ପ୍ରାତଃସ୍ମରଣ ସ୍ତୋତ୍ରଂ

pratasmarana stotram in odia

ପ୍ରାତଃ ସ୍ମରାମି ହୃଦି ସଂସ୍ଫୁରଦାତ୍ମତତ୍ତ୍ଵଂ
ସଚ୍ଚିତ୍ସୁଖଂ ପରମହଂସଗତିଂ ତୁରୀୟମ୍ ।
ୟତ୍ସ୍ଵପ୍ନଜାଗରସୁଷୁପ୍ତମଵୈତି ନିତ୍ୟଂ
ତଦ୍ବ୍ରହ୍ମ ନିଷ୍କଲମହଂ ନ ଚ ଭୂତସଂଘଃ ॥ 1 ॥

ପ୍ରାତର୍ଭଜାମି ମନସାଂ ଵଚସାମଗମ୍ୟଂ
ଵାଚୋ ଵିଭାଂତି ନିଖିଲା ୟଦନୁଗ୍ରହେଣ ।
ୟନ୍ନେତିନେତି ଵଚନୈର୍ନିଗମା ଅଵୋଚୁଃ
ତଂ ଦେଵଦେଵମଜମଚ୍ୟୁତମାହୁରଗ୍ର୍ୟମ୍ ॥ 2 ॥

ପ୍ରାତର୍ନମାମି ତମସଃ ପରମର୍କଵର୍ଣଂ
ପୂର୍ଣଂ ସନାତନପଦଂ ପୁରୁଷୋତ୍ତମାଖ୍ୟମ୍ ।
ୟସ୍ମିନ୍ନିଦଂ ଜଗଦଶେଷମଶେଷମୂର୍ତୌ
ରଜ୍ଜ୍ଵାଂ ଭୁଜଂଗମ ଇଵ ପ୍ରତିଭାସିତଂ ଵୈ ॥ 3 ॥

ଶ୍ଲୋକତ୍ରୟମିଦଂ ପୁଣ୍ୟଂ ଲୋକତ୍ରୟଵିଭୂଷଣମ୍
ପ୍ରାତଃ କାଲେ ପଠେଦ୍ୟସ୍ତୁ ସ ଗଚ୍ଛେତ୍ପରମଂ ପଦମ୍ ॥

pratasmarana stotram in odia