അപരാധ ക്ഷമാപണ സ്തോത്രമ്

aparadha kshamapana stotram devi in malayalam

അപരാധസഹസ്രാണി ക്രിയംതേഽഹര്നിശം മയാ ।
ദാസോഽയമിതി മാം മത്വാ ക്ഷമസ്വ പരമേശ്വരി ॥ 1 ॥

ആവാഹനം ന ജാനാമി ന ജാനാമി വിസര്ജനമ് ।
പൂജാം ചൈവ ന ജാനാമി ക്ഷമ്യതാം പരമേശ്വരി ॥ 2 ॥

മംത്രഹീനം ക്രിയാഹീനം ഭക്തിഹീനം സുരേശ്വരി ।
യത്പൂജിതം മയാ ദേവി പരിപൂര്ണം തദസ്തു മേ ॥ 3 ॥

അപരാധശതം കൃത്വാ ജഗദംബേതി ചോച്ചരേത് ।
യാം ഗതിം സമവാപ്നോതി ന താം ബ്രഹ്മാദയഃ സുരാഃ ॥ 4 ॥

സാപരാധോഽസ്മി ശരണം പ്രാപ്തസ്ത്വാം ജഗദംബികേ ।
ഇദാനീമനുകംപ്യോഽഹം യഥേച്ഛസി തഥാ കുരു ॥ 5 ॥

അജ്ഞാനാദ്വിസ്മൃതേര്ഭ്രാംത്യാ യന്ന്യൂനമധികം കൃതമ് ।
വിപരീതം ച തത്സർവം ക്ഷമസ്വ പരമേശ്വരി ॥ 6 ॥

കാമേശ്വരി ജഗന്മാതഃ സച്ചിദാനംദവിഗ്രഹേ ।
ഗൃഹാണാര്ചാമിമാം പ്രീത്യാ പ്രസീദ പരമേശ്വരി ॥ 7 ॥

യദക്ഷരപദഭ്രഷ്ടം മാത്രാഹീനം ച യദ്ഭവേത് ।
തത്സർവം ക്ഷമ്യതാം ദേവി പ്രസീദ പരമേശ്വരി ॥ 8 ॥

ഗുഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപമ് ।
സിദ്ധിര്ഭവതു മേ ദേവി ത്വത്പ്രസാദാന്മഹേശ്വരി ॥ 9 ॥

സർവരൂപമയീ ദേവീ സർവം ദേവീമയം ജഗത് ।
അതോഽഹം വിശ്വരൂപാം ത്വാം നമാമി പരമേശ്വരീമ് ॥ 10 ॥

ഇതി അപരാധക്ഷമാപണസ്തോത്രം സമാപ്തമ് ॥

aparadha kshamapana stotram devi in malayalam