ଶ୍ରୀ ବଗଲାମୁଖୀ ଅଷ୍ଟୋତ୍ତର ଶତ ନାମା ସ୍ତୋତ୍ରଂ

sri bagalamukhi ashtottara satanama stotram in odia

ନାରଦ ଉଵାଚ
ଭଗଵନ୍ ଦେଵଦେଵେଶ ସୃଷ୍ଟିସ୍ଥିତିଲୟେଶ୍ଵର ।
ଶତମଷ୍ଟୋତ୍ତରଂ ନାମ୍ନାଂ ବଗଳାୟା ଵଦାଧୁନା ॥ 1 ॥

ଶ୍ରୀ ଭଗଵାନୁଵାଚ
ଶୃଣୁ ଵତ୍ସ ପ୍ରଵକ୍ଷ୍ୟାମି ନାମ୍ନାମଷ୍ଟୋତ୍ତରଂ ଶତମ୍ ।
ପୀତାଂବର୍ୟା ମହାଦେଵ୍ୟାଃ ସ୍ତୋତ୍ରଂ ପାପପ୍ରଣାଶନମ୍ ॥ 2 ॥

ୟସ୍ୟ ପ୍ରପଠନାତ୍ସଦ୍ୟୋ ଵାଦୀ ମୂକୋଭଵେତ୍ କ୍ଷଣାତ୍ ।
ରିପଵସ୍ସ୍ତଂଭନଂ ୟାଂତି ସତ୍ୟଂ ସତ୍ୟଂ ଵଦାମ୍ୟହମ୍ ॥ 3 ॥

ଓଂ ଅସ୍ୟ ଶ୍ରୀପୀତାଂବର୍ୟଷ୍ଟୋତ୍ତରଶତନାମସ୍ତୋତ୍ରସ୍ୟ ସଦାଶିଵ ଋଷିଃ ଅନୁଷ୍ଟୁପ୍ଛଂଦଃ ଶ୍ରୀପୀତାଂବରୀ ଦେଵତା ଶ୍ରୀପୀତାଂବରୀ ପ୍ରୀତୟେ ଜପେ ଵିନିୟୋଗଃ ।

ଓଂ ବଗଳା ଵିଷ୍ଣୁଵନିତା ଵିଷ୍ଣୁଶଂକରଭାମିନୀ ।
ବହୁଳା ଦେଵମାତା ଚ ମହାଵିଷ୍ଣୁପ୍ରସୂରପି ॥ 4 ॥

ମହାମତ୍ସ୍ୟା ମହାକୂର୍ମା ମହାଵାରାହରୂପିଣୀ ।
ନାରସିଂହପ୍ରିୟା ରମ୍ୟା ଵାମନା ପଟୁରୂପିଣୀ ॥ 5 ॥

ଜାମଦଗ୍ନ୍ୟସ୍ଵରୂପା ଚ ରାମା ରାମପ୍ରପୂଜିତା ।
କୃଷ୍ଣା କପର୍ଦିନୀ କୃତ୍ୟା କଲହା ଚ ଵିକାରିଣୀ ॥ 6 ॥

ବୁଦ୍ଧିରୂପା ବୁଦ୍ଧଭାର୍ୟା ବୌଦ୍ଧପାଷଂଡଖଂଡିନୀ ।
କଲ୍କିରୂପା କଲିହରା କଲିଦୁର୍ଗତିନାଶିନୀ ॥ 7 ॥

କୋଟିସୂର୍ୟପ୍ରତୀକାଶା କୋଟିକଂଦର୍ପମୋହିନୀ ।
କେଵଲା କଠିନା କାଳୀ କଲା କୈଵଲ୍ୟଦାୟିନୀ ॥ 8 ॥

କେଶଵୀ କେଶଵାରାଧ୍ୟା କିଶୋରୀ କେଶଵସ୍ତୁତା ।
ରୁଦ୍ରରୂପା ରୁଦ୍ରମୂର୍ତୀ ରୁଦ୍ରାଣୀ ରୁଦ୍ରଦେଵତା ॥ 9 ॥

ନକ୍ଷତ୍ରରୂପା ନକ୍ଷତ୍ରା ନକ୍ଷତ୍ରେଶପ୍ରପୂଜିତା ।
ନକ୍ଷତ୍ରେଶପ୍ରିୟା ନିତ୍ୟା ନକ୍ଷତ୍ରପତିଵଂଦିତା ॥ 10 ॥

ନାଗିନୀ ନାଗଜନନୀ ନାଗରାଜପ୍ରଵଂଦିତା ।
ନାଗେଶ୍ଵରୀ ନାଗକନ୍ୟା ନାଗରୀ ଚ ନଗାତ୍ମଜା ॥ 11 ॥

ନଗାଧିରାଜତନୟା ନଗରାଜପ୍ରପୂଜିତା ।
ନଵୀନା ନୀରଦା ପୀତା ଶ୍ୟାମା ସୌଂଦର୍ୟକାରିଣୀ ॥ 12 ॥

ରକ୍ତା ନୀଲା ଘନା ଶୁଭ୍ରା ଶ୍ଵେତା ସୌଭାଗ୍ୟଦାୟିନୀ ।
ସୁଂଦରୀ ସୌଭଗା ସୌମ୍ୟା ସ୍ଵର୍ଣାଭା ସ୍ଵର୍ଗତିପ୍ରଦା ॥ 13 ॥

ରିପୁତ୍ରାସକରୀ ରେଖା ଶତ୍ରୁସଂହାରକାରିଣୀ ।
ଭାମିନୀ ଚ ତଥା ମାୟା ସ୍ତଂଭିନୀ ମୋହିନୀ ଶୁଭା ॥ 14 ॥

ରାଗଦ୍ଵେଷକରୀ ରାତ୍ରୀ ରୌରଵଧ୍ଵଂସକାରିଣୀ ।
ୟକ୍ଷିଣୀ ସିଦ୍ଧନିଵହା ସିଦ୍ଧେଶା ସିଦ୍ଧିରୂପିଣୀ ॥ 15 ॥

ଲଂକାପତିଧ୍ଵଂସକରୀ ଲଂକେଶରିପୁଵଂଦିତା ।
ଲଂକାନାଥକୁଲହରା ମହାରାଵଣହାରିଣୀ ॥ 16 ॥

ଦେଵଦାନଵସିଦ୍ଧୌଘପୂଜିତାପରମେଶ୍ଵରୀ ।
ପରାଣୁରୂପା ପରମା ପରତଂତ୍ରଵିନାଶିନୀ ॥ 17 ॥

ଵରଦା ଵରଦାରାଧ୍ୟା ଵରଦାନପରାୟଣା ।
ଵରଦେଶପ୍ରିୟା ଵୀରା ଵୀରଭୂଷଣଭୂଷିତା ॥ 18 ॥

ଵସୁଦା ବହୁଦା ଵାଣୀ ବ୍ରହ୍ମରୂପା ଵରାନନା ।
ବଲଦା ପୀତଵସନା ପୀତଭୂଷଣଭୂଷିତା ॥ 19 ॥

ପୀତପୁଷ୍ପପ୍ରିୟା ପୀତହାରା ପୀତସ୍ଵରୂପିଣୀ ।
ଇତି ତେ କଥିତଂ ଵିପ୍ର ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ୟଃ ପଠେତ୍ପାଠୟେଦ୍ଵାପି ଶୃଣୁୟାଦ୍ଵା ସମାହିତଃ ।
ତସ୍ୟ ଶତ୍ରୁଃ କ୍ଷୟଂ ସଦ୍ୟୋ ୟାତି ନୈଵାତ୍ର ସଂଶୟଃ ॥ 21 ॥

ପ୍ରଭାତକାଲେ ପ୍ରୟତୋ ମନୁଷ୍ୟଃ
ପଠେତ୍ସୁଭକ୍ତ୍ୟା ପରିଚିଂତ୍ୟ ପୀତାମ୍ ।
ଧ୍ରୁଵଂ ଭଵେତ୍ତସ୍ୟ ସମସ୍ତଵୃଦ୍ଧିଃ
ଵିନାଶମାୟାତି ଚ ତସ୍ୟ ଶତ୍ରୁଃ ॥ 22 ॥

ଇତି ଶ୍ରୀଵିଷ୍ଣୁୟାମଲେ ନାରଦଵିଷ୍ଣୁସଂଵାଦେ ଶ୍ରୀବଗଳାଷ୍ଟୋତ୍ତରଶତନାମସ୍ତୋତ୍ରମ୍ ।

sri bagalamukhi ashtottara satanama stotram in odia