ଶ୍ରୀ ଛିନ୍ନମସ୍ତା ଅଷ୍ଟୋତ୍ତର ଶତ ନାମା ସ୍ତୋତ୍ରଂ

sri chinnamasta ashtottara satanama stotram in odia

ଶ୍ରୀ ପାର୍ଵତ୍ୟୁଵାଚ
ନାମ୍ନାଂ ସହସ୍ରଂ ପରମଂ ଛିନ୍ନମସ୍ତାପ୍ରିୟଂ ଶୁଭମ୍ ।
କଥିତଂ ଭଵତା ଶଂଭୋସ୍ସଦ୍ୟଶ୍ଶତ୍ରୁନିକୃଂତନମ୍ ॥ 1 ॥

ପୁନଃ ପୃଚ୍ଛାମ୍ୟହଂ ଦେଵ କୃପାଂ କୁରୁ ମମୋପରି ।
ସହସ୍ରନାମପାଠେ ଚ ଅଶକ୍ତୋ ୟଃ ପୁମାନ୍ ଭଵେତ୍ ॥ 2 ॥

ତେନ କିଂ ପଠ୍ୟତେ ନାଥ ତନ୍ମେ ବ୍ରୂହି କୃପାମୟ ।

ଶ୍ରୀ ସଦାଶିଵ ଉଵାଚ
ଅଷ୍ଟୋତ୍ତରଶତଂ ନାମ୍ନାଂ ପଠ୍ୟତେ ତେନ ସର୍ଵଦା ॥ 3 ॥

ସହସ୍ରନାମପାଠସ୍ୟ ଫଲଂ ପ୍ରାପ୍ନୋତି ନିଶ୍ଚିତମ୍ ।

ଓଂ ଅସ୍ୟ ଶ୍ରୀଛିନ୍ନମସ୍ତାଦେଵ୍ୟଷ୍ଟୋତ୍ତର ଶତନାମ ସ୍ତୋତ୍ରମହାମଂତ୍ରସ୍ୟ ସଦାଶିଵ
ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀଛିନ୍ନମସ୍ତା ଦେଵତା ମମ ସକଲସିଦ୍ଧି ପ୍ରାପ୍ତୟେ ଜପେ ଵିନିୟୋଗଃ ॥

ଓଂ ଛିନ୍ନମସ୍ତା ମହାଵିଦ୍ୟା ମହାଭୀମା ମହୋଦରୀ ।
ଚଂଡେଶ୍ଵରୀ ଚଂଡମାତା ଚଂଡମୁଂଡପ୍ରଭଂଜିନୀ ॥ 4 ॥

ମହାଚଂଡା ଚଂଡରୂପା ଚଂଡିକା ଚଂଡଖଂଡିନୀ ।
କ୍ରୋଧିନୀ କ୍ରୋଧଜନନୀ କ୍ରୋଧରୂପା କୁହୂଃ କଳା ॥ 5 ॥

କୋପାତୁରା କୋପୟୁତା କୋପସଂହାରକାରିଣୀ ।
ଵଜ୍ରଵୈରୋଚନୀ ଵଜ୍ରା ଵଜ୍ରକଲ୍ପା ଚ ଡାକିନୀ ॥ 6 ॥

ଡାକିନୀକର୍ମନିରତା ଡାକିନୀକର୍ମପୂଜିତା ।
ଡାକିନୀସଂଗନିରତା ଡାକିନୀପ୍ରେମପୂରିତା ॥ 7 ॥

ଖଟ୍ଵାଂଗଧାରିଣୀ ଖର୍ଵା ଖଡ୍ଗଖର୍ପରଧାରିଣୀ ।
ପ୍ରେତାସନା ପ୍ରେତୟୁତା ପ୍ରେତସଂଗଵିହାରିଣୀ ॥ 8 ॥

ଛିନ୍ନମୁଂଡଧରା ଛିନ୍ନଚଂଡଵିଦ୍ୟା ଚ ଚିତ୍ରିଣୀ ।
ଘୋରରୂପା ଘୋରଦୃଷ୍ଟିଃ ଘୋରରାଵା ଘନୋଦରୀ ॥ 9 ॥

ୟୋଗିନୀ ୟୋଗନିରତା ଜପୟଜ୍ଞପରାୟଣା ।
ୟୋନିଚକ୍ରମୟୀ ୟୋନିର୍ୟୋନିଚକ୍ରପ୍ରଵର୍ତିନୀ ॥ 10 ॥

ୟୋନିମୁଦ୍ରା ୟୋନିଗମ୍ୟା ୟୋନିୟଂତ୍ରନିଵାସିନୀ ।
ୟଂତ୍ରରୂପା ୟଂତ୍ରମୟୀ ୟଂତ୍ରେଶୀ ୟଂତ୍ରପୂଜିତା ॥ 11 ॥

କୀର୍ତ୍ୟା କପର୍ଦିନୀ କାଳୀ କଂକାଳୀ କଲକାରିଣୀ ।
ଆରକ୍ତା ରକ୍ତନୟନା ରକ୍ତପାନପରାୟଣା ॥ 12 ॥

ଭଵାନୀ ଭୂତିଦା ଭୂତିର୍ଭୂତିଧାତ୍ରୀ ଚ ଭୈରଵୀ ।
ଭୈରଵାଚାରନିରତା ଭୂତଭୈରଵସେଵିତା ॥ 13 ॥

ଭୀମା ଭୀମେଶ୍ଵରୀ ଦେଵୀ ଭୀମନାଦପରାୟଣା ।
ଭଵାରାଧ୍ୟା ଭଵନୁତା ଭଵସାଗରତାରିଣୀ ॥ 14 ॥

ଭଦ୍ରକାଳୀ ଭଦ୍ରତନୁର୍ଭଦ୍ରରୂପା ଚ ଭଦ୍ରିକା ।
ଭଦ୍ରରୂପା ମହାଭଦ୍ରା ସୁଭଦ୍ରା ଭଦ୍ରପାଲିନୀ ॥ 15 ॥

ସୁଭଵ୍ୟା ଭଵ୍ୟଵଦନା ସୁମୁଖୀ ସିଦ୍ଧସେଵିତା ।
ସିଦ୍ଧିଦା ସିଦ୍ଧିନିଵହା ସିଦ୍ଧା ସିଦ୍ଧନିଷେଵିତା ॥ 16 ॥

ଶୁଭଦା ଶୁଭଗା ଶୁଦ୍ଧା ଶୁଦ୍ଧସତ୍ତ୍ଵା ଶୁଭାଵହା ।
ଶ୍ରେଷ୍ଠା ଦୃଷ୍ଟିମୟୀ ଦେଵୀ ଦୃଷ୍ଟିସଂହାରକାରିଣୀ ॥ 17 ॥

ଶର୍ଵାଣୀ ସର୍ଵଗା ସର୍ଵା ସର୍ଵମଂଗଳକାରିଣୀ ।
ଶିଵା ଶାଂତା ଶାଂତିରୂପା ମୃଡାନୀ ମଦାନତୁରା ॥ 18 ॥

ଇତି ତେ କଥିତଂ ଦେଵୀ ସ୍ତୋତ୍ରଂ ପରମଦୁର୍ଲଭମ୍ ।
ଗୁହ୍ୟାଦ୍ଗୁହ୍ୟତରଂ ଗୋପ୍ୟଂ ଗୋପନିୟଂ ପ୍ରୟତ୍ନତଃ ॥ 19 ॥

କିମତ୍ର ବହୁନୋକ୍ତେନ ତ୍ଵଦଗ୍ରେ ପ୍ରାଣଵଲ୍ଲଭେ ।
ମାରଣଂ ମୋହନଂ ଦେଵି ହ୍ୟୁଚ୍ଚାଟନମତଃ ପରମ୍ ॥ 20 ॥

ସ୍ତଂଭନାଦିକକର୍ମାଣି ଋଦ୍ଧୟସ୍ସିଦ୍ଧୟୋଽପି ଚ ।
ତ୍ରିକାଲପଠନାଦସ୍ୟ ସର୍ଵେ ସିଦ୍ଧ୍ୟଂତ୍ୟସଂଶୟଃ ॥ 21 ॥

ମହୋତ୍ତମଂ ସ୍ତୋତ୍ରମିଦଂ ଵରାନନେ
ମୟେରିତଂ ନିତ୍ୟମନନ୍ୟବୁଦ୍ଧୟଃ ।
ପଠଂତି ୟେ ଭକ୍ତିୟୁତା ନରୋତ୍ତମା
ଭଵେନ୍ନ ତେଷାଂ ରିପୁଭିଃ ପରାଜୟଃ ॥ 22 ॥

ଇତି ଶ୍ରୀଛିନ୍ନମସ୍ତାଦେଵ୍ୟଷ୍ଟୋତ୍ତରଶତନାମ ସ୍ତୋତ୍ରମ୍ ॥

sri chinnamasta ashtottara satanama stotram in odia