ગોદા દેવી અષ્ટોત્તર શત સ્તોત્રમ્

goda devi ashtottara sata nama stotram in gujarati

ધ્યાનમ્ ।
શતમખમણિ નીલા ચારુકલ્હારહસ્તા
સ્તનભરનમિતાંગી સાંદ્રવાત્સલ્યસિંધુઃ ।
અલકવિનિહિતાભિઃ સ્રગ્ભિરાકૃષ્ટનાથા
વિલસતુ હૃદિ ગોદા વિષ્ણુચિત્તાત્મજા નઃ ॥

અથ સ્તોત્રમ્ ।
શ્રીરંગનાયકી ગોદા વિષ્ણુચિત્તાત્મજા સતી ।
ગોપીવેષધરા દેવી ભૂસુતા ભોગશાલિની ॥ 1 ॥

તુલસીકાનનોદ્ભૂતા શ્રીધન્વિપુરવાસિની ।
ભટ્ટનાથપ્રિયકરી શ્રીકૃષ્ણહિતભોગિની ॥ 2 ॥

આમુક્તમાલ્યદા બાલા રંગનાથપ્રિયા પરા ।
વિશ્વંભરા કલાલાપા યતિરાજસહોદરી ॥ 3 ॥

કૃષ્ણાનુરક્તા સુભગા સુલભશ્રીઃ સુલક્ષણા ।
લક્ષ્મીપ્રિયસખી શ્યામા દયાંચિતદૃગંચલા ॥ 4 ॥

ફલ્ગુન્યાવિર્ભવા રમ્યા ધનુર્માસકૃતવ્રતા ।
ચંપકાશોકપુન્નાગમાલતીવિલસત્કચા ॥ 5 ॥

આકારત્રયસંપન્ના નારાયણપદાશ્રિતા ।
શ્રીમદષ્ટાક્ષરીમંત્રરાજસ્થિતમનોરથા ॥ 6 ॥

મોક્ષપ્રદાનનિપુણા મનુરત્નાધિદેવતા ।
બ્રહ્મણ્યા લોકજનની લીલામાનુષરૂપિણી ॥ 7 ॥

બ્રહ્મજ્ઞાનપ્રદા માયા સચ્ચિદાનંદવિગ્રહા ।
મહાપતિવ્રતા વિષ્ણુગુણકીર્તનલોલુપા ॥ 8 ॥

પ્રપન્નાર્તિહરા નિત્યા વેદસૌધવિહારિણી ।
શ્રીરંગનાથમાણિક્યમંજરી મંજુભાષિણી ॥ 9 ॥

પદ્મપ્રિયા પદ્મહસ્તા વેદાંતદ્વયબોધિની ।
સુપ્રસન્ના ભગવતી શ્રીજનાર્દનદીપિકા ॥ 10 ॥

સુગંધાવયવા ચારુરંગમંગલદીપિકા ।
ધ્વજવજ્રાંકુશાબ્જાંકમૃદુપાદલતાંચિતા ॥ 11 ॥

તારકાકારનખરા પ્રવાલમૃદુલાંગુળી ।
કૂર્મોપમેયપાદોર્ધ્વભાગા શોભનપાર્ષ્ણિકા ॥ 12 ॥

વેદાર્થભાવતત્ત્વજ્ઞા લોકારાધ્યાંઘ્રિપંકજા ।
આનંદબુદ્બુદાકારસુગુલ્ફા પરમાણુકા ॥ 13 ॥

તેજઃશ્રિયોજ્જ્વલધૃતપાદાંગુળિસુભૂષિતા ।
મીનકેતનતૂણીરચારુજંઘાવિરાજિતા ॥ 14 ॥

કકુદ્વજ્જાનુયુગ્માઢ્યા સ્વર્ણરંભાભસક્થિકા ।
વિશાલજઘના પીનસુશ્રોણી મણિમેખલા ॥ 15 ॥

આનંદસાગરાવર્તગંભીરાંભોજનાભિકા ।
ભાસ્વદ્વલિત્રિકા ચારુજગત્પૂર્ણમહોદરી ॥ 16 ॥

નવવલ્લીરોમરાજી સુધાકુંભાયિતસ્તની ।
કલ્પમાલાનિભભુજા ચંદ્રખંડનખાંચિતા ॥ 17 ॥

સુપ્રવાશાંગુળીન્યસ્તમહારત્નાંગુલીયકા ।
નવારુણપ્રવાલાભપાણિદેશસમંચિતા ॥ 18 ॥

કંબુકંઠી સુચુબુકા બિંબોષ્ઠી કુંદદંતયુક્ ।
કારુણ્યરસનિષ્યંદનેત્રદ્વયસુશોભિતા ॥ 19 ॥

મુક્તાશુચિસ્મિતા ચારુચાંપેયનિભનાસિકા ।
દર્પણાકારવિપુલકપોલદ્વિતયાંચિતા ॥ 20 ॥

અનંતાર્કપ્રકાશોદ્યન્મણિતાટંકશોભિતા ।
કોટિસૂર્યાગ્નિસંકાશનાનાભૂષણભૂષિતા ॥ 21 ॥

સુગંધવદના સુભ્રૂ અર્ધચંદ્રલલાટિકા ।
પૂર્ણચંદ્રાનના નીલકુટિલાલકશોભિતા ॥ 22 ॥

સૌંદર્યસીમા વિલસત્કસ્તૂરીતિલકોજ્જ્વલા ।
ધગદ્ધગાયમાનોદ્યન્મણિસીમંતભૂષણા ॥ 23 ॥

જાજ્વલ્યમાનસદ્રત્નદિવ્યચૂડાવતંસકા ।
સૂર્યાર્ધચંદ્રવિલસત્ ભૂષણાંચિતવેણિકા ॥ 24 ॥

અત્યર્કાનલતેજોધિમણિકંચુકધારિણી ।
સદ્રત્નાંચિતવિદ્યોતવિદ્યુત્કુંજાભશાટિકા ॥ 25 ॥

નાનામણિગણાકીર્ણહેમાંગદસુભૂષિતા ।
કુંકુમાગરુકસ્તૂરીદિવ્યચંદનચર્ચિતા ॥ 26 ॥

સ્વોચિતૌજ્જ્વલ્યવિવિધવિચિત્રમણિહારિણી ।
અસંખ્યેયસુખસ્પર્શસર્વાતિશયભૂષણા ॥ 27 ॥

મલ્લિકાપારિજાતાદિદિવ્યપુષ્પસ્રગંચિતા ।
શ્રીરંગનિલયા પૂજ્યા દિવ્યદેશસુશોભિતા ॥ 28 ॥

ઇતિ શ્રીગોદાષ્ટોત્તરશતનામસ્તોત્રમ્ ।

goda devi ashtottara sata nama stotram in gujarati