പാർവതീ വല്ലഭ അഷ്ടകമ്

parvati vallabha ashtakam in malayalam

നമോ ഭൂതനാഥം നമോ ദേവദേവം
നമഃ കാലകാലം നമോ ദിവ്യതേജമ് ।
നമഃ കാമഭസ്മം നമഃ ശാംതശീലം
ഭജേ പാർവതീവല്ലഭം നീലകംഠമ് ॥ 1 ॥

സദാ തീര്ഥസിദ്ധം സദാ ഭക്തരക്ഷം
സദാ ശൈവപൂജ്യം സദാ ശുഭ്രഭസ്മമ് ।
സദാ ധ്യാനയുക്തം സദാ ജ്ഞാനതല്പം
ഭജേ പാർവതീവല്ലഭം നീലകംഠമ് ॥ 2 ॥

ശ്മശാനേ ശയാനം മഹാസ്ഥാനവാസം
ശരീരം ഗജാനാം സദാ ചര്മവേഷ്ടമ് ।
പിശാചാദിനാഥം പശൂനാം പ്രതിഷ്ഠം
ഭജേ പാർവതീവല്ലഭം നീലകംഠമ് ॥ 3 ॥

ഫണീനാഗകംഠേ ഭുജംഗാദ്യനേകം
ഗളേ രുംഡമാലം മഹാവീര ശൂരമ് ।
കടിവ്യാഘ്രചര്മം ചിതാഭസ്മലേപം
ഭജേ പാർവതീവല്ലഭം നീലകംഠമ് ॥ 4 ॥

ശിരഃ ശുദ്ധഗംഗാ ശിവാ വാമഭാഗം
വിയദ്ദീര്ഘകേശം സദാ മാം ത്രിണേത്രമ് ।
ഫണീനാഗകര്ണം സദാ ഫാലചംദ്രം
ഭജേ പാർവതീവല്ലഭം നീലകംഠമ് ॥ 5 ॥

കരേ ശൂലധാരം മഹാകഷ്ടനാശം
സുരേശം പരേശം മഹേശം ജനേശമ് ।
ധനേശാമരേശം ധ്വജേശം ഗിരീശം [ധനേശസ്യമിത്രം]
ഭജേ പാർവതീവല്ലഭം നീലകംഠമ് ॥ 6 ॥

ഉദാസം സുദാസം സുകൈലാസവാസം
ധരാനിര്ഝരേ സംസ്ഥിതം ഹ്യാദിദേവമ് ।
അജം ഹേമകല്പദ്രുമം കല്പസേവ്യം
ഭജേ പാർവതീവല്ലഭം നീലകംഠമ് ॥ 7 ॥

മുനീനാം വരേണ്യം ഗുണം രൂപവര്ണം
ദ്വിജൈഃ സംപഠംതം ശിവം വേദശാസ്ത്രമ് ।
അഹോ ദീനവത്സം കൃപാലും ശിവം തം
ഭജേ പാർവതീവല്ലഭം നീലകംഠമ് ॥ 8 ॥

സദാ ഭാവനാഥം സദാ സേവ്യമാനം
സദാ ഭക്തിദേവം സദാ പൂജ്യമാനമ് ।
മഹാതീര്ഥവാസം സദാ സേവ്യമേകം
ഭജേ പാർവതീവല്ലഭം നീലകംഠമ് ॥ 9 ॥

ഇതി ശ്രീമച്ഛംകരയോഗീംദ്ര വിരചിതം പാർവതീവല്ലഭാഷ്ടകം നാമ നീലകംഠ സ്തവഃ ॥

parvati vallabha ashtakam in malayalam