నవగ్రహ పీడాహర స్తోత్రం

nava graha peedahara stotram in telugu

గ్రహాణామాదిరాదిత్యో లోకరక్షణకారకః ।
విషమస్థానసంభూతాం పీడాం హరతు మే రవిః ॥ 1 ॥

రోహిణీశః సుధామూర్తిః సుధాగాత్రః సుధాశనః ।
విషమస్థానసంభూతాం పీడాం హరతు మే విధుః ॥ 2 ॥

భూమిపుత్రో మహాతేజా జగతాం భయకృత్ సదా ।
వృష్టికృద్వృష్టిహర్తా చ పీడాం హరతు మే కుజః ॥ 3 ॥

ఉత్పాతరూపో జగతాం చంద్రపుత్రో మహాద్యుతిః ।
సూర్యప్రియకరో విద్వాన్ పీడాం హరతు మే బుధః ॥ 4 ॥

దేవమంత్రీ విశాలాక్షః సదా లోకహితే రతః ।
అనేకశిష్యసంపూర్ణః పీడాం హరతు మే గురుః ॥ 5 ॥

దైత్యమంత్రీ గురుస్తేషాం ప్రాణదశ్చ మహామతిః ।
ప్రభుస్తారాగ్రహాణాం చ పీడాం హరతు మే భృగుః ॥ 6 ॥

సూర్యపుత్రో దీర్ఘదేహో విశాలాక్షః శివప్రియః ।
మందచారః ప్రసన్నాత్మా పీడాం హరతు మే శనిః ॥ 7 ॥

మహాశిరా మహావక్త్రో దీర్ఘదంష్ట్రో మహాబలః ।
అతనుశ్చోర్ధ్వకేశశ్చ పీడాం హరతు మే శిఖీ ॥ 8 ॥

అనేకరూపవర్ణైశ్చ శతశోఽథ సహస్రశః ।
ఉత్పాతరూపో జగతాం పీడాం హరతు మే తమః ॥ 9 ॥

nava graha peedahara stotram in telugu