ଶ୍ରୀ ଗଣପତି ଅଥର୍ଵ ଷୀର୍ଷମ୍ (ଗଣପତ୍ୟଥର୍ଵଷୀର୍ଷୋପନିଷତ୍)

ganapati atharva sheersham in odia

ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ ।
ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ ।
ସ୍ଥି॒ରୈରଂଗୈ᳚ସ୍ତୁଷ୍ଠୁ॒ଵାଗ୍​ମ୍ ସ॑ସ୍ତ॒ନୂଭିଃ॑ ।
ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ ।
ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ ।
ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ ।
ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ ।
ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ଓଂ ନମ॑ସ୍ତେ ଗ॒ଣପ॑ତୟେ ।
ତ୍ଵମେ॒ଵ ପ୍ର॒ତ୍ୟକ୍ଷଂ॒ ତତ୍ତ୍ଵ॑ମସି ।
ତ୍ଵମେ॒ଵ କେ॒ଵଲଂ॒ କର୍ତା॑ଽସି ।
ତ୍ଵମେ॒ଵ କେ॒ଵଲଂ॒ ହର୍ତା॑ଽସି ।
ତ୍ଵମେ॒ଵ କେ॒ଵଲଂ॒ ଧର୍ତା॑ଽସି ।
ତ୍ଵମେଵ ସର୍ଵଂ ଖଲ୍ଵିଦଂ॑ ବ୍ରହ୍ମା॒ସି ।
ତ୍ଵଂ ସାକ୍ଷାଦାତ୍ମା॑ଽସି ନି॒ତ୍ୟମ୍ ॥ 1 ॥
ଋ॑ତଂ-ଵଁ॒ଚ୍ମି । ସ॑ତ୍ୟଂ-ଵଁ॒ଚ୍ମି ॥ 2 ॥

ଅ॒ଵ ତ୍ଵଂ॒ ମାମ୍ । ଅଵ॑ ଵ॒କ୍ତାରମ୍᳚ ।
ଅଵ॑ ଶ୍ରୋ॒ତାରମ୍᳚ । ଅଵ॑ ଦା॒ତାରମ୍᳚ । ଅଵ॑ ଧା॒ତାରମ୍᳚ ।
ଅଵାନୂଚାନମ॑ଵ ଶି॒ଷ୍ୟମ୍ । ଅଵ॑ ପ॒ଶ୍ଚାତ୍ତା᳚ତ୍ ।
ଅଵ॑ ପୁ॒ରସ୍ତା᳚ତ୍ । ଅଵୋତ୍ତ॒ରାତ୍ତା᳚ତ୍ ।
ଅଵ॑ ଦ॒କ୍ଷିଣାତ୍ତା᳚ତ୍ । ଅଵ॑ ଚୋ॒ର୍ଧ୍ଵାତ୍ତା᳚ତ୍ ।
ଅଵାଧ॒ରାତ୍ତା᳚ତ୍ । ସର୍ଵତୋ ମାଂ ପାହି ପାହି॑ ସମଂ॒ତାତ୍ ॥ 3 ॥

ତ୍ଵଂ-ଵାଁଙ୍ମୟ॑ସ୍ତ୍ଵଂ ଚିନ୍ମ॒ୟଃ ।
ତ୍ଵମାନଂଦମୟ॑ସ୍ତ୍ଵଂ ବ୍ରହ୍ମ॒ମୟଃ ।
ତ୍ଵଂ ସଚ୍ଚିଦାନଂଦାଽଦ୍ଵି॑ତୀୟୋ॒ଽସି ।
ତ୍ଵଂ ପ୍ର॒ତ୍ୟକ୍ଷଂ॒ ବ୍ରହ୍ମା॑ସି ।
ତ୍ଵଂ ଜ୍ଞାନମୟୋ ଵିଜ୍ଞାନ॑ମୟୋ॒ଽସି ॥ 4 ॥

ସର୍ଵଂ ଜଗଦିଦଂ ତ୍ଵ॑ତ୍ତୋ ଜା॒ୟତେ ।
ସର୍ଵଂ ଜଗଦିଦଂ ତ୍ଵ॑ତ୍ତସ୍ତି॒ଷ୍ଠତି ।
ସର୍ଵଂ ଜଗଦିଦଂ ତ୍ଵୟି ଲୟ॑ମେଷ୍ୟ॒ତି ।
ସର୍ଵଂ ଜଗଦିଦଂ ତ୍ଵୟି॑ ପ୍ରତ୍ୟେ॒ତି ।
ତ୍ଵଂ ଭୂମିରାପୋଽନଲୋଽନି॑ଲୋ ନ॒ଭଃ ।
ତ୍ଵଂ ଚତ୍ଵାରି ଵା᳚କ୍ପଦା॒ନି ॥ 5 ॥

ତ୍ଵଂ ଗୁ॒ଣତ୍ର॑ୟାତୀ॒ତଃ । ତ୍ଵଂ ଅଵସ୍ଥାତ୍ର॑ୟାତୀ॒ତଃ ।
ତ୍ଵଂ ଦେ॒ହତ୍ର॑ୟାତୀ॒ତଃ । ତ୍ଵଂ କା॒ଲତ୍ର॑ୟାତୀ॒ତଃ ।
ତ୍ଵଂ ମୂଲାଧାରସ୍ଥିତୋ॑ଽସି ନି॒ତ୍ୟମ୍ । ତ୍ଵଂ ଶକ୍ତିତ୍ର॑ୟାତ୍ମ॒କଃ ।
ତ୍ଵାଂ-ୟୋଁଗିନୋ ଧ୍ୟାୟଂ॑ତି ନି॒ତ୍ୟମ୍ ।
ତ୍ଵଂ ବ୍ରହ୍ମା ତ୍ଵଂ-ଵିଁଷ୍ଣୁସ୍ତ୍ଵଂ ରୁଦ୍ରସ୍ତ୍ଵମିଂଦ୍ରସ୍ତ୍ଵମଗ୍ନିସ୍ତ୍ଵଂ-ଵାଁୟୁସ୍ତ୍ଵଂ ସୂର୍ୟସ୍ତ୍ଵଂ ଚଂଦ୍ରମାସ୍ତ୍ଵଂ ବ୍ରହ୍ମ॒ ଭୂର୍ଭୁଵଃ॒ ସ୍ଵରୋମ୍ ॥ 6 ॥

ଗ॒ଣାଦିଂ᳚ ପୂର୍ଵ॑ମୁଚ୍ଚା॒ର୍ୟ॒ ଵ॒ର୍ଣାଦୀଂ᳚ ସ୍ତଦନଂ॒ତରମ୍ ।
ଅନୁସ୍ଵାରଃ ପ॑ରତ॒ରଃ । ଅର୍ଧେଂ᳚ଦୁଲ॒ସିତମ୍ ।
ତାରେ॑ଣ ଋ॒ଦ୍ଧମ୍ । ଏତତ୍ତଵ ମନୁ॑ସ୍ଵରୂ॒ପମ୍ ।
ଗକାରଃ ପୂ᳚ର୍ଵରୂ॒ପମ୍ । ଅକାରୋ ମଧ୍ୟ॑ମରୂ॒ପମ୍ ।
ଅନୁସ୍ଵାରଶ୍ଚାଂ᳚ତ୍ୟରୂ॒ପମ୍ । ବିଂଦୁରୁତ୍ତ॑ରରୂ॒ପମ୍ ।
ନାଦଃ॑ ସଂଧା॒ନମ୍ । ସଗ୍​ମ୍ହି॑ତା ସଂ॒ଧିଃ ।
ସୈଷା ଗଣେ॑ଶଵି॒ଦ୍ୟା । ଗଣ॑କ ଋ॒ଷିଃ ।
ନିଚୃଦ୍ଗାୟ॑ତ୍ରୀଚ୍ଛଂ॒ଦଃ । ଶ୍ରୀ ମହାଗଣପତି॑ର୍ଦେଵତା ।
ଓଂ ଗଂ ଗ॒ଣପ॑ତୟେ ନମଃ ॥ 7 ॥

ଏକଦଂ॒ତାୟ॑ ଵି॒ଦ୍ମହେ॑ ଵକ୍ରତୁଂ॒ଡାୟ॑ ଧୀମହି ।
ତନ୍ନୋ॑ ଦଂତିଃ ପ୍ରଚୋ॒ଦୟା᳚ତ୍ ॥ 8 ॥

ଏକଦଂ॒ତଂ ଚ॑ତୁର୍​ହ॒ସ୍ତଂ॒ ପା॒ଶମଂ॑କୁଶ॒ଧାରି॑ଣମ୍ ।
ରଦଂ॑ ଚ॒ ଵର॑ଦଂ ହ॒ସ୍ତୈ॒ର୍ବି॒ଭ୍ରାଣଂ॑ ମୂଷ॒କଧ୍ଵ॑ଜମ୍ ।
ରକ୍ତଂ॑-ଲଁଂ॒ବୋଦ॑ରଂ ଶୂ॒ର୍ପ॒କର୍ଣକଂ॑ ରକ୍ତ॒ଵାସ॑ସମ୍ ।
ରକ୍ତ॑ଗଂ॒ଧାନୁ॑ଲିପ୍ତାଂ॒ଗଂ॒ ର॒କ୍ତପୁ॑ଷ୍ପୈଃ ସୁ॒ପୂଜି॑ତମ୍ ।
ଭକ୍ତା॑ନୁ॒କଂପି॑ନଂ ଦେ॒ଵଂ॒ ଜ॒ଗତ୍କା॑ରଣ॒ମଚ୍ୟୁ॑ତମ୍ ।
ଆଵି॑ର୍ଭୂ॒ତଂ ଚ॑ ସୃ॒ଷ୍ଟ୍ୟା॒ଦୌ॒ ପ୍ର॒କୃତେଃ᳚ ପୁରୁ॒ଷାତ୍ପ॑ରମ୍ ।
ଏଵଂ॑ ଧ୍ୟା॒ୟତି॑ ୟୋ ନି॒ତ୍ୟଂ॒ ସ॒ ୟୋଗୀ॑ ୟୋଗି॒ନାଂ-ଵଁ॑ରଃ ॥ 9 ॥

ନମୋ ଵ୍ରାତପତୟେ ନମୋ ଗଣପତୟେ ନମଃ ପ୍ରମଥପତୟେ ନମସ୍ତେଽସ୍ତୁ ଲଂବୋଦରାୟୈକଦଂତାୟ ଵିଘ୍ନଵିନାଶିନେ ଶିଵସୁତାୟ ଶ୍ରୀଵରଦମୂର୍ତୟେ॒ ନମଃ ॥ 10 ॥

ଏତଦଥର୍ଵଶୀର୍​ଷଂ-ୟୋଁଽଧୀ॒ତେ । ସ ବ୍ରହ୍ମଭୂୟା॑ୟ କ॒ଲ୍ପତେ ।
ସ ସର୍ଵଵିଘ୍ନୈ᳚ର୍ନ ବା॒ଧ୍ୟତେ । ସ ସର୍ଵତଃ ସୁଖ॑ମେଧ॒ତେ ।
ସ ପଂଚମହାପାପା᳚ତ୍ ପ୍ରମୁ॒ଚ୍ୟତେ । ସା॒ୟମ॑ଧୀୟା॒ନୋ॒ ଦିଵସକୃତଂ ପାପଂ॑ ନାଶ॒ୟତି ।
ପ୍ରା॒ତର॑ଧୀୟା॒ନୋ॒ ରାତ୍ରିକୃତଂ ପାପଂ॑ ନାଶ॒ୟତି ।
ସାୟଂ ପ୍ରାତଃ ପ୍ର॑ୟୁଂଜା॒ନୋ॒ ପାପୋଽପା॑ପୋ ଭ॒ଵତି ।
ସର୍ଵତ୍ରାଧୀୟାନୋଽପଵି॑ଘ୍ନୋ ଭଵତି । ଧର୍ମାର୍ଥକାମମୋକ୍ଷଂ॑ ଚ ଵିଂ॒ଦତି ।
ଇଦମଥର୍ଵଶୀର୍​ଷମଶିଷ୍ୟାୟ॑ ନ ଦେ॒ୟମ୍ । ୟୋ ୟଦି ମୋ॑ହାଦ୍ ଦା॒ସ୍ୟତି ସ ପାପୀ॑ୟାନ୍ ଭ॒ଵତି ।
ସହସ୍ରାଵର୍ତନାଦ୍ୟଂ-ୟଂଁ କାମ॑ମଧୀ॒ତେ । ତଂ ତମନେ॑ନ ସା॒ଧୟେତ୍ ॥ 11 ॥

ଅନେନ ଗଣପତିମ॑ଭିଷିଂ॒ଚତି । ସ ଵା᳚ଗ୍ମୀ ଭ॒ଵତି ।
ଚତୁର୍ଥ୍ୟାମନ॑ଶ୍ନନ୍ ଜ॒ପତି ସ ଵିଦ୍ୟା॑ଵାନ୍ ଭ॒ଵତି ।
ଇତ୍ୟଥର୍ଵ॑ଣଵା॒କ୍ୟମ୍ । ବ୍ରହ୍ମାଦ୍ୟା॒ଚର॑ଣଂ-ଵିଁ॒ଦ୍ୟାନ୍ନ ବିଭେତି କଦା॑ଚନେ॒ତି ॥ 12 ॥

ୟୋ ଦୂର୍ଵାଂକୁ॑ରୈର୍ୟ॒ଜତି ସ ଵୈଶ୍ରଵଣୋପ॑ମୋ ଭ॒ଵତି ।
ୟୋ ଲା॑ଜୈର୍ୟ॒ଜତି ସ ୟଶୋ॑ଵାନ୍ ଭ॒ଵତି । ସ ମେଧା॑ଵାନ୍ ଭ॒ଵତି ।
ୟୋ ମୋଦକସହସ୍ରେ॑ଣ ୟ॒ଜତି ସ ଵାଂଛିତଫଲମ॑ଵାପ୍ନୋ॒ତି ।
ୟଃ ସାଜ୍ୟ ସମି॑ଦ୍ଭିର୍ୟ॒ଜତି ସ ସର୍ଵଂ-ଲଁଭତେ ସ ସ॑ର୍ଵଂ-ଲଁ॒ଭତେ ॥ 13 ॥

ଅଷ୍ଟୌ ବ୍ରାହ୍ମଣାନ୍ ସମ୍ୟଗ୍ ଗ୍ରା॑ହୟି॒ତ୍ଵା ସୂର୍ୟଵର୍ଚ॑ସ୍ଵୀ ଭ॒ଵତି ।
ସୂର୍ୟଗ୍ରହେ ମ॑ହାନ॒ଦ୍ୟାଂ ପ୍ରତିମାସନ୍ନିଧୌ ଵା ଜ॒ପ୍ତ୍ଵା ସିଦ୍ଧମଂ॑ତ୍ରୋ ଭ॒ଵତି ।
ମହାଵିଘ୍ନା᳚ତ୍ ପ୍ରମୁ॒ଚ୍ୟତେ । ମହାଦୋଷା᳚ତ୍ ପ୍ରମୁ॒ଚ୍ୟତେ ।
ମହାପାପା᳚ତ୍ ପ୍ରମୁ॒ଚ୍ୟତେ । [ମହାପ୍ରତ୍ୟଵାୟା᳚ତ୍ ପ୍ରମୁ॒ଚ୍ୟତେ । ]
ସ ସର୍ଵ॑ଵିଦ୍ଭଵତି ସ ସର୍ଵ॑ଵିଦ୍ଭ॒ଵତି ।
ୟ ଏ॑ଵଂ-ଵେଁ॒ଦ । ଇତ୍ୟୁ॑ପ॒ନିଷ॑ତ୍ ॥ 14 ॥

ଓଂ ଭ॒ଦ୍ରଂ କର୍ଣେ॑ଭିଃ ଶୃଣୁ॒ୟାମ॑ ଦେଵାଃ ।
ଭ॒ଦ୍ରଂ ପ॑ଶ୍ୟେମା॒କ୍ଷଭି॒ର୍ୟଜ॑ତ୍ରାଃ ।
ସ୍ଥି॒ରୈରଂଗୈ᳚ସ୍ତୁଷ୍ଠୁ॒ଵାଗ୍​ମ୍ ସ॑ସ୍ତ॒ନୂଭିଃ॑ ।
ଵ୍ୟଶେ॑ମ ଦେ॒ଵହି॑ତଂ॒-ୟଁଦାୟୁଃ॑ ।
ସ୍ଵ॒ସ୍ତି ନ॒ ଇଂଦ୍ରୋ॑ ଵୃ॒ଦ୍ଧଶ୍ର॑ଵାଃ ।
ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ ।
ସ୍ଵ॒ସ୍ତି ନ॒ସ୍ତାର୍କ୍ଷ୍ୟୋ॒ ଅରି॑ଷ୍ଟନେମିଃ ।
ସ୍ଵ॒ସ୍ତି ନୋ॒ ବୃହ॒ସ୍ପତି॑ର୍ଦଧାତୁ ॥

ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ganapati atharva sheersham in odia