సురస సుబోధా (నైవ క్లిష్టా న చ కఠినా)

surasa subodha naiva klishta na cha kathina in telugu

సురస సుబోధా విశ్వమనోజ్ఞా
లలితా హృద్యా రమణీయా ।
అమృతవాణీ సంస్కృతభాషా
నైవ క్లిష్టా న చ కఠినా ॥

కవికులగురు వాల్మీకి విరచితా
రామాయణ రమణీయ కథా ।
అతీవ సరళా మధుర మంజులా
నైవ క్లిష్టా న చ కఠినా ॥

వ్యాస విరచితా గణేశ లిఖితా
మహాభారతే పుణ్య కథా ।
కౌరవ పాండవ సంగర మథితా
నైవ క్లిష్టా న చ కఠినా ॥

కురుక్షేత్ర సమరాంగణ గీతా
విశ్వవందితా భగవద్గీతా ।
అతీవ మధురా కర్మదీపికా
నైవ క్లిష్టా న చ కఠినా ॥

కవి కులగురు నవ రసోన్మేషజా
ఋతు రఘు కుమార కవితా ।
విక్రమ-శాకుంతల-మాళవికా
నైవ క్లిష్టా న చ కఠినా ॥

రచన: వసంత గాడగీలః

surasa subodha naiva klishta na cha kathina in telugu