ୍ ॥9 ॥

ଇତି ଶ୍ରୀ ଦତ୍ତସ୍ତଵମ୍ ।

sri datta stavam in odia