સુબ્રહ્મણ્યષ્ટોત્તરશત નામસ્તોત્રમ્

subrahmanya ashtottara sata nama stotram in gujarati

શક્તિહસ્તં વિરૂપાક્ષં શિખિવાહં ષડાનનમ્ ।
દારુણં રિપુરોગઘ્નં ભાવયે કુક્કુટધ્વજમ્ ॥

ઇતિ ધ્યાનમ્

સ્કંદો ગુહઃ ષણ્મુખશ્ચ ફાલનેત્રસુતઃ પ્રભુઃ ।
પિંગળઃ કૃત્તિકાસૂનુઃ શિખિવાહો દ્વિષડ્ભુજઃ ॥ 1 ॥

દ્વિષણ્ણેત્ર-શ્શક્તિધરઃ પિશિતાશ પ્રભંજનઃ ।
તારકાસુરસંહારી રક્ષોબલવિમર્દનઃ ॥ 2 ॥

મત્તઃ પ્રમત્ત ઉન્મત્તઃ સુરસૈન્યસુરક્ષકઃ ।
દેવસેનાપતિઃ પ્રાજ્ઞઃ કૃપાળુ ર્ભક્તવત્સલઃ ॥ 3 ॥

ઉમાસુત-શ્શક્તિધરઃ કુમારઃ ક્રૌંચધારણઃ ।
સેનાની-રગ્નિજન્મા ચ વિશાખઃ શંકરાત્મજઃ ॥ 4 ॥

શિવસ્વામી ગણસ્વામી સર્વસ્વામી સનાતનઃ ।
અનંતમૂર્તિ રક્ષોભ્યઃ પાર્વતીપ્રિયનંદનઃ ॥ 5 ॥

ગંગાસુત-શ્શરોદ્ભૂત આહૂતઃ પાવકાત્મજઃ ।
જૃંભઃ પ્રજૃંભ ઉજ્જૃંભઃ કમલાસનસંસ્તુતઃ ॥ 6 ॥

એકવર્ણો દ્વિવર્ણશ્ચ ત્રિવર્ણઃ સુમનોહરઃ ।
ચતુર્વર્ણઃ પંચવર્ણઃ પ્રજાપતિ-રહસ્પતિઃ ॥ 7 ॥

અગ્નિગર્ભ-શ્શમીગર્ભો વિશ્વરેતા-સ્સુરારિહા ।
હરિદ્વર્ણ-શ્શુભકરો પટુશ્ચ વટુવેષભૃત્ ॥ 8 ॥

પૂષા ગભસ્તિ-ર્ગહન શ્ચંદ્રવર્ણઃ કળાધરઃ ।
માયાધરો મહામાયી કૈવલ્ય-શ્શંકરાત્મજઃ ॥ 9 ॥

વિશ્વયોનિ-રમેયાત્મા તેજોનિધિ-રનામયઃ ।
પરમેષ્ઠી પરંબ્રહ્મ વેદગર્ભો વિરાટ્સુતઃ ॥ 10 ॥

પુળિંદકન્યાભર્તા ચ મહાસારસ્વતાવૃતઃ ।
અશ્રિતોખિલદાતા ચ ચોરઘ્નો રોગનાશનઃ ॥ 11 ॥

અનંતમૂર્તિ-રાનંદ-શ્શિખંડીકૃતકેતનઃ ।
ડંભઃ પરમડંભશ્ચ મહાડંભો વૃષાકપિઃ ॥ 12 ॥

કારણોપાત્તદેહશ્ચ કારણાતીતવિગ્રહઃ ।
અનીશ્વરોઽમૃતઃ પ્રાણઃ પ્રાણાયામપરાયણઃ ॥ 13 ॥

વિરુદ્ધહંતા વીરઘ્નો રક્તશ્યામગળોઽપિ ચ ।
સુબ્રહ્મણ્યો ગુહઃ પ્રીતો બ્રહ્મણ્યો બ્રાહ્મણપ્રિયઃ ॥ 14 ॥

વંશવૃદ્ધિકરો વેદો વેદ્યોઽક્ષયફલપ્રદઃ ॥ 15 ॥

ઇતિ શ્રી સુબ્રહ્મણ્યાષ્ટોત્તર શતનામસ્તોત્રં સંપૂર્ણમ્ ।

subrahmanya ashtottara sata nama stotram in gujarati