અન્નમય્ય કીર્તન રાધા માધવ રતિ ચરિતમિતિ

annamayya keerthanas radha madhava rati charitamiti in gujarati

રાધામાધવરતિચરિતમિતિ
બોધાવહં શ્રુતિભૂષણં ॥

ગહને દ્વાવપિ ગત્વા ગત્વા
રહસિ રતિં પ્રેરયતિ સતિ ।
વિહરતસ્તદા વિલસંતૌ
વિહતગૃહાશૌ વિવશૌ તૌ ॥

લજ્જાશભળ વિલાસલીલયા
કજ્જલનયન વિકારેણ ।
હૃજ્જાવ્યવનહિત હૃદયા રતિ
સ્સજ્જા સંભ્રમચપલા જાતા ॥

પુરતો યાંતં પુરુષં વકુળૈઃ
કુરંટકૈર્વા કુટજૈર્વા ।
પરમં પ્રહરતિ પશ્ચાલ્લગ્ના-
ગિરં વિનાસિ વિકિરતિ મુદં ॥

હરિ સુરભૂરુહ મારોહતીવ
ચરણેન કટિં સંવેષ્ટ્ય ।
પરિરંચણ સંપાદિતપુલકૈ
સ્સુરુચિર્જાતા સુમલતિકેવ ॥

વિધુમુખદર્શન વિકળિતલજ્જા-
ત્વધરબિંબફલમાસ્વાદ્ય ।
મધુરોપાયનમાર્ગેણ કુચૌ
નિધિવદ ત્વા નિત્યસુખમિતા ॥

સુરુચિરકેતક સુમદળ નખરૈ-
ર્વરચિબુકં સા પરિવૃત્ય ।
તરુણિમસિંધૌ તદીયદૃગ્જલ-
ચરયુગળં સંસક્તં ચકાર ॥

વચન વિલાસૈર્વશીકૃત તં
નિચુલકુંજ માનિતદેશે ।
પ્રચુરસૈકતે પલ્લવશયને-
રચિતરતિકળા રાગેણાસ ॥

અભિનવકલ્યાણાંચિતરૂપા-
વભિનિવેશ સંયતચિત્તૌ ।
બભૂવતુ સ્તત્પરૌ વેંકટ
વિભુના સા તદ્વિધિના સતયા ॥

સચ લજ્જાવીક્ષણો ભવતિ તં
કચભરાં ગંધં ઘ્રાપયતિ ।
નચલતિચેન્માનવતી તથાપિ
કુચસંગાદનુકૂલયતિ ॥

અવનતશિરસાપ્યતિ સુભગં
વિવિધાલાપૈર્વિવશયતિ ।
પ્રવિમલ કરરુહરચન વિલાસૈ
ર્ભુવનપતિ તં ભૂષયતિ ॥

લતાગૃહમેળનં નવસૈ
કતવૈભવ સૌખ્યં દૃષ્ટ્વા ।
તતસ્તતશ્ચરસૌ કેલી-
વ્રતચર્યાં તાં વાંછંતૌ ।

વનકુસુમ વિશદવરવાસનયા-
ઘનસારરજોગંધૈશ્ચ ।
જનયતિ પવને સપદિ વિકારં-
વનિતા પુરુષૌ જનિતાશૌ ॥

એવં વિચરન્ હેલા વિમુખ-
શ્રીવેંકટગિરિ દેવોયં ।
પાવનરાધાપરિરંભસુખ-
શ્રી વૈભવસુસ્થિરો ભવતિ ॥

annamayya keerthanas radha madhava rati charitamiti in gujarati