શ્રી મધ્વાચાર્ય કૃત દ્વાદશ સ્તોત્ર – એકાદશસ્તોત્રમ્

sri madhvacharya kruta dwadasha stotra 11 in gujarati

અથ એકાદશસ્તોત્રમ્

ઉદીર્ણમજરં દિવ્યં અમૃતસ્યંદ્યધીશિતુઃ ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 1॥

સર્વવેદપદોદ્ગીતં ઇંદિરાવાસમુત્તમમ્ (ઇંદિરાધારમુત્તમમ્) ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 2॥

સર્વદેવાદિદેવસ્ય વિદારિતમહત્તમઃ ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 3॥

ઉદારમાદરાન્નિત્યં અનિંદ્યં સુંદરીપતેઃ ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 4॥

ઇંદીવરોદરનિભં સુપૂર્ણં વાદિમોહનમ્ (વાદિમોહદમ્) ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 5॥

દાતૃસર્વામરૈશ્વર્યવિમુક્ત્યાદેરહો પરમ્ (વરમ્) ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 6॥

દૂરાદ્દુરતરં યત્તુ તદેવાંતિકમંતિકાત્ ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 7॥

પૂર્ણસર્વગુણૈકાર્ણમનાદ્યંતં સુરેશિતુઃ ।
આનંદસ્ય પદં વંદે બ્રહ્મેંદ્રાદિ અભિવંદિતમ્ ॥ 8॥

આનંદતીર્થમુનિના હરેરાનંદરૂપિણઃ ।
કૃતં સ્તોત્રમિદં પુણ્યં પઠન્નાનંદમાપ્નુયાત્ ॥ 9॥

ઇતિ શ્રીમદાનંદતીર્થભગવત્પાદાચાર્ય વિરચિતં
દ્વાદશસ્તોત્રેષુ એકાદશસ્તોત્રં સંપૂર્ણમ્

sri madhvacharya kruta dwadasha stotra 11 in gujarati