श्री मध्वाचार्य कृत द्वादश स्तोत्र – एकादशस्तोत्रम्

sri madhvacharya kruta dwadasha stotra 11 in hindi

अथ एकादशस्तोत्रम्

उदीर्णमजरं दिव्यं अमृतस्यंद्यधीशितुः ।
आनंदस्य पदं वंदे ब्रह्मेंद्रादि अभिवंदितम् ॥ 1॥

सर्ववेदपदोद्गीतं इंदिरावासमुत्तमम् (इंदिराधारमुत्तमम्) ।
आनंदस्य पदं वंदे ब्रह्मेंद्रादि अभिवंदितम् ॥ 2॥

सर्वदेवादिदेवस्य विदारितमहत्तमः ।
आनंदस्य पदं वंदे ब्रह्मेंद्रादि अभिवंदितम् ॥ 3॥

उदारमादरान्नित्यं अनिंद्यं सुंदरीपतेः ।
आनंदस्य पदं वंदे ब्रह्मेंद्रादि अभिवंदितम् ॥ 4॥

इंदीवरोदरनिभं सुपूर्णं वादिमोहनम् (वादिमोहदम्) ।
आनंदस्य पदं वंदे ब्रह्मेंद्रादि अभिवंदितम् ॥ 5॥

दातृसर्वामरैश्वर्यविमुक्त्यादेरहो परम् (वरम्) ।
आनंदस्य पदं वंदे ब्रह्मेंद्रादि अभिवंदितम् ॥ 6॥

दूराद्दुरतरं यत्तु तदेवांतिकमंतिकात् ।
आनंदस्य पदं वंदे ब्रह्मेंद्रादि अभिवंदितम् ॥ 7॥

पूर्णसर्वगुणैकार्णमनाद्यंतं सुरेशितुः ।
आनंदस्य पदं वंदे ब्रह्मेंद्रादि अभिवंदितम् ॥ 8॥

आनंदतीर्थमुनिना हरेरानंदरूपिणः ।
कृतं स्तोत्रमिदं पुण्यं पठन्नानंदमाप्नुयात् ॥ 9॥

इति श्रीमदानंदतीर्थभगवत्पादाचार्य विरचितं
द्वादशस्तोत्रेषु एकादशस्तोत्रं संपूर्णम्

sri madhvacharya kruta dwadasha stotra 11 in hindi