દેવી વૈભવાશ્ચર્ય અષ્ટોત્તર શત નામ સ્તોત્રમ્

devi vaibhava ashcharya ashtottara sata nama stotram in gujarati

અસ્ય શ્રી દેવીવૈભવાશ્ચર્યાષ્ટોત્તરશતદિવ્યનામ સ્તોત્રમહામંત્રસ્ય આનંદભૈરવ ઋષિઃ, અનુષ્ટુપ્ છંદઃ, શ્રી આનંદભૈરવી શ્રીમહાત્રિપુરસુંદરી દેવતા, ઐં બીજં, હ્રીં શક્તિઃ, શ્રીં કીલકં, મમ શ્રીઆનંદભૈરવી શ્રીમહાત્રિપુરસુંદરી પ્રસાદસિદ્ધ્યર્થે જપે વિનિયોગઃ ।

ધ્યાનમ્
કુંકુમપંકસમાભા-
-મંકુશપાશેક્ષુકોદંડશરામ્ ।
પંકજમધ્યનિષણ્ણાં
પંકેરુહલોચનાં પરાં વંદે ॥

પંચપૂજા
લં પૃથિવ્યાત્મિકાયૈ ગંધં સમર્પયામિ ।
હં આકાશાત્મિકાયૈ પુષ્પૈઃ પૂજયામિ ।
યં વાય્વાત્મિકાયૈ ધૂપમાઘ્રાપયામિ ।
રં અગ્ન્યાત્મિકાયૈ દીપં દર્શયામિ ।
વં અમૃતાત્મિકાયૈ અમૃતં મહાનૈવેદ્યં નિવેદયામિ ।
સં સર્વાત્મિકાયૈ સર્વોપચારાન્ સમર્પયામિ ॥

ઓં ઐં હ્રીં શ્રીમ્ ।
પરમાનંદલહરી પરચૈતન્યદીપિકા ।
સ્વયંપ્રકાશકિરણા નિત્યવૈભવશાલિની ॥ 1 ॥

વિશુદ્ધકેવલાખંડસત્યકાલાત્મરૂપિણી ।
આદિમધ્યાંતરહિતા મહામાયાવિલાસિની ॥ 2 ॥

ગુણત્રયપરિચ્છેત્રી સર્વતત્ત્વપ્રકાશિની ।
સ્ત્રીપુંસભાવરસિકા જગત્સર્ગાદિલંપટા ॥ 3 ॥

અશેષનામરૂપાદિભેદચ્છેદરવિપ્રભા ।
અનાદિવાસનારૂપા વાસનોદ્યત્પ્રપંચિકા ॥ 4 ॥

પ્રપંચોપશમપ્રૌઢા ચરાચરજગન્મયી ।
સમસ્તજગદાધારા સર્વસંજીવનોત્સુકા ॥ 5 ॥

ભક્તચેતોમયાનંતસ્વાર્થવૈભવવિભ્રમા ।
સર્વાકર્ષણવશ્યાદિસર્વકર્મધુરંધરા ॥ 6 ॥

વિજ્ઞાનપરમાનંદવિદ્યા સંતાનસિદ્ધિદા ।
આયુરારોગ્યસૌભાગ્યબલશ્રીકીર્તિભાગ્યદા ॥ 7 ॥

ધનધાન્યમણીવસ્ત્રભૂષાલેપનમાલ્યદા ।
ગૃહગ્રામમહારાજ્યસામ્રાજ્યસુખદાયિની ॥ 8 ॥

સપ્તાંગશક્તિસંપૂર્ણસાર્વભૌમફલપ્રદા ।
બ્રહ્મવિષ્ણુશિવેંદ્રાદિપદવિશ્રાણનક્ષમા ॥ 9 ॥

ભુક્તિમુક્તિમહાભક્તિવિરક્ત્યદ્વૈતદાયિની ।
નિગ્રહાનુગ્રહાધ્યક્ષા જ્ઞાનનિર્દ્વૈતદાયિની ॥ 10 ॥

પરકાયપ્રવેશાદિયોગસિદ્ધિપ્રદાયિની ।
શિષ્ટસંજીવનપ્રૌઢા દુષ્ટસંહારસિદ્ધિદા ॥ 11 ॥

લીલાવિનિર્મિતાનેકકોટિબ્રહ્માંડમંડલા ।
એકાનેકાત્મિકા નાનારૂપિણ્યર્ધાંગનેશ્વરી ॥ 12 ॥

શિવશક્તિમયી નિત્યશૃંગારૈકરસપ્રિયા ।
તુષ્ટા પુષ્ટાઽપરિચ્છિન્ના નિત્યયૌવનમોહિની ॥ 13 ॥

સમસ્તદેવતારૂપા સર્વદેવાધિદેવતા ।
દેવર્ષિપિતૃસિદ્ધાદિયોગિનીભૈરવાત્મિકા ॥ 14 ॥

નિધિસિદ્ધિમણીમુદ્રા શસ્ત્રાસ્ત્રાયુધભાસુરા ।
છત્રચામરવાદિત્રપતાકાવ્યજનાંચિતા ॥ 15 ॥

હસ્ત્યશ્વરથપાદાતામાત્યસેનાસુસેવિતા ।
પુરોહિતકુલાચાર્યગુરુશિષ્યાદિસેવિતા ॥ 16 ॥

સુધાસમુદ્રમધ્યોદ્યત્સુરદ્રુમનિવાસિની ।
મણિદ્વીપાંતરપ્રોદ્યત્કદંબવનવાસિની ॥ 17 ॥

ચિંતામણિગૃહાંતઃસ્થા મણિમંટપમધ્યગા ।
રત્નસિંહાસનપ્રોદ્યચ્છિવમંચાધિશાયિની ॥ 18 ॥

સદાશિવમહાલિંગમૂલસંઘટ્ટયોનિકા ।
અન્યોન્યાલિંગસંઘર્ષકંડૂસંક્ષુબ્ધમાનસા ॥ 19 ॥

કળોદ્યદ્બિંદુકાળિન્યાતુર્યનાદપરંપરા ।
નાદાંતાનંદસંદોહસ્વયંવ્યક્તવચોઽમૃતા ॥ 20 ॥

કામરાજમહાતંત્રરહસ્યાચારદક્ષિણા ।
મકારપંચકોદ્ભૂતપ્રૌઢાંતોલ્લાસસુંદરી ॥ 21 ॥

શ્રીચક્રરાજનિલયા શ્રીવિદ્યામંત્રવિગ્રહા ।
અખંડસચ્ચિદાનંદશિવશક્ત્યૈક્યરૂપિણી ॥ 22 ॥

ત્રિપુરા ત્રિપુરેશાની મહાત્રિપુરસુંદરી ।
ત્રિપુરાવાસરસિકા ત્રિપુરાશ્રીસ્વરૂપિણી ॥ 23 ॥

મહાપદ્મવનાંતસ્થા શ્રીમત્ત્રિપુરમાલિની ।
મહાત્રિપુરસિદ્ધાંબા શ્રીમહાત્રિપુરાંબિકા ॥ 24 ॥

નવચક્રક્રમાદેવી મહાત્રિપુરભૈરવી ।
શ્રીમાતા લલિતા બાલા રાજરાજેશ્વરી શિવા ॥ 25 ॥

ઉત્પત્તિસ્થિતિસંહારક્રમચક્રનિવાસિની ।
અર્ધમેર્વાત્મચક્રસ્થા સર્વલોકમહેશ્વરી ॥ 26 ॥

વલ્મીકપુરમધ્યસ્થા જંબૂવનનિવાસિની ।
અરુણાચલશૃંગસ્થા વ્યાઘ્રાલયનિવાસિની ॥ 27 ॥

શ્રીકાલહસ્તિનિલયા કાશીપુરનિવાસિની ।
શ્રીમત્કૈલાસનિલયા દ્વાદશાંતમહેશ્વરી ॥ 28 ॥

શ્રીષોડશાંતમધ્યસ્થા સર્વવેદાંતલક્ષિતા ।
શ્રુતિસ્મૃતિપુરાણેતિહાસાગમકલેશ્વરી ॥ 29 ॥

ભૂતભૌતિકતન્માત્રદેવતાપ્રાણહૃન્મયી ।
જીવેશ્વરબ્રહ્મરૂપા શ્રીગુણાઢ્યા ગુણાત્મિકા ॥ 30 ॥

અવસ્થાત્રયનિર્મુક્તા વાગ્રમોમામહીમયી ।
ગાયત્રીભુવનેશાનીદુર્ગાકાળ્યાદિરૂપિણી ॥ 31 ॥

મત્સ્યકૂર્મવરાહાદિનાનારૂપવિલાસિની ।
મહાયોગીશ્વરારાધ્યા મહાવીરવરપ્રદા ॥ 32 ॥

સિદ્ધેશ્વરકુલારાધ્યા શ્રીમચ્ચરણવૈભવા ॥ 33 ॥

પુનર્ધ્યાનમ્
કુંકુમપંકસમાભા-
-મંકુશપાશેક્ષુકોદંડશરામ્ ।
પંકજમધ્યનિષણ્ણાં
પંકેરુહલોચનાં પરાં વંદે ॥

ઇતિ શ્રીગર્ભકુલાર્ણવતંત્રે દેવી વૈભવાશ્ચર્યાષ્ટોત્તરશતનામ સ્તોત્રમ્ ।

devi vaibhava ashcharya ashtottara sata nama stotram in gujarati