গোদা দেবী অষ্টোত্তর শত স্তোত্রম্

goda devi ashtottara sata nama stotram in assamese

ধ্যানম্ ।
শতমখমণি নীলা চারুকল্হারহস্তা
স্তনভরনমিতাংগী সাংদ্রবাত্সল্যসিংধুঃ ।
অলকবিনিহিতাভিঃ স্রগ্ভিরাকৃষ্টনাথা
বিলসতু হৃদি গোদা বিষ্ণুচিত্তাত্মজা নঃ ॥

অথ স্তোত্রম্ ।
শ্রীরংগনাযকী গোদা বিষ্ণুচিত্তাত্মজা সতী ।
গোপীবেষধরা দেবী ভূসুতা ভোগশালিনী ॥ 1 ॥

তুলসীকাননোদ্ভূতা শ্রীধন্বিপুরবাসিনী ।
ভট্টনাথপ্রিযকরী শ্রীকৃষ্ণহিতভোগিনী ॥ 2 ॥

আমুক্তমাল্যদা বালা রংগনাথপ্রিযা পরা ।
বিশ্বংভরা কলালাপা যতিরাজসহোদরী ॥ 3 ॥

কৃষ্ণানুরক্তা সুভগা সুলভশ্রীঃ সুলক্ষণা ।
লক্ষ্মীপ্রিযসখী শ্যামা দযাংচিতদৃগংচলা ॥ 4 ॥

ফল্গুন্যাবির্ভবা রম্যা ধনুর্মাসকৃতব্রতা ।
চংপকাশোকপুন্নাগমালতীবিলসত্কচা ॥ 5 ॥

আকারত্রযসংপন্না নারাযণপদাশ্রিতা ।
শ্রীমদষ্টাক্ষরীমংত্ররাজস্থিতমনোরথা ॥ 6 ॥

মোক্ষপ্রদাননিপুণা মনুরত্নাধিদেবতা ।
ব্রহ্মণ্যা লোকজননী লীলামানুষরূপিণী ॥ 7 ॥

ব্রহ্মজ্ঞানপ্রদা মাযা সচ্চিদানংদবিগ্রহা ।
মহাপতিব্রতা বিষ্ণুগুণকীর্তনলোলুপা ॥ 8 ॥

প্রপন্নার্তিহরা নিত্যা বেদসৌধবিহারিণী ।
শ্রীরংগনাথমাণিক্যমংজরী মংজুভাষিণী ॥ 9 ॥

পদ্মপ্রিযা পদ্মহস্তা বেদাংতদ্বযবোধিনী ।
সুপ্রসন্না ভগবতী শ্রীজনার্দনদীপিকা ॥ 10 ॥

সুগংধাবযবা চারুরংগমংগলদীপিকা ।
ধ্বজবজ্রাংকুশাব্জাংকমৃদুপাদলতাংচিতা ॥ 11 ॥

তারকাকারনখরা প্রবালমৃদুলাংগুলী ।
কূর্মোপমেযপাদোর্ধ্বভাগা শোভনপার্ষ্ণিকা ॥ 12 ॥

বেদার্থভাবতত্ত্বজ্ঞা লোকারাধ্যাংঘ্রিপংকজা ।
আনংদবুদ্বুদাকারসুগুল্ফা পরমাণুকা ॥ 13 ॥

তেজঃশ্রিযোজ্জ্বলধৃতপাদাংগুলিসুভূষিতা ।
মীনকেতনতূণীরচারুজংঘাবিরাজিতা ॥ 14 ॥

ককুদ্বজ্জানুযুগ্মাঢ্যা স্বর্ণরংভাভসক্থিকা ।
বিশালজঘনা পীনসুশ্রোণী মণিমেখলা ॥ 15 ॥

আনংদসাগরাবর্তগংভীরাংভোজনাভিকা ।
ভাস্বদ্বলিত্রিকা চারুজগত্পূর্ণমহোদরী ॥ 16 ॥

নববল্লীরোমরাজী সুধাকুংভাযিতস্তনী ।
কল্পমালানিভভুজা চংদ্রখংডনখাংচিতা ॥ 17 ॥

সুপ্রবাশাংগুলীন্যস্তমহারত্নাংগুলীযকা ।
নবারুণপ্রবালাভপাণিদেশসমংচিতা ॥ 18 ॥

কংবুকংঠী সুচুবুকা বিংবোষ্ঠী কুংদদংতযুক্ ।
কারুণ্যরসনিষ্যংদনেত্রদ্বযসুশোভিতা ॥ 19 ॥

মুক্তাশুচিস্মিতা চারুচাংপেযনিভনাসিকা ।
দর্পণাকারবিপুলকপোলদ্বিতযাংচিতা ॥ 20 ॥

অনংতার্কপ্রকাশোদ্যন্মণিতাটংকশোভিতা ।
কোটিসূর্যাগ্নিসংকাশনানাভূষণভূষিতা ॥ 21 ॥

সুগংধবদনা সুভ্রূ অর্ধচংদ্রললাটিকা ।
পূর্ণচংদ্রাননা নীলকুটিলালকশোভিতা ॥ 22 ॥

সৌংদর্যসীমা বিলসত্কস্তূরীতিলকোজ্জ্বলা ।
ধগদ্ধগাযমানোদ্যন্মণিসীমংতভূষণা ॥ 23 ॥

জাজ্বল্যমানসদ্রত্নদিব্যচূডাবতংসকা ।
সূর্যার্ধচংদ্রবিলসত্ ভূষণাংচিতবেণিকা ॥ 24 ॥

অত্যর্কানলতেজোধিমণিকংচুকধারিণী ।
সদ্রত্নাংচিতবিদ্যোতবিদ্যুত্কুংজাভশাটিকা ॥ 25 ॥

নানামণিগণাকীর্ণহেমাংগদসুভূষিতা ।
কুংকুমাগরুকস্তূরীদিব্যচংদনচর্চিতা ॥ 26 ॥

স্বোচিতৌজ্জ্বল্যবিবিধবিচিত্রমণিহারিণী ।
অসংখ্যেযসুখস্পর্শসর্বাতিশযভূষণা ॥ 27 ॥

মল্লিকাপারিজাতাদিদিব্যপুষ্পস্রগংচিতা ।
শ্রীরংগনিলযা পূজ্যা দিব্যদেশসুশোভিতা ॥ 28 ॥

ইতি শ্রীগোদাষ্টোত্তরশতনামস্তোত্রম্ ।

goda devi ashtottara sata nama stotram in assamese