શ્રી બગલામુખી અષ્ટોત્તર શત નામા સ્તોત્રં

sri bagalamukhi ashtottara satanama stotram in gujarati

નારદ ઉવાચ
ભગવન્ દેવદેવેશ સૃષ્ટિસ્થિતિલયેશ્વર ।
શતમષ્ટોત્તરં નામ્નાં બગળાયા વદાધુના ॥ 1 ॥

શ્રી ભગવાનુવાચ
શૃણુ વત્સ પ્રવક્ષ્યામિ નામ્નામષ્ટોત્તરં શતમ્ ।
પીતાંબર્યા મહાદેવ્યાઃ સ્તોત્રં પાપપ્રણાશનમ્ ॥ 2 ॥

યસ્ય પ્રપઠનાત્સદ્યો વાદી મૂકોભવેત્ ક્ષણાત્ ।
રિપવસ્સ્તંભનં યાંતિ સત્યં સત્યં વદામ્યહમ્ ॥ 3 ॥

ઓં અસ્ય શ્રીપીતાંબર્યષ્ટોત્તરશતનામસ્તોત્રસ્ય સદાશિવ ઋષિઃ અનુષ્ટુપ્છંદઃ શ્રીપીતાંબરી દેવતા શ્રીપીતાંબરી પ્રીતયે જપે વિનિયોગઃ ।

ઓં બગળા વિષ્ણુવનિતા વિષ્ણુશંકરભામિની ।
બહુળા દેવમાતા ચ મહાવિષ્ણુપ્રસૂરપિ ॥ 4 ॥

મહામત્સ્યા મહાકૂર્મા મહાવારાહરૂપિણી ।
નારસિંહપ્રિયા રમ્યા વામના પટુરૂપિણી ॥ 5 ॥

જામદગ્ન્યસ્વરૂપા ચ રામા રામપ્રપૂજિતા ।
કૃષ્ણા કપર્દિની કૃત્યા કલહા ચ વિકારિણી ॥ 6 ॥

બુદ્ધિરૂપા બુદ્ધભાર્યા બૌદ્ધપાષંડખંડિની ।
કલ્કિરૂપા કલિહરા કલિદુર્ગતિનાશિની ॥ 7 ॥

કોટિસૂર્યપ્રતીકાશા કોટિકંદર્પમોહિની ।
કેવલા કઠિના કાળી કલા કૈવલ્યદાયિની ॥ 8 ॥

કેશવી કેશવારાધ્યા કિશોરી કેશવસ્તુતા ।
રુદ્રરૂપા રુદ્રમૂર્તી રુદ્રાણી રુદ્રદેવતા ॥ 9 ॥

નક્ષત્રરૂપા નક્ષત્રા નક્ષત્રેશપ્રપૂજિતા ।
નક્ષત્રેશપ્રિયા નિત્યા નક્ષત્રપતિવંદિતા ॥ 10 ॥

નાગિની નાગજનની નાગરાજપ્રવંદિતા ।
નાગેશ્વરી નાગકન્યા નાગરી ચ નગાત્મજા ॥ 11 ॥

નગાધિરાજતનયા નગરાજપ્રપૂજિતા ।
નવીના નીરદા પીતા શ્યામા સૌંદર્યકારિણી ॥ 12 ॥

રક્તા નીલા ઘના શુભ્રા શ્વેતા સૌભાગ્યદાયિની ।
સુંદરી સૌભગા સૌમ્યા સ્વર્ણાભા સ્વર્ગતિપ્રદા ॥ 13 ॥

રિપુત્રાસકરી રેખા શત્રુસંહારકારિણી ।
ભામિની ચ તથા માયા સ્તંભિની મોહિની શુભા ॥ 14 ॥

રાગદ્વેષકરી રાત્રી રૌરવધ્વંસકારિણી ।
યક્ષિણી સિદ્ધનિવહા સિદ્ધેશા સિદ્ધિરૂપિણી ॥ 15 ॥

લંકાપતિધ્વંસકરી લંકેશરિપુવંદિતા ।
લંકાનાથકુલહરા મહારાવણહારિણી ॥ 16 ॥

દેવદાનવસિદ્ધૌઘપૂજિતાપરમેશ્વરી ।
પરાણુરૂપા પરમા પરતંત્રવિનાશિની ॥ 17 ॥

વરદા વરદારાધ્યા વરદાનપરાયણા ।
વરદેશપ્રિયા વીરા વીરભૂષણભૂષિતા ॥ 18 ॥

વસુદા બહુદા વાણી બ્રહ્મરૂપા વરાનના ।
બલદા પીતવસના પીતભૂષણભૂષિતા ॥ 19 ॥

પીતપુષ્પપ્રિયા પીતહારા પીતસ્વરૂપિણી ।
ઇતિ તે કથિતં વિપ્ર નામ્નામષ્ટોત્તરં શતમ્ ॥ 20 ॥

યઃ પઠેત્પાઠયેદ્વાપિ શૃણુયાદ્વા સમાહિતઃ ।
તસ્ય શત્રુઃ ક્ષયં સદ્યો યાતિ નૈવાત્ર સંશયઃ ॥ 21 ॥

પ્રભાતકાલે પ્રયતો મનુષ્યઃ
પઠેત્સુભક્ત્યા પરિચિંત્ય પીતામ્ ।
ધ્રુવં ભવેત્તસ્ય સમસ્તવૃદ્ધિઃ
વિનાશમાયાતિ ચ તસ્ય શત્રુઃ ॥ 22 ॥

ઇતિ શ્રીવિષ્ણુયામલે નારદવિષ્ણુસંવાદે શ્રીબગળાષ્ટોત્તરશતનામસ્તોત્રમ્ ।

sri bagalamukhi ashtottara satanama stotram in gujarati