નવગ્રહ પીડાહર સ્તોત્રમ્

nava graha peedahara stotram in gujarati

ગ્રહાણામાદિરાદિત્યો લોકરક્ષણકારકઃ ।
વિષમસ્થાનસંભૂતાં પીડાં હરતુ મે રવિઃ ॥ 1 ॥

રોહિણીશઃ સુધામૂર્તિઃ સુધાગાત્રઃ સુધાશનઃ ।
વિષમસ્થાનસંભૂતાં પીડાં હરતુ મે વિધુઃ ॥ 2 ॥

ભૂમિપુત્રો મહાતેજા જગતાં ભયકૃત્ સદા ।
વૃષ્ટિકૃદ્વૃષ્ટિહર્તા ચ પીડાં હરતુ મે કુજઃ ॥ 3 ॥

ઉત્પાતરૂપો જગતાં ચંદ્રપુત્રો મહાદ્યુતિઃ ।
સૂર્યપ્રિયકરો વિદ્વાન્ પીડાં હરતુ મે બુધઃ ॥ 4 ॥

દેવમંત્રી વિશાલાક્ષઃ સદા લોકહિતે રતઃ ।
અનેકશિષ્યસંપૂર્ણઃ પીડાં હરતુ મે ગુરુઃ ॥ 5 ॥

દૈત્યમંત્રી ગુરુસ્તેષાં પ્રાણદશ્ચ મહામતિઃ ।
પ્રભુસ્તારાગ્રહાણાં ચ પીડાં હરતુ મે ભૃગુઃ ॥ 6 ॥

સૂર્યપુત્રો દીર્ઘદેહો વિશાલાક્ષઃ શિવપ્રિયઃ ।
મંદચારઃ પ્રસન્નાત્મા પીડાં હરતુ મે શનિઃ ॥ 7 ॥

મહાશિરા મહાવક્ત્રો દીર્ઘદંષ્ટ્રો મહાબલઃ ।
અતનુશ્ચોર્ધ્વકેશશ્ચ પીડાં હરતુ મે શિખી ॥ 8 ॥

અનેકરૂપવર્ણૈશ્ચ શતશોઽથ સહસ્રશઃ ।
ઉત્પાતરૂપો જગતાં પીડાં હરતુ મે તમઃ ॥ 9 ॥

nava graha peedahara stotram in gujarati