અપરાધ ક્ષમાપણ સ્તોત્રમ્

aparadha kshamapana stotram devi in gujarati

અપરાધસહસ્રાણિ ક્રિયંતેઽહર્નિશં મયા ।
દાસોઽયમિતિ માં મત્વા ક્ષમસ્વ પરમેશ્વરિ ॥ 1 ॥

આવાહનં ન જાનામિ ન જાનામિ વિસર્જનમ્ ।
પૂજાં ચૈવ ન જાનામિ ક્ષમ્યતાં પરમેશ્વરિ ॥ 2 ॥

મંત્રહીનં ક્રિયાહીનં ભક્તિહીનં સુરેશ્વરિ ।
યત્પૂજિતં મયા દેવિ પરિપૂર્ણં તદસ્તુ મે ॥ 3 ॥

અપરાધશતં કૃત્વા જગદંબેતિ ચોચ્ચરેત્ ।
યાં ગતિં સમવાપ્નોતિ ન તાં બ્રહ્માદયઃ સુરાઃ ॥ 4 ॥

સાપરાધોઽસ્મિ શરણં પ્રાપ્તસ્ત્વાં જગદંબિકે ।
ઇદાનીમનુકંપ્યોઽહં યથેચ્છસિ તથા કુરુ ॥ 5 ॥

અજ્ઞાનાદ્વિસ્મૃતેર્ભ્રાંત્યા યન્ન્યૂનમધિકં કૃતમ્ ।
વિપરીતં ચ તત્સર્વં ક્ષમસ્વ પરમેશ્વરિ ॥ 6 ॥

કામેશ્વરિ જગન્માતઃ સચ્ચિદાનંદવિગ્રહે ।
ગૃહાણાર્ચામિમાં પ્રીત્યા પ્રસીદ પરમેશ્વરિ ॥ 7 ॥

યદક્ષરપદભ્રષ્ટં માત્રાહીનં ચ યદ્ભવેત્ ।
તત્સર્વં ક્ષમ્યતાં દેવિ પ્રસીદ પરમેશ્વરિ ॥ 8 ॥

ગુહ્યાતિગુહ્યગોપ્ત્રી ત્વં ગૃહાણાસ્મત્કૃતં જપમ્ ।
સિદ્ધિર્ભવતુ મે દેવિ ત્વત્પ્રસાદાન્મહેશ્વરિ ॥ 9 ॥

સર્વરૂપમયી દેવી સર્વં દેવીમયં જગત્ ।
અતોઽહં વિશ્વરૂપાં ત્વાં નમામિ પરમેશ્વરીમ્ ॥ 10 ॥

ઇતિ અપરાધક્ષમાપણસ્તોત્રં સમાપ્તમ્ ॥

aparadha kshamapana stotram devi in gujarati