શ્રી નૃસિંહ સરસ્વતી અષ્ટકં

sri nrusimha sarasvathi ashtakam in gujarati

ઇંદુકોટિતેજ કરુણસિંધુ ભક્તવત્સલં
નંદનાત્રિસૂનુ દત્તમિંદિરાક્ષ શ્રીગુરુમ્ ।
ગંધમાલ્ય અક્ષતાદિ બૃંદદેવવંદિતં
વંદયામિ નારસિંહ સરસ્વતીશ પાહિ મામ્ ॥ 1 ॥

મોહપાશ અંધકાર છાય દૂર ભાસ્કરં
આયતાક્ષ પાહિ શ્રિયાવલ્લભેશ નાયકમ્ ।
સેવ્યભક્તબૃંદવરદ ભૂયો ભૂયો નમામ્યહં
વંદયામિ નારસિંહ સરસ્વતીશ પાહિ મામ્ ॥ 2 ॥

ચિત્તજાદિવર્ગષટ્કમત્તવારણાંકુશં
તત્ત્વસારશોભિતાત્મ દત્ત શ્રિયાવલ્લભમ્ ।
ઉત્તમાવતાર ભૂતકર્તૃ ભક્તવત્સલં
વંદયામિ નારસિંહ સરસ્વતીશ પાહિ મામ્ ॥ 3 ॥

વ્યોમ વાયુ તેજ આપ ભૂમિ કર્તૃમીશ્વરં
કામક્રોધમોહરહિત સોમસૂર્યલોચનમ્ ।
કામિતાર્થદાતૃ ભક્તકામધેનુ શ્રીગુરું
વંદયામિ નારસિંહ સરસ્વતીશ પાહિ મામ્ ॥ 4 ॥

પુંડરીક આયતાક્ષ કુંડલેંદુતેજસં
ચંડદુરિતખંડનાર્થ દંડધારિ શ્રીગુરુમ્ ।
મંડલીકમૌળિ માર્તાંડ ભાસિતાનનં
વંદયામિ નારસિંહ સરસ્વતીશ પાહિ મામ્ ॥ 5 ॥

વેદશાસ્ત્રસ્તુત્યપાદ આદિમૂર્તિ શ્રીગુરું
નાદબિંદુકળાતીત કલ્પપાદસેવ્યયમ્ ।
સેવ્યભક્તબૃંદવરદ ભૂયો ભૂયો નમામ્યહં
વંદયામિ નારસિંહ સરસ્વતીશ પાહિ મામ્ ॥ 6 ॥

અષ્ટયોગતત્ત્વનિષ્ઠ તુષ્ટજ્ઞાનવારિધિં
કૃષ્ણવેણિતીરવાસ પંચનદીસંગમમ્ ।
કષ્ટદૈન્યદૂરિ ભક્તતુષ્ટકામ્યદાયકં
વંદયામિ નારસિંહ સરસ્વતીશ પાહિ મામ્ ॥ 7 ॥

નારસિંહસરસ્વતી નામ અષ્ટમૌક્તિકં
હાર કૃત્ય શારદેન ગંગાધર આત્મજમ્ ।
ધારણીક દેવદીક્ષ ગુરુમૂર્તિ તોષિતં
પરમાત્માનંદ શ્રિયા પુત્રપૌત્રદાયકમ્ ॥ 8 ॥
[પાઠભેદઃ – પ્રાર્થયામિ દત્તદેવ સદ્ગુરું સદાવિભુમ્]

નારસિંહસરસ્વતીય અષ્ટકં ચ યઃ પઠેત્
ઘોર સંસાર સિંધુ તારણાખ્ય સાધનમ્ ।
સારજ્ઞાન દીર્ઘ આયુરારોગ્યાદિ સંપદાં
ચારુવર્ગકામ્યલાભ નિત્યમેવ યઃ પઠેત્ ॥ 9 ॥ [વારં વારં યજ્જપેત્]

ઇતિ શ્રીગુરુચરિતામૃતે શ્રીનૃસિંહસરસ્વત્યુપાખ્યાને સિદ્ધનામધારક સંવાદે શ્રીનૃસિંહસરસ્વતી અષ્ટકમ્ ॥

sri nrusimha sarasvathi ashtakam in gujarati