ପାର୍ଵତୀ ଵଲ୍ଲଭ ଅଷ୍ଟକମ୍

parvati vallabha ashtakam in odia

ନମୋ ଭୂତନାଥଂ ନମୋ ଦେଵଦେଵଂ
ନମଃ କାଲକାଲଂ ନମୋ ଦିଵ୍ୟତେଜମ୍ ।
ନମଃ କାମଭସ୍ମଂ ନମଃ ଶାଂତଶୀଲଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 1 ॥

ସଦା ତୀର୍ଥସିଦ୍ଧଂ ସଦା ଭକ୍ତରକ୍ଷଂ
ସଦା ଶୈଵପୂଜ୍ୟଂ ସଦା ଶୁଭ୍ରଭସ୍ମମ୍ ।
ସଦା ଧ୍ୟାନୟୁକ୍ତଂ ସଦା ଜ୍ଞାନତଲ୍ପଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 2 ॥

ଶ୍ମଶାନେ ଶୟାନଂ ମହାସ୍ଥାନଵାସଂ
ଶରୀରଂ ଗଜାନାଂ ସଦା ଚର୍ମଵେଷ୍ଟମ୍ ।
ପିଶାଚାଦିନାଥଂ ପଶୂନାଂ ପ୍ରତିଷ୍ଠଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 3 ॥

ଫଣୀନାଗକଂଠେ ଭୁଜଂଗାଦ୍ୟନେକଂ
ଗଳେ ରୁଂଡମାଲଂ ମହାଵୀର ଶୂରମ୍ ।
କଟିଵ୍ୟାଘ୍ରଚର୍ମଂ ଚିତାଭସ୍ମଲେପଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 4 ॥

ଶିରଃ ଶୁଦ୍ଧଗଂଗା ଶିଵା ଵାମଭାଗଂ
ଵିୟଦ୍ଦୀର୍ଘକେଶଂ ସଦା ମାଂ ତ୍ରିଣେତ୍ରମ୍ ।
ଫଣୀନାଗକର୍ଣଂ ସଦା ଫାଲଚଂଦ୍ରଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 5 ॥

କରେ ଶୂଲଧାରଂ ମହାକଷ୍ଟନାଶଂ
ସୁରେଶଂ ପରେଶଂ ମହେଶଂ ଜନେଶମ୍ ।
ଧନେଶାମରେଶଂ ଧ୍ଵଜେଶଂ ଗିରୀଶଂ [ଧନେଶସ୍ୟମିତ୍ରଂ]
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 6 ॥

ଉଦାସଂ ସୁଦାସଂ ସୁକୈଲାସଵାସଂ
ଧରାନିର୍ଝରେ ସଂସ୍ଥିତଂ ହ୍ୟାଦିଦେଵମ୍ ।
ଅଜଂ ହେମକଲ୍ପଦ୍ରୁମଂ କଲ୍ପସେଵ୍ୟଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 7 ॥

ମୁନୀନାଂ ଵରେଣ୍ୟଂ ଗୁଣଂ ରୂପଵର୍ଣଂ
ଦ୍ଵିଜୈଃ ସଂପଠଂତଂ ଶିଵଂ ଵେଦଶାସ୍ତ୍ରମ୍ ।
ଅହୋ ଦୀନଵତ୍ସଂ କୃପାଲୁଂ ଶିଵଂ ତଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 8 ॥

ସଦା ଭାଵନାଥଂ ସଦା ସେଵ୍ୟମାନଂ
ସଦା ଭକ୍ତିଦେଵଂ ସଦା ପୂଜ୍ୟମାନମ୍ ।
ମହାତୀର୍ଥଵାସଂ ସଦା ସେଵ୍ୟମେକଂ
ଭଜେ ପାର୍ଵତୀଵଲ୍ଲଭଂ ନୀଲକଂଠମ୍ ॥ 9 ॥

ଇତି ଶ୍ରୀମଚ୍ଛଂକରୟୋଗୀଂଦ୍ର ଵିରଚିତଂ ପାର୍ଵତୀଵଲ୍ଲଭାଷ୍ଟକଂ ନାମ ନୀଲକଂଠ ସ୍ତଵଃ ॥

parvati vallabha ashtakam in odia