શ્રી ગણપતિ અથર્વ ષીર્ષમ્ (ગણપત્યથર્વષીર્ષોપનિષત્)

ganapati atharva sheersham in gujarati

ઓં ભ॒દ્રં કર્ણે॑ભિઃ શૃણુ॒યામ॑ દેવાઃ ।
ભ॒દ્રં પ॑શ્યેમા॒ક્ષભિ॒ર્યજ॑ત્રાઃ ।
સ્થિ॒રૈરંગૈ᳚સ્તુષ્ઠુ॒વાગ્​મ્ સ॑સ્ત॒નૂભિઃ॑ ।
વ્યશે॑મ દે॒વહિ॑તં॒-યઁદાયુઃ॑ ।
સ્વ॒સ્તિ ન॒ ઇંદ્રો॑ વૃ॒દ્ધશ્ર॑વાઃ ।
સ્વ॒સ્તિ નઃ॑ પૂ॒ષા વિ॒શ્વવે॑દાઃ ।
સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ ।
સ્વ॒સ્તિ નો॒ બૃહ॒સ્પતિ॑ર્દધાતુ ॥

ઓં શાંતિઃ॒ શાંતિઃ॒ શાંતિઃ॑ ॥

ઓં નમ॑સ્તે ગ॒ણપ॑તયે ।
ત્વમે॒વ પ્ર॒ત્યક્ષં॒ તત્ત્વ॑મસિ ।
ત્વમે॒વ કે॒વલં॒ કર્તા॑ઽસિ ।
ત્વમે॒વ કે॒વલં॒ હર્તા॑ઽસિ ।
ત્વમે॒વ કે॒વલં॒ ધર્તા॑ઽસિ ।
ત્વમેવ સર્વં ખલ્વિદં॑ બ્રહ્મા॒સિ ।
ત્વં સાક્ષાદાત્મા॑ઽસિ નિ॒ત્યમ્ ॥ 1 ॥
ઋ॑તં-વઁ॒ચ્મિ । સ॑ત્યં-વઁ॒ચ્મિ ॥ 2 ॥

અ॒વ ત્વં॒ મામ્ । અવ॑ વ॒ક્તારમ્᳚ ।
અવ॑ શ્રો॒તારમ્᳚ । અવ॑ દા॒તારમ્᳚ । અવ॑ ધા॒તારમ્᳚ ।
અવાનૂચાનમ॑વ શિ॒ષ્યમ્ । અવ॑ પ॒શ્ચાત્તા᳚ત્ ।
અવ॑ પુ॒રસ્તા᳚ત્ । અવોત્ત॒રાત્તા᳚ત્ ।
અવ॑ દ॒ક્ષિણાત્તા᳚ત્ । અવ॑ ચો॒ર્ધ્વાત્તા᳚ત્ ।
અવાધ॒રાત્તા᳚ત્ । સર્વતો માં પાહિ પાહિ॑ સમં॒તાત્ ॥ 3 ॥

ત્વં-વાઁઙ્મય॑સ્ત્વં ચિન્મ॒યઃ ।
ત્વમાનંદમય॑સ્ત્વં બ્રહ્મ॒મયઃ ।
ત્વં સચ્ચિદાનંદાઽદ્વિ॑તીયો॒ઽસિ ।
ત્વં પ્ર॒ત્યક્ષં॒ બ્રહ્મા॑સિ ।
ત્વં જ્ઞાનમયો વિજ્ઞાન॑મયો॒ઽસિ ॥ 4 ॥

સર્વં જગદિદં ત્વ॑ત્તો જા॒યતે ।
સર્વં જગદિદં ત્વ॑ત્તસ્તિ॒ષ્ઠતિ ।
સર્વં જગદિદં ત્વયિ લય॑મેષ્ય॒તિ ।
સર્વં જગદિદં ત્વયિ॑ પ્રત્યે॒તિ ।
ત્વં ભૂમિરાપોઽનલોઽનિ॑લો ન॒ભઃ ।
ત્વં ચત્વારિ વા᳚ક્પદા॒નિ ॥ 5 ॥

ત્વં ગુ॒ણત્ર॑યાતી॒તઃ । ત્વં અવસ્થાત્ર॑યાતી॒તઃ ।
ત્વં દે॒હત્ર॑યાતી॒તઃ । ત્વં કા॒લત્ર॑યાતી॒તઃ ।
ત્વં મૂલાધારસ્થિતો॑ઽસિ નિ॒ત્યમ્ । ત્વં શક્તિત્ર॑યાત્મ॒કઃ ।
ત્વાં-યોઁગિનો ધ્યાયં॑તિ નિ॒ત્યમ્ ।
ત્વં બ્રહ્મા ત્વં-વિઁષ્ણુસ્ત્વં રુદ્રસ્ત્વમિંદ્રસ્ત્વમગ્નિસ્ત્વં-વાઁયુસ્ત્વં સૂર્યસ્ત્વં ચંદ્રમાસ્ત્વં બ્રહ્મ॒ ભૂર્ભુવઃ॒ સ્વરોમ્ ॥ 6 ॥

ગ॒ણાદિં᳚ પૂર્વ॑મુચ્ચા॒ર્ય॒ વ॒ર્ણાદીં᳚ સ્તદનં॒તરમ્ ।
અનુસ્વારઃ પ॑રત॒રઃ । અર્ધેં᳚દુલ॒સિતમ્ ।
તારે॑ણ ઋ॒દ્ધમ્ । એતત્તવ મનુ॑સ્વરૂ॒પમ્ ।
ગકારઃ પૂ᳚ર્વરૂ॒પમ્ । અકારો મધ્ય॑મરૂ॒પમ્ ।
અનુસ્વારશ્ચાં᳚ત્યરૂ॒પમ્ । બિંદુરુત્ત॑રરૂ॒પમ્ ।
નાદઃ॑ સંધા॒નમ્ । સગ્​મ્હિ॑તા સં॒ધિઃ ।
સૈષા ગણે॑શવિ॒દ્યા । ગણ॑ક ઋ॒ષિઃ ।
નિચૃદ્ગાય॑ત્રીચ્છં॒દઃ । શ્રી મહાગણપતિ॑ર્દેવતા ।
ઓં ગં ગ॒ણપ॑તયે નમઃ ॥ 7 ॥

એકદં॒તાય॑ વિ॒દ્મહે॑ વક્રતું॒ડાય॑ ધીમહિ ।
તન્નો॑ દંતિઃ પ્રચો॒દયા᳚ત્ ॥ 8 ॥

એકદં॒તં ચ॑તુર્​હ॒સ્તં॒ પા॒શમં॑કુશ॒ધારિ॑ણમ્ ।
રદં॑ ચ॒ વર॑દં હ॒સ્તૈ॒ર્બિ॒ભ્રાણં॑ મૂષ॒કધ્વ॑જમ્ ।
રક્તં॑-લઁં॒બોદ॑રં શૂ॒ર્પ॒કર્ણકં॑ રક્ત॒વાસ॑સમ્ ।
રક્ત॑ગં॒ધાનુ॑લિપ્તાં॒ગં॒ ર॒ક્તપુ॑ષ્પૈઃ સુ॒પૂજિ॑તમ્ ।
ભક્તા॑નુ॒કંપિ॑નં દે॒વં॒ જ॒ગત્કા॑રણ॒મચ્યુ॑તમ્ ।
આવિ॑ર્ભૂ॒તં ચ॑ સૃ॒ષ્ટ્યા॒દૌ॒ પ્ર॒કૃતેઃ᳚ પુરુ॒ષાત્પ॑રમ્ ।
એવં॑ ધ્યા॒યતિ॑ યો નિ॒ત્યં॒ સ॒ યોગી॑ યોગિ॒નાં-વઁ॑રઃ ॥ 9 ॥

નમો વ્રાતપતયે નમો ગણપતયે નમઃ પ્રમથપતયે નમસ્તેઽસ્તુ લંબોદરાયૈકદંતાય વિઘ્નવિનાશિને શિવસુતાય શ્રીવરદમૂર્તયે॒ નમઃ ॥ 10 ॥

એતદથર્વશીર્​ષં-યોઁઽધી॒તે । સ બ્રહ્મભૂયા॑ય ક॒લ્પતે ।
સ સર્વવિઘ્નૈ᳚ર્ન બા॒ધ્યતે । સ સર્વતઃ સુખ॑મેધ॒તે ।
સ પંચમહાપાપા᳚ત્ પ્રમુ॒ચ્યતે । સા॒યમ॑ધીયા॒નો॒ દિવસકૃતં પાપં॑ નાશ॒યતિ ।
પ્રા॒તર॑ધીયા॒નો॒ રાત્રિકૃતં પાપં॑ નાશ॒યતિ ।
સાયં પ્રાતઃ પ્ર॑યુંજા॒નો॒ પાપોઽપા॑પો ભ॒વતિ ।
સર્વત્રાધીયાનોઽપવિ॑ઘ્નો ભવતિ । ધર્માર્થકામમોક્ષં॑ ચ વિં॒દતિ ।
ઇદમથર્વશીર્​ષમશિષ્યાય॑ ન દે॒યમ્ । યો યદિ મો॑હાદ્ દા॒સ્યતિ સ પાપી॑યાન્ ભ॒વતિ ।
સહસ્રાવર્તનાદ્યં-યંઁ કામ॑મધી॒તે । તં તમને॑ન સા॒ધયેત્ ॥ 11 ॥

અનેન ગણપતિમ॑ભિષિં॒ચતિ । સ વા᳚ગ્મી ભ॒વતિ ।
ચતુર્થ્યામન॑શ્નન્ જ॒પતિ સ વિદ્યા॑વાન્ ભ॒વતિ ।
ઇત્યથર્વ॑ણવા॒ક્યમ્ । બ્રહ્માદ્યા॒ચર॑ણં-વિઁ॒દ્યાન્ન બિભેતિ કદા॑ચને॒તિ ॥ 12 ॥

યો દૂર્વાંકુ॑રૈર્ય॒જતિ સ વૈશ્રવણોપ॑મો ભ॒વતિ ।
યો લા॑જૈર્ય॒જતિ સ યશો॑વાન્ ભ॒વતિ । સ મેધા॑વાન્ ભ॒વતિ ।
યો મોદકસહસ્રે॑ણ ય॒જતિ સ વાંછિતફલમ॑વાપ્નો॒તિ ।
યઃ સાજ્ય સમિ॑દ્ભિર્ય॒જતિ સ સર્વં-લઁભતે સ સ॑ર્વં-લઁ॒ભતે ॥ 13 ॥

અષ્ટૌ બ્રાહ્મણાન્ સમ્યગ્ ગ્રા॑હયિ॒ત્વા સૂર્યવર્ચ॑સ્વી ભ॒વતિ ।
સૂર્યગ્રહે મ॑હાન॒દ્યાં પ્રતિમાસન્નિધૌ વા જ॒પ્ત્વા સિદ્ધમં॑ત્રો ભ॒વતિ ।
મહાવિઘ્ના᳚ત્ પ્રમુ॒ચ્યતે । મહાદોષા᳚ત્ પ્રમુ॒ચ્યતે ।
મહાપાપા᳚ત્ પ્રમુ॒ચ્યતે । [મહાપ્રત્યવાયા᳚ત્ પ્રમુ॒ચ્યતે । ]
સ સર્વ॑વિદ્ભવતિ સ સર્વ॑વિદ્ભ॒વતિ ।
ય એ॑વં-વેઁ॒દ । ઇત્યુ॑પ॒નિષ॑ત્ ॥ 14 ॥

ઓં ભ॒દ્રં કર્ણે॑ભિઃ શૃણુ॒યામ॑ દેવાઃ ।
ભ॒દ્રં પ॑શ્યેમા॒ક્ષભિ॒ર્યજ॑ત્રાઃ ।
સ્થિ॒રૈરંગૈ᳚સ્તુષ્ઠુ॒વાગ્​મ્ સ॑સ્ત॒નૂભિઃ॑ ।
વ્યશે॑મ દે॒વહિ॑તં॒-યઁદાયુઃ॑ ।
સ્વ॒સ્તિ ન॒ ઇંદ્રો॑ વૃ॒દ્ધશ્ર॑વાઃ ।
સ્વ॒સ્તિ નઃ॑ પૂ॒ષા વિ॒શ્વવે॑દાઃ ।
સ્વ॒સ્તિ ન॒સ્તાર્ક્ષ્યો॒ અરિ॑ષ્ટનેમિઃ ।
સ્વ॒સ્તિ નો॒ બૃહ॒સ્પતિ॑ર્દધાતુ ॥

ઓં શાંતિઃ॒ શાંતિઃ॒ શાંતિઃ॑ ॥

ganapati atharva sheersham in gujarati