ଅନ୍ନମୟ୍ୟ କୀର୍ତନ ରାଧା ମାଧଵ ରତି ଚରିତମିତି

annamayya keerthanas radha madhava rati charitamiti in odia

ରାଧାମାଧଵରତିଚରିତମିତି
ବୋଧାଵହଂ ଶ୍ରୁତିଭୂଷଣଂ ॥

ଗହନେ ଦ୍ଵାଵପି ଗତ୍ଵା ଗତ୍ଵା
ରହସି ରତିଂ ପ୍ରେରୟତି ସତି ।
ଵିହରତସ୍ତଦା ଵିଲସଂତୌ
ଵିହତଗୃହାଶୌ ଵିଵଶୌ ତୌ ॥

ଲଜ୍ଜାଶଭଳ ଵିଲାସଲୀଲୟା
କଜ୍ଜଲନୟନ ଵିକାରେଣ ।
ହୃଜ୍ଜାଵ୍ୟଵନହିତ ହୃଦୟା ରତି
ସ୍ସଜ୍ଜା ସଂଭ୍ରମଚପଲା ଜାତା ॥

ପୁରତୋ ୟାଂତଂ ପୁରୁଷଂ ଵକୁଳୈଃ
କୁରଂଟକୈର୍ଵା କୁଟଜୈର୍ଵା ।
ପରମଂ ପ୍ରହରତି ପଶ୍ଚାଲ୍ଲଗ୍ନା-
ଗିରଂ ଵିନାସି ଵିକିରତି ମୁଦଂ ॥

ହରି ସୁରଭୂରୁହ ମାରୋହତୀଵ
ଚରଣେନ କଟିଂ ସଂଵେଷ୍ଟ୍ୟ ।
ପରିରଂଚଣ ସଂପାଦିତପୁଲକୈ
ସ୍ସୁରୁଚିର୍ଜାତା ସୁମଲତିକେଵ ॥

ଵିଧୁମୁଖଦର୍ଶନ ଵିକଳିତଲଜ୍ଜା-
ତ୍ଵଧରବିଂବଫଲମାସ୍ଵାଦ୍ୟ ।
ମଧୁରୋପାୟନମାର୍ଗେଣ କୁଚୌ
ନିଧିଵଦ ତ୍ଵା ନିତ୍ୟସୁଖମିତା ॥

ସୁରୁଚିରକେତକ ସୁମଦଳ ନଖରୈ-
ର୍ଵରଚିବୁକଂ ସା ପରିଵୃତ୍ୟ ।
ତରୁଣିମସିଂଧୌ ତଦୀୟଦୃଗ୍ଜଲ-
ଚରୟୁଗଳଂ ସଂସକ୍ତଂ ଚକାର ॥

ଵଚନ ଵିଲାସୈର୍ଵଶୀକୃତ ତଂ
ନିଚୁଲକୁଂଜ ମାନିତଦେଶେ ।
ପ୍ରଚୁରସୈକତେ ପଲ୍ଲଵଶୟନେ-
ରଚିତରତିକଳା ରାଗେଣାସ ॥

ଅଭିନଵକଲ୍ୟାଣାଂଚିତରୂପା-
ଵଭିନିଵେଶ ସଂୟତଚିତ୍ତୌ ।
ବଭୂଵତୁ ସ୍ତତ୍ପରୌ ଵେଂକଟ
ଵିଭୁନା ସା ତଦ୍ଵିଧିନା ସତୟା ॥

ସଚ ଲଜ୍ଜାଵୀକ୍ଷଣୋ ଭଵତି ତଂ
କଚଭରାଂ ଗଂଧଂ ଘ୍ରାପୟତି ।
ନଚଲତିଚେନ୍ମାନଵତୀ ତଥାପି
କୁଚସଂଗାଦନୁକୂଲୟତି ॥

ଅଵନତଶିରସାପ୍ୟତି ସୁଭଗଂ
ଵିଵିଧାଲାପୈର୍ଵିଵଶୟତି ।
ପ୍ରଵିମଲ କରରୁହରଚନ ଵିଲାସୈ
ର୍ଭୁଵନପତି ତଂ ଭୂଷୟତି ॥

ଲତାଗୃହମେଳନଂ ନଵସୈ
କତଵୈଭଵ ସୌଖ୍ୟଂ ଦୃଷ୍ଟ୍ଵା ।
ତତସ୍ତତଶ୍ଚରସୌ କେଲୀ-
ଵ୍ରତଚର୍ୟାଂ ତାଂ ଵାଂଛଂତୌ ।

ଵନକୁସୁମ ଵିଶଦଵରଵାସନୟା-
ଘନସାରରଜୋଗଂଧୈଶ୍ଚ ।
ଜନୟତି ପଵନେ ସପଦି ଵିକାରଂ-
ଵନିତା ପୁରୁଷୌ ଜନିତାଶୌ ॥

ଏଵଂ ଵିଚରନ୍ ହେଲା ଵିମୁଖ-
ଶ୍ରୀଵେଂକଟଗିରି ଦେଵୋୟଂ ।
ପାଵନରାଧାପରିରଂଭସୁଖ-
ଶ୍ରୀ ଵୈଭଵସୁସ୍ଥିରୋ ଭଵତି ॥

annamayya keerthanas radha madhava rati charitamiti in odia