শ্রী গণপতি অথর্ব ষীর্ষম্ (গণপত্যথর্বষীর্ষোপনিষত্)

ganapati atharva sheersham in bengali

ওং ভ॒দ্রং কর্ণে॑ভিঃ শৃণু॒য়াম॑ দেবাঃ ।
ভ॒দ্রং প॑শ্য়েমা॒ক্ষভি॒র্যজ॑ত্রাঃ ।
স্থি॒রৈরংগৈ᳚স্তুষ্ঠু॒বাগ্​ম্ স॑স্ত॒নূভিঃ॑ ।
ব্যশে॑ম দে॒বহি॑তং॒-য়ঁদায়ুঃ॑ ।
স্ব॒স্তি ন॒ ইংদ্রো॑ বৃ॒দ্ধশ্র॑বাঃ ।
স্ব॒স্তি নঃ॑ পূ॒ষা বি॒শ্ববে॑দাঃ ।
স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ ।
স্ব॒স্তি নো॒ বৃহ॒স্পতি॑র্দধাতু ॥

ওং শাংতিঃ॒ শাংতিঃ॒ শাংতিঃ॑ ॥

ওং নম॑স্তে গ॒ণপ॑তয়ে ।
ত্বমে॒ব প্র॒ত্যক্ষং॒ তত্ত্ব॑মসি ।
ত্বমে॒ব কে॒বলং॒ কর্তা॑ঽসি ।
ত্বমে॒ব কে॒বলং॒ হর্তা॑ঽসি ।
ত্বমে॒ব কে॒বলং॒ ধর্তা॑ঽসি ।
ত্বমেব সর্বং খল্বিদং॑ ব্রহ্মা॒সি ।
ত্বং সাক্ষাদাত্মা॑ঽসি নি॒ত্যম্ ॥ 1 ॥
ঋ॑তং-বঁ॒চ্মি । স॑ত্য়ং-বঁ॒চ্মি ॥ 2 ॥

অ॒ব ত্বং॒ মাম্ । অব॑ ব॒ক্তারম্᳚ ।
অব॑ শ্রো॒তারম্᳚ । অব॑ দা॒তারম্᳚ । অব॑ ধা॒তারম্᳚ ।
অবানূচানম॑ব শি॒ষ্যম্ । অব॑ প॒শ্চাত্তা᳚ত্ ।
অব॑ পু॒রস্তা᳚ত্ । অবোত্ত॒রাত্তা᳚ত্ ।
অব॑ দ॒ক্ষিণাত্তা᳚ত্ । অব॑ চো॒র্ধ্বাত্তা᳚ত্ ।
অবাধ॒রাত্তা᳚ত্ । সর্বতো মাং পাহি পাহি॑ সমং॒তাত্ ॥ 3 ॥

ত্বং-বাঁঙ্ময়॑স্ত্বং চিন্ম॒য়ঃ ।
ত্বমানংদময়॑স্ত্বং ব্রহ্ম॒ময়ঃ ।
ত্বং সচ্চিদানংদাঽদ্বি॑তীয়ো॒ঽসি ।
ত্বং প্র॒ত্যক্ষং॒ ব্রহ্মা॑সি ।
ত্বং জ্ঞানময়ো বিজ্ঞান॑ময়ো॒ঽসি ॥ 4 ॥

সর্বং জগদিদং ত্ব॑ত্তো জা॒যতে ।
সর্বং জগদিদং ত্ব॑ত্তস্তি॒ষ্ঠতি ।
সর্বং জগদিদং ত্বয়ি লয়॑মেষ্য়॒তি ।
সর্বং জগদিদং ত্বয়ি॑ প্রত্য়ে॒তি ।
ত্বং ভূমিরাপোঽনলোঽনি॑লো ন॒ভঃ ।
ত্বং চত্বারি বা᳚ক্পদা॒নি ॥ 5 ॥

ত্বং গু॒ণত্র॑য়াতী॒তঃ । ত্বং অবস্থাত্র॑য়াতী॒তঃ ।
ত্বং দে॒হত্র॑য়াতী॒তঃ । ত্বং কা॒লত্র॑য়াতী॒তঃ ।
ত্বং মূলাধারস্থিতো॑ঽসি নি॒ত্যম্ । ত্বং শক্তিত্র॑য়াত্ম॒কঃ ।
ত্বাং-য়োঁগিনো ধ্য়ায়ং॑তি নি॒ত্যম্ ।
ত্বং ব্রহ্মা ত্বং-বিঁষ্ণুস্ত্বং রুদ্রস্ত্বমিংদ্রস্ত্বমগ্নিস্ত্বং-বাঁয়ুস্ত্বং সূর্যস্ত্বং চংদ্রমাস্ত্বং ব্রহ্ম॒ ভূর্ভুবঃ॒ স্বরোম্ ॥ 6 ॥

গ॒ণাদিং᳚ পূর্ব॑মুচ্চা॒র্য়॒ ব॒র্ণাদীং᳚ স্তদনং॒তরম্ ।
অনুস্বারঃ প॑রত॒রঃ । অর্ধেং᳚দুল॒সিতম্ ।
তারে॑ণ ঋ॒দ্ধম্ । এতত্তব মনু॑স্বরূ॒পম্ ।
গকারঃ পূ᳚র্বরূ॒পম্ । অকারো মধ্য়॑মরূ॒পম্ ।
অনুস্বারশ্চাং᳚ত্যরূ॒পম্ । বিংদুরুত্ত॑ররূ॒পম্ ।
নাদঃ॑ সংধা॒নম্ । সগ্​ম্হি॑তা সং॒ধিঃ ।
সৈষা গণে॑শবি॒দ্য়া । গণ॑ক ঋ॒ষিঃ ।
নিচৃদ্গায়॑ত্রীচ্ছং॒দঃ । শ্রী মহাগণপতি॑র্দেবতা ।
ওং গং গ॒ণপ॑তয়ে নমঃ ॥ 7 ॥

একদং॒তায়॑ বি॒দ্মহে॑ বক্রতুং॒ডায়॑ ধীমহি ।
তন্নো॑ দংতিঃ প্রচো॒দয়া᳚ত্ ॥ 8 ॥

একদং॒তং চ॑তুর্​হ॒স্তং॒ পা॒শমং॑কুশ॒ধারি॑ণম্ ।
রদং॑ চ॒ বর॑দং হ॒স্তৈ॒র্বি॒ভ্রাণং॑ মূষ॒কধ্ব॑জম্ ।
রক্তং॑-লঁং॒বোদ॑রং শূ॒র্প॒কর্ণকং॑ রক্ত॒বাস॑সম্ ।
রক্ত॑গং॒ধানু॑লিপ্তাং॒গং॒ র॒ক্তপু॑ষ্পৈঃ সু॒পূজি॑তম্ ।
ভক্তা॑নু॒কংপি॑নং দে॒বং॒ জ॒গত্কা॑রণ॒মচ্য়ু॑তম্ ।
আবি॑র্ভূ॒তং চ॑ সৃ॒ষ্ট্য়া॒দৌ॒ প্র॒কৃতেঃ᳚ পুরু॒ষাত্প॑রম্ ।
এবং॑ ধ্য়া॒যতি॑ যো নি॒ত্য়ং॒ স॒ যোগী॑ যোগি॒নাং-বঁ॑রঃ ॥ 9 ॥

নমো ব্রাতপতয়ে নমো গণপতয়ে নমঃ প্রমথপতয়ে নমস্তেঽস্তু লংবোদরায়ৈকদংতায় বিঘ্নবিনাশিনে শিবসুতায় শ্রীবরদমূর্তয়ে॒ নমঃ ॥ 10 ॥

এতদথর্বশীর্​ষং-য়োঁঽধী॒তে । স ব্রহ্মভূয়া॑য় ক॒ল্পতে ।
স সর্ববিঘ্নৈ᳚র্ন বা॒ধ্যতে । স সর্বতঃ সুখ॑মেধ॒তে ।
স পংচমহাপাপা᳚ত্ প্রমু॒চ্যতে । সা॒যম॑ধীয়া॒নো॒ দিবসকৃতং পাপং॑ নাশ॒যতি ।
প্রা॒তর॑ধীয়া॒নো॒ রাত্রিকৃতং পাপং॑ নাশ॒যতি ।
সায়ং প্রাতঃ প্র॑য়ুংজা॒নো॒ পাপোঽপা॑পো ভ॒বতি ।
সর্বত্রাধীয়ানোঽপবি॑ঘ্নো ভবতি । ধর্মার্থকামমোক্ষং॑ চ বিং॒দতি ।
ইদমথর্বশীর্​ষমশিষ্য়ায়॑ ন দে॒যম্ । যো যদি মো॑হাদ্ দা॒স্যতি স পাপী॑য়ান্ ভ॒বতি ।
সহস্রাবর্তনাদ্য়ং-য়ংঁ কাম॑মধী॒তে । তং তমনে॑ন সা॒ধয়েত্ ॥ 11 ॥

অনেন গণপতিম॑ভিষিং॒চতি । স বা᳚গ্মী ভ॒বতি ।
চতুর্থ্য়ামন॑শ্নন্ জ॒পতি স বিদ্য়া॑বান্ ভ॒বতি ।
ইত্যথর্ব॑ণবা॒ক্যম্ । ব্রহ্মাদ্য়া॒চর॑ণং-বিঁ॒দ্য়ান্ন বিভেতি কদা॑চনে॒তি ॥ 12 ॥

যো দূর্বাংকু॑রৈর্য়॒জতি স বৈশ্রবণোপ॑মো ভ॒বতি ।
যো লা॑জৈর্য়॒জতি স যশো॑বান্ ভ॒বতি । স মেধা॑বান্ ভ॒বতি ।
যো মোদকসহস্রে॑ণ য॒জতি স বাংছিতফলম॑বাপ্নো॒তি ।
যঃ সাজ্য় সমি॑দ্ভির্য়॒জতি স সর্বং-লঁভতে স স॑র্বং-লঁ॒ভতে ॥ 13 ॥

অষ্টৌ ব্রাহ্মণান্ সম্যগ্ গ্রা॑হয়ি॒ত্বা সূর্যবর্চ॑স্বী ভ॒বতি ।
সূর্যগ্রহে ম॑হান॒দ্য়াং প্রতিমাসন্নিধৌ বা জ॒প্ত্বা সিদ্ধমং॑ত্রো ভ॒বতি ।
মহাবিঘ্না᳚ত্ প্রমু॒চ্যতে । মহাদোষা᳚ত্ প্রমু॒চ্যতে ।
মহাপাপা᳚ত্ প্রমু॒চ্যতে । [মহাপ্রত্যবায়া᳚ত্ প্রমু॒চ্যতে । ]
স সর্ব॑বিদ্ভবতি স সর্ব॑বিদ্ভ॒বতি ।
য এ॑বং-বেঁ॒দ । ইত্য়ু॑প॒নিষ॑ত্ ॥ 14 ॥

ওং ভ॒দ্রং কর্ণে॑ভিঃ শৃণু॒য়াম॑ দেবাঃ ।
ভ॒দ্রং প॑শ্য়েমা॒ক্ষভি॒র্যজ॑ত্রাঃ ।
স্থি॒রৈরংগৈ᳚স্তুষ্ঠু॒বাগ্​ম্ স॑স্ত॒নূভিঃ॑ ।
ব্যশে॑ম দে॒বহি॑তং॒-য়ঁদায়ুঃ॑ ।
স্ব॒স্তি ন॒ ইংদ্রো॑ বৃ॒দ্ধশ্র॑বাঃ ।
স্ব॒স্তি নঃ॑ পূ॒ষা বি॒শ্ববে॑দাঃ ।
স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ ।
স্ব॒স্তি নো॒ বৃহ॒স্পতি॑র্দধাতু ॥

ওং শাংতিঃ॒ শাংতিঃ॒ শাংতিঃ॑ ॥

ganapati atharva sheersham in bengali