ശ്രീ ഷോഡശീ (ത്രിപുര സുംദരീ) അഷ്ടോത്തര ശത നാമാ സ്തോത്രം

sri shodashi tripura sundari ashtottara satanama stotram in malayalam

ഭൃഗുരുവാച
ചതുർവക്ത്ര ജഗന്നാഥ സ്തോത്രം വദ മയി പ്രഭോ ।
യസ്യാനുഷ്ഠാനമാത്രേണ നരോ ഭക്തിമവാപ്നുയാത് ॥ 1 ॥

ബ്രഹ്മോവാച
സഹസ്രനാമ്നാമാകൃഷ്യ നാമ്നാമഷ്ടോത്തരം ശതമ് ।
ഗുഹ്യാദ്ഗുഹ്യതരം ഗുഹ്യം സുംദര്യാഃ പരികീര്തിതമ് ॥ 2 ॥

അസ്യ ശ്രീഷോഡശ്യഷ്ടോത്തരശതനാമസ്തോത്രസ്യ ശംഭുരൃഷിഃ അനുഷ്ടുപ് ഛംദഃ ശ്രീഷോഡശീ ദേവതാ ധര്മാര്ഥകാമമോക്ഷസിദ്ധ്യര്ഥേ ജപേ വിനിയോഗഃ ।

ത്രിപുരാ ഷോഡശീ മാതാ ത്ര്യക്ഷരാ ത്രിതയാ ത്രയീ ।
സുംദരീ സുമുഖീ സേവ്യാ സാമവേദപരായണാ ॥ 3 ॥

ശാരദാ ശബ്ദനിലയാ സാഗരാ സരിദംബരാ ।
ശുദ്ധാ ശുദ്ധതനുഃ സാധ്വീ ശിവധ്യാനപരായണാ ॥ 4 ॥

സ്വാമിനീ ശംഭുവനിതാ ശാംഭവീ ച സരസ്വതീ ।
സമുദ്രമഥിനീ ശീഘ്രഗാമിനീ ശീഘ്രസിദ്ധിദാ ॥ 5 ॥

സാധുസേവ്യാ സാധുഗമ്യാ സാധുസംതുഷ്ടമാനസാ ।
ഖട്വാംഗധാരിണീ ഖർവാ ഖഡ്ഗഖര്പരധാരിണീ ॥ 6 ॥

ഷഡ്വര്ഗഭാവരഹിതാ ഷഡ്വര്ഗപരിചാരികാ ।
ഷഡ്വര്ഗാ ച ഷഡംഗാ ച ഷോഢാ ഷോഡശവാര്ഷികീ ॥ 7 ॥

ക്രതുരൂപാ ക്രതുമതീ ഋഭുക്ഷക്രതുമംഡിതാ ।
കവര്ഗാദിപവര്ഗാംതാ അംതസ്ഥാഽനംതരൂപിണീ ॥ 8 ॥

അകാരാകാരരഹിതാ കാലമൃത്യുജരാപഹാ ।
തന്വീ തത്ത്വേശ്വരീ താരാ ത്രിവര്ഷാ ജ്ഞാനരൂപിണീ ॥ 9 ॥

കാലീ കരാലീ കാമേശീ ഛായാ സംജ്ഞാപ്യരുംധതീ ।
നിർവികല്പാ മഹാവേഗാ മഹോത്സാഹാ മഹോദരീ ॥ 10 ॥

മേഘാ ബലാകാ വിമലാ വിമലജ്ഞാനദായിനീ ।
ഗൌരീ വസുംധരാ ഗോപ്ത്രീ ഗവാം പതിനിഷേവിതാ ॥ 11 ॥

ഭഗാംഗാ ഭഗരൂപാ ച ഭക്തിഭാവപരായണാ ।
ഛിന്നമസ്താ മഹാധൂമാ തഥാ ധൂമ്രവിഭൂഷണാ ॥ 12 ॥

ധര്മകര്മാദിരഹിതാ ധര്മകര്മപരായണാ ।
സീതാ മാതംഗിനീ മേധാ മധുദൈത്യവിനാശിനീ ॥ 13 ॥

ഭൈരവീ ഭുവനാ മാതാഽഭയദാ ഭവസുംദരീ ।
ഭാവുകാ ബഗലാ കൃത്യാ ബാലാ ത്രിപുരസുംദരീ ॥ 14 ॥

രോഹിണീ രേവതീ രമ്യാ രംഭാ രാവണവംദിതാ ।
ശതയജ്ഞമയീ സത്ത്വാ ശതക്രതുവരപ്രദാ ॥ 15 ॥

ശതചംദ്രാനനാ ദേവീ സഹസ്രാദിത്യസന്നിഭാ ।
സോമസൂര്യാഗ്നിനയനാ വ്യാഘ്രചര്മാംബരാവൃതാ ॥ 16 ॥

അര്ധേംദുധാരിണീ മത്താ മദിരാ മദിരേക്ഷണാ ।
ഇതി തേ കഥിതം ഗോപ്യം നാമ്നാമഷ്ടോത്തരം ശതമ് ॥ 17 ॥

സുംദര്യാഃ സർവദം സേവ്യം മഹാപാതകനാശനമ് ।
ഗോപനീയം ഗോപനീയം ഗോപനീയം കലൌ യുഗേ ॥ 18 ॥

സഹസ്രനാമപാഠസ്യ ഫലം യദ്വൈ പ്രകീര്തിതമ് ।
തസ്മാത്കോടിഗുണം പുണ്യം സ്തവസ്യാസ്യ പ്രകീര്തനാത് ॥ 19 ॥

പഠേത്സദാ ഭക്തിയുതോ നരോ യോ
നിശീഥകാലേഽപ്യരുണോദയേ വാ ।
പ്രദോഷകാലേ നവമീദിനേഽഥവാ
ലഭേത ഭോഗാന്പരമാദ്ഭുതാന്പ്രിയാന് ॥ 20 ॥

ഇതി ബ്രഹ്മയാമലേ പൂർവഖംഡേ ഷോഡശ്യഷ്ടോത്തരശതനാമ സ്തോത്രമ് ।

sri shodashi tripura sundari ashtottara satanama stotram in malayalam