વિનાયક અષ્ટોત્તર શત નામ સ્તોત્રમ્

vinayaka ashtottara sata nama stotram in gujarati

વિનાયકો વિઘ્નરાજો ગૌરીપુત્રો ગણેશ્વરઃ ।
સ્કંદાગ્રજોઽવ્યયઃ પૂતો દક્ષોઽધ્યક્ષો દ્વિજપ્રિયઃ ॥ 1 ॥

અગ્નિગર્વચ્છિદિંદ્રશ્રીપ્રદો વાણીપ્રદાયકઃ ।
સર્વસિદ્ધિપ્રદઃ શર્વતનયઃ શર્વરીપ્રિયઃ ॥ 2 ॥

સર્વાત્મકઃ સૃષ્ટિકર્તા દેવાનીકાર્ચિતઃ શિવઃ ।
સિદ્ધિબુદ્ધિપ્રદઃ શાંતો બ્રહ્મચારી ગજાનનઃ ॥ 3 ॥

દ્વૈમાતુરો મુનિસ્તુત્યો ભક્તવિઘ્નવિનાશનઃ ।
એકદંતશ્ચતુર્બાહુશ્ચતુરઃ શક્તિસંયુતઃ ॥ 4 ॥

લંબોદરઃ શૂર્પકર્ણો હરિર્બ્રહ્મવિદુત્તમઃ ।
કાવ્યો ગ્રહપતિઃ કામી સોમસૂર્યાગ્નિલોચનઃ ॥ 5 ॥

પાશાંકુશધરશ્ચંડો ગુણાતીતો નિરંજનઃ ।
અકલ્મષઃ સ્વયં સિદ્ધઃ સિદ્ધાર્ચિતપદાંબુજઃ ॥ 6 ॥

બીજાપૂરફલાસક્તો વરદઃ શાશ્વતઃ કૃતી ।
દ્વિજપ્રિયો વીતભયો ગદી ચક્રીક્ષુચાપધૃત્ ॥ 7 ॥

શ્રીદોઽજ ઉત્પલકરઃ શ્રીપતિસ્તુતિહર્ષિતઃ ।
કુલાદ્રિભેત્તા જટિલશ્ચંદ્રચૂડોઽમરેશ્વરઃ ॥ 8 ॥

નાગયજ્ઞોપવીતી ચ કલિકલ્મષનાશનઃ ।
સ્થૂલકંઠઃ સ્વયંકર્તા સામઘોષપ્રિયઃ પરઃ ॥ 9 ॥

સ્થૂલતુંડોઽગ્રણીર્ધીરો વાગીશઃ સિદ્ધિદાયકઃ ।
દૂર્વાબિલ્વપ્રિયઃ કાંતઃ પાપહારી સમાહિતઃ ॥ 10 ॥

આશ્રિતશ્રીકરઃ સૌમ્યો ભક્તવાંછિતદાયકઃ ।
શાંતોઽચ્યુતાર્ચ્યઃ કૈવલ્યો સચ્ચિદાનંદવિગ્રહઃ ॥ 11 ॥

જ્ઞાની દયાયુતો દાંતો બ્રહ્મદ્વેષવિવર્જિતઃ ।
પ્રમત્તદૈત્યભયદો વ્યક્તમૂર્તિરમૂર્તિમાન્ ॥ 12 ॥

શૈલેંદ્રતનુજોત્સંગખેલનોત્સુકમાનસઃ ।
સ્વલાવણ્યસુધાસારજિતમન્મથવિગ્રહઃ ॥ 13 ॥

સમસ્તજગદાધારો માયી મૂષકવાહનઃ ।
રમાર્ચિતો વિધિશ્ચૈવ શ્રીકંઠો વિબુધેશ્વરઃ ॥ 14 ॥

ચિંતામણિદ્વીપપતિઃ પરમાત્મા ગજાનનઃ ।
હૃષ્ટસ્તુષ્ટઃ પ્રસન્નાત્મા સર્વસિદ્ધિપ્રદાયકઃ ॥ 15 ॥

અષ્ટોત્તરશતેનૈવં નામ્નાં વિઘ્નેશ્વરં વિભુમ્ ।
યઃ પૂજયેદનેનૈવ ભક્ત્યા સિદ્ધિવિનાયકમ્ ॥ 16 ॥

દૂર્વાદળૈઃ બિલ્વપત્રૈઃ પુષ્પૈર્વા ચંદનાક્ષતૈઃ ।
સર્વાન્કામાનવાપ્નોતિ સર્વવિઘ્નૈઃ પ્રમુચ્યતે ॥ 17 ॥

ઇતિ ભવિષ્યોત્તરપુરાણે વિનાયકાષ્ટોત્તરશતનામ સ્તોત્રમ્ ।

vinayaka ashtottara sata nama stotram in gujarati