શ્રી કૃષ્ણ કૃત દુર્ગા સ્તોત્રમ્

sri krishna kruta durga stotram in gujarati

શ્રીકૃષ્ણ ઉવાચ ।
ત્વમેવ સર્વજનની મૂલપ્રકૃતિરીશ્વરી ।
ત્વમેવાદ્યા સૃષ્ટિવિધૌ સ્વેચ્છયા ત્રિગુણાત્મિકા ॥ 1 ॥

કાર્યાર્થે સગુણા ત્વં ચ વસ્તુતો નિર્ગુણા સ્વયમ્ ।
પરબ્રહ્મસ્વરૂપા ત્વં સત્યા નિત્યા સનાતની ॥ 2 ॥

તેજઃ સ્વરૂપા પરમા ભક્તાનુગ્રવિગ્રહા ।
સર્વસ્વરૂપા સર્વેશા સર્વાધારા પરાત્પરા ॥ 3 ॥

સર્વબીજસ્વરૂપા ચ સર્વપૂજ્યા નિરાશ્રયા ।
સર્વજ્ઞા સર્વતોભદ્રા સર્વમંગળમંગળા ॥ 4 ॥

સર્વબુદ્ધિસ્વરૂપા ચ સર્વશક્તિસ્વરૂપિણી ।
સર્વજ્ઞાનપ્રદા દેવી સર્વજ્ઞા સર્વભાવિની ॥ 5 ॥

ત્વં સ્વાહા દેવદાને ચ પિતૃદાને સ્વધા સ્વયમ્ ।
દક્ષિણા સર્વદાને ચ સર્વશક્તિસ્વરૂપિણી ॥ 6 ॥

નિદ્રા ત્વં ચ દયા ત્વં ચ તૃષ્ણા ત્વં ચાત્મનઃ પ્રિયા ।
ક્ષુત્ ક્ષાંતિઃ શાંતિરીશા ચ કાંતિસ્તુષ્ટિશ્ચ શાશ્વતી ॥ 7 ॥

શ્રદ્ધા પુષ્ટિશ્ચ તંદ્રા ચ લજ્જા શોભા દયા તથા ।
સતાં સંપત્સ્વરૂપા શ્રીર્વિપત્તિરસતામિહ ॥ 8 ॥

પ્રીતિરૂપા પુણ્યવતાં પાપિનાં કલહાંકુરા ।
શશ્વત્કર્મમયી શક્તિઃ સર્વદા સર્વજીવિનામ્ ॥ 9 ॥

દેવેભ્યઃ સ્વપદો દાત્રી ધાતુર્ધાત્રી કૃપામયી ।
હિતાય સર્વદેવાનાં સર્વાસુરવિનાશિની ॥ 10 ॥

યોગિનિદ્રા યોગરૂપા યોગદાત્રી ચ યોગિનામ્ ।
સિદ્ધિસ્વરૂપા સિદ્ધાનાં સિદ્ધિદા સિદ્ધયોગિની ॥ 11 ॥

માહેશ્વરી ચ બ્રહ્માણી વિષ્ણુમાયા ચ વૈષ્ણવી ।
ભદ્રદા ભદ્રકાલી ચ સર્વલોકભયંકરી ॥ 12 ॥

ગ્રામે ગ્રામે ગ્રામદેવી ગૃહદેવી ગૃહે ગૃહે ।
સતાં કીર્તિઃ પ્રતિષ્ઠા ચ નિંદા ત્વમસતાં સદા ॥ 13 ॥

મહાયુદ્ધે મહામારી દુષ્ટસંહારરૂપિણી ।
રક્ષાસ્વરૂપા શિષ્ટાનાં માતેવ હિતકારિણી ॥ 14 ॥

વંદ્યા પૂજ્યા સ્તુતા ત્વં ચ બ્રહ્માદીનાં ચ સર્વદા ।
બ્રહ્મણ્યરૂપા વિપ્રાણાં તપસ્યા ચ તપસ્વિનામ્ ॥ 15 ॥

વિદ્યા વિદ્યાવતાં ત્વં ચ બુદ્ધિર્બુદ્ધિમતાં સતામ્ ।
મેધા સ્મૃતિસ્વરૂપા ચ પ્રતિભા પ્રતિભાવતામ્ ॥ 16 ॥

રાજ્ઞાં પ્રતાપરૂપા ચ વિશાં વાણિજ્યરૂપિણી ।
સૃષ્ટૌ સૃષ્ટિસ્વરૂપા ત્વં રક્ષારૂપા ચ પાલને ॥ 17 ॥

તથાંતે ત્વં મહામારી વિશ્વે વિશ્વૈશ્ચ પૂજિતે ।
કાલરાત્રિર્મહારાત્રિર્મોહરાત્રિશ્ચ મોહિની ॥ 18 ॥

દુરત્યયા મે માયા ત્વં યયા સમ્મોહિતં જગત્ ।
યયા મુગ્ધો હિ વિદ્વાંશ્ચ મોક્ષમાર્ગં ન પશ્યતિ ॥ 19 ॥

ઇત્યાત્મના કૃતં સ્તોત્રં દુર્ગાયા દુર્ગનાશનમ્ ।
પૂજાકાલે પઠેદ્યો હિ સિદ્ધિર્ભવતિ વાંછિતા ॥ 20 ॥

ઇતિ શ્રીબ્રહ્મવૈવર્તે મહાપુરાણે દ્વિતીયે પ્રકૃતિખંડે નારદનારાયણસંવાદે દુર્ગોપાખ્યાને ષટ્ષષ્ટિતમોઽધ્યાયે શ્રી દુર્ગા સ્તોત્રમ્ ।

sri krishna kruta durga stotram in gujarati