বুধ অষ্টোত্তর শত নাম স্তোত্রম্

budha ashtottara sata nama stotram in bengali

বুধো বুধার্চিতঃ সৌম্য়ঃ সৌম্যচিত্তঃ শুভপ্রদঃ ।
দৃঢব্রতো দৃঢফলঃ শ্রুতিজালপ্রবোধকঃ ॥ 1 ॥

সত্যবাসঃ সত্যবচাঃ শ্রেযসাং পতিরব্যয়ঃ ।
সোমজঃ সুখদঃ শ্রীমান্ সোমবংশপ্রদীপকঃ ॥ 2 ॥

বেদবিদ্বেদতত্ত্বজ্ঞো বেদাংতজ্ঞানভাস্বরঃ ।
বিদ্য়াবিচক্ষণ বিভুর্বিদ্বত্প্রীতিকরো ঋজঃ ॥ 3 ॥

বিশ্বানুকূলসংচারো বিশেষবিনয়ান্বিতঃ ।
বিবিধাগমসারজ্ঞো বীর্যবান্ বিগতজ্বরঃ ॥ 4 ॥

ত্রিবর্গফলদোঽনংতঃ ত্রিদশাধিপপূজিতঃ ।
বুদ্ধিমান্ বহুশাস্ত্রজ্ঞো বলী বংধবিমোচকঃ ॥ 5 ॥

বক্রাতিবক্রগমনো বাসবো বসুধাধিপঃ ।
প্রসন্নবদনো বংদ্য়ো বরেণ্য়ো বাগ্বিলক্ষণঃ ॥ 6 ॥

সত্যবান্ সত্যসংকল্পঃ সত্যবংধুঃ সদাদরঃ ।
সর্বরোগপ্রশমনঃ সর্বমৃত্য়ুনিবারকঃ ॥ 7 ॥

বাণিজ্যনিপুণো বশ্য়ো বাতাংগো বাতরোগহৃত্ ।
স্থূলঃ স্থৈর্যগুণাধ্যক্ষঃ স্থূলসূক্ষ্মাদিকারণঃ ॥ 8 ॥

অপ্রকাশঃ প্রকাশাত্মা ঘনো গগনভূষণঃ ।
বিধিস্তুত্য়ো বিশালাক্ষো বিদ্বজ্জনমনোহরঃ ॥ 9 ॥

চারুশীলঃ স্বপ্রকাশঃ চপলশ্চ জিতেংদ্রিয়ঃ ।
উদঙ্মুখো মখাসক্তো মগধাধিপতির্হরঃ ॥ 10 ॥

সৌম্যবত্সরসংজাতঃ সোমপ্রিযকরঃ সুখী ।
সিংহাধিরূঢঃ সর্বজ্ঞঃ শিখিবর্ণঃ শিবংকরঃ ॥ 11 ॥

পীতাংবরো পীতবপুঃ পীতচ্ছত্রধ্বজাংকিতঃ ।
খড্গচর্মধরঃ কার্যকর্তা কলুষহারকঃ ॥ 12 ॥

আত্রেযগোত্রজোঽত্য়ংতবিনয়ো বিশ্বপাবনঃ ।
চাংপেযপুষ্পসংকাশঃ চারণঃ চারুভূষণঃ ॥ 13 ॥

বীতরাগো বীতভয়ো বিশুদ্ধকনকপ্রভঃ ।
বংধুপ্রিয়ো বংধমুক্তো বাণমংডলসংশ্রিতঃ ॥ 14 ॥

অর্কেশানপ্রদেশস্থঃ তর্কশাস্ত্রবিশারদঃ ।
প্রশাংতঃ প্রীতিসংয়ুক্তঃ প্রিযকৃত্ প্রিযভাষণঃ ॥ 15 ॥

মেধাবী মাধবাসক্তো মিথুনাধিপতিঃ সুধীঃ ।
কন্য়ারাশিপ্রিয়ঃ কামপ্রদো ঘনফলাশ্রয়ঃ ॥ 16 ॥

বুধস্য়ৈবং প্রকারেণ নাম্নামষ্টোত্তরং শতম্ ।
সংপূজ্য় বিধিবত্কর্তা সর্বান্কামানবাপ্নুয়াত্ ॥ 17 ॥

ইতি শ্রী বুধ অষ্টোত্তরশতনাম স্তোত্রম্ ।

budha ashtottara sata nama stotram in bengali