నారాయణీయం దశక 57 – ప్రలంబాసురవధం

narayaniyam dashaka 57 in telugu

రామసఖః క్వాపి దినే కామద భగవన్ గతో భవాన్ విపినమ్ ।
సూనుభిరపి గోపానాం ధేనుభిరభిసంవృతో లసద్వేషః ॥1॥

సందర్శయన్ బలాయ స్వైరం వృందావనశ్రియం విమలామ్ ।
కాండీరైః సహ బాలైర్భాండీరకమాగమో వటం క్రీడన్ ॥2॥

తావత్తావకనిధనస్పృహయాలుర్గోపమూర్తిరదయాలుః ।
దైత్యః ప్రలంబనామా ప్రలంబబాహుం భవంతమాపేదే ॥3॥

జానన్నప్యవిజానన్నివ తేన సమం నిబద్ధసౌహార్దః ।
వటనికటే పటుపశుపవ్యాబద్ధం ద్వంద్వయుద్ధమారబ్ధాః ॥4॥

గోపాన్ విభజ్య తన్వన్ సంఘం బలభద్రకం భవత్కమపి ।
త్వద్బలభీరుం దైత్యం త్వద్బలగతమన్వమన్యథా భగవన్ ॥5॥

కల్పితవిజేతృవహనే సమరే పరయూథగం స్వదయితతరమ్ ।
శ్రీదామానమధత్థాః పరాజితో భక్తదాసతాం ప్రథయన్ ॥6॥

ఏవం బహుషు విభూమన్ బాలేషు వహత్సు వాహ్యమానేషు ।
రామవిజితః ప్రలంబో జహార తం దూరతో భవద్భీత్యా ॥7॥

త్వద్దూరం గమయంతం తం దృష్ట్వా హలిని విహితగరిమభరే ।
దైత్యః స్వరూపమాగాద్యద్రూపాత్ స హి బలోఽపి చకితోఽభూత్ ॥8॥

ఉచ్చతయా దైత్యతనోస్త్వన్ముఖమాలోక్య దూరతో రామః ।
విగతభయో దృఢముష్ట్యా భృశదుష్టం సపది పిష్టవానేనం ॥9॥

హత్వా దానవవీరం ప్రాప్తం బలమాలిలింగిథ ప్రేమ్ణా ।
తావన్మిలతోర్యువయోః శిరసి కృతా పుష్పవృష్టిరమరగణైః ॥10॥

ఆలంబో భువనానాం ప్రాలంబం నిధనమేవమారచయన్ ।
కాలం విహాయ సద్యో లోలంబరుచే హరే హరేః క్లేశాన్ ॥11॥

narayaniyam dashaka 57 in telugu