ഗോദാ ദേവീ അഷ്ടോത്തര ശത സ്തോത്രമ്

goda devi ashtottara sata nama stotram in malayalam

ധ്യാനമ് ।
ശതമഖമണി നീലാ ചാരുകല്ഹാരഹസ്താ
സ്തനഭരനമിതാംഗീ സാംദ്രവാത്സല്യസിംധുഃ ।
അലകവിനിഹിതാഭിഃ സ്രഗ്ഭിരാകൃഷ്ടനാഥാ
വിലസതു ഹൃദി ഗോദാ വിഷ്ണുചിത്താത്മജാ നഃ ॥

അഥ സ്തോത്രമ് ।
ശ്രീരംഗനായകീ ഗോദാ വിഷ്ണുചിത്താത്മജാ സതീ ।
ഗോപീവേഷധരാ ദേവീ ഭൂസുതാ ഭോഗശാലിനീ ॥ 1 ॥

തുലസീകാനനോദ്ഭൂതാ ശ്രീധന്വിപുരവാസിനീ ।
ഭട്ടനാഥപ്രിയകരീ ശ്രീകൃഷ്ണഹിതഭോഗിനീ ॥ 2 ॥

ആമുക്തമാല്യദാ ബാലാ രംഗനാഥപ്രിയാ പരാ ।
വിശ്വംഭരാ കലാലാപാ യതിരാജസഹോദരീ ॥ 3 ॥

കൃഷ്ണാനുരക്താ സുഭഗാ സുലഭശ്രീഃ സുലക്ഷണാ ।
ലക്ഷ്മീപ്രിയസഖീ ശ്യാമാ ദയാംചിതദൃഗംചലാ ॥ 4 ॥

ഫല്ഗുന്യാവിര്ഭവാ രമ്യാ ധനുര്മാസകൃതവ്രതാ ।
ചംപകാശോകപുന്നാഗമാലതീവിലസത്കചാ ॥ 5 ॥

ആകാരത്രയസംപന്നാ നാരായണപദാശ്രിതാ ।
ശ്രീമദഷ്ടാക്ഷരീമംത്രരാജസ്ഥിതമനോരഥാ ॥ 6 ॥

മോക്ഷപ്രദാനനിപുണാ മനുരത്നാധിദേവതാ ।
ബ്രഹ്മണ്യാ ലോകജനനീ ലീലാമാനുഷരൂപിണീ ॥ 7 ॥

ബ്രഹ്മജ്ഞാനപ്രദാ മായാ സച്ചിദാനംദവിഗ്രഹാ ।
മഹാപതിവ്രതാ വിഷ്ണുഗുണകീര്തനലോലുപാ ॥ 8 ॥

പ്രപന്നാര്തിഹരാ നിത്യാ വേദസൌധവിഹാരിണീ ।
ശ്രീരംഗനാഥമാണിക്യമംജരീ മംജുഭാഷിണീ ॥ 9 ॥

പദ്മപ്രിയാ പദ്മഹസ്താ വേദാംതദ്വയബോധിനീ ।
സുപ്രസന്നാ ഭഗവതീ ശ്രീജനാര്ദനദീപികാ ॥ 10 ॥

സുഗംധാവയവാ ചാരുരംഗമംഗലദീപികാ ।
ധ്വജവജ്രാംകുശാബ്ജാംകമൃദുപാദലതാംചിതാ ॥ 11 ॥

താരകാകാരനഖരാ പ്രവാലമൃദുലാംഗുളീ ।
കൂര്മോപമേയപാദോര്ധ്വഭാഗാ ശോഭനപാര്ഷ്ണികാ ॥ 12 ॥

വേദാര്ഥഭാവതത്ത്വജ്ഞാ ലോകാരാധ്യാംഘ്രിപംകജാ ।
ആനംദബുദ്ബുദാകാരസുഗുല്ഫാ പരമാണുകാ ॥ 13 ॥

തേജഃശ്രിയോജ്ജ്വലധൃതപാദാംഗുളിസുഭൂഷിതാ ।
മീനകേതനതൂണീരചാരുജംഘാവിരാജിതാ ॥ 14 ॥

കകുദ്വജ്ജാനുയുഗ്മാഢ്യാ സ്വര്ണരംഭാഭസക്ഥികാ ।
വിശാലജഘനാ പീനസുശ്രോണീ മണിമേഖലാ ॥ 15 ॥

ആനംദസാഗരാവര്തഗംഭീരാംഭോജനാഭികാ ।
ഭാസ്വദ്വലിത്രികാ ചാരുജഗത്പൂര്ണമഹോദരീ ॥ 16 ॥

നവവല്ലീരോമരാജീ സുധാകുംഭായിതസ്തനീ ।
കല്പമാലാനിഭഭുജാ ചംദ്രഖംഡനഖാംചിതാ ॥ 17 ॥

സുപ്രവാശാംഗുളീന്യസ്തമഹാരത്നാംഗുലീയകാ ।
നവാരുണപ്രവാലാഭപാണിദേശസമംചിതാ ॥ 18 ॥

കംബുകംഠീ സുചുബുകാ ബിംബോഷ്ഠീ കുംദദംതയുക് ।
കാരുണ്യരസനിഷ്യംദനേത്രദ്വയസുശോഭിതാ ॥ 19 ॥

മുക്താശുചിസ്മിതാ ചാരുചാംപേയനിഭനാസികാ ।
ദര്പണാകാരവിപുലകപോലദ്വിതയാംചിതാ ॥ 20 ॥

അനംതാര്കപ്രകാശോദ്യന്മണിതാടംകശോഭിതാ ।
കോടിസൂര്യാഗ്നിസംകാശനാനാഭൂഷണഭൂഷിതാ ॥ 21 ॥

സുഗംധവദനാ സുഭ്രൂ അര്ധചംദ്രലലാടികാ ।
പൂര്ണചംദ്രാനനാ നീലകുടിലാലകശോഭിതാ ॥ 22 ॥

സൌംദര്യസീമാ വിലസത്കസ്തൂരീതിലകോജ്ജ്വലാ ।
ധഗദ്ധഗായമാനോദ്യന്മണിസീമംതഭൂഷണാ ॥ 23 ॥

ജാജ്വല്യമാനസദ്രത്നദിവ്യചൂഡാവതംസകാ ।
സൂര്യാര്ധചംദ്രവിലസത് ഭൂഷണാംചിതവേണികാ ॥ 24 ॥

അത്യര്കാനലതേജോധിമണികംചുകധാരിണീ ।
സദ്രത്നാംചിതവിദ്യോതവിദ്യുത്കുംജാഭശാടികാ ॥ 25 ॥

നാനാമണിഗണാകീര്ണഹേമാംഗദസുഭൂഷിതാ ।
കുംകുമാഗരുകസ്തൂരീദിവ്യചംദനചര്ചിതാ ॥ 26 ॥

സ്വോചിതൌജ്ജ്വല്യവിവിധവിചിത്രമണിഹാരിണീ ।
അസംഖ്യേയസുഖസ്പര്ശസർവാതിശയഭൂഷണാ ॥ 27 ॥

മല്ലികാപാരിജാതാദിദിവ്യപുഷ്പസ്രഗംചിതാ ।
ശ്രീരംഗനിലയാ പൂജ്യാ ദിവ്യദേശസുശോഭിതാ ॥ 28 ॥

ഇതി ശ്രീഗോദാഷ്ടോത്തരശതനാമസ്തോത്രമ് ।

goda devi ashtottara sata nama stotram in malayalam