ನಾರಾಯಣೀಯಂ ದಶಕ 57 – ಪ್ರಲಂಬಾಸುರವಧಂ

narayaniyam dashaka 57 in kannada

ರಾಮಸಖಃ ಕ್ವಾಪಿ ದಿನೇ ಕಾಮದ ಭಗವನ್ ಗತೋ ಭವಾನ್ ವಿಪಿನಮ್ ।
ಸೂನುಭಿರಪಿ ಗೋಪಾನಾಂ ಧೇನುಭಿರಭಿಸಂವೃತೋ ಲಸದ್ವೇಷಃ ॥1॥

ಸಂದರ್ಶಯನ್ ಬಲಾಯ ಸ್ವೈರಂ ವೃಂದಾವನಶ್ರಿಯಂ ವಿಮಲಾಮ್ ।
ಕಾಂಡೀರೈಃ ಸಹ ಬಾಲೈರ್ಭಾಂಡೀರಕಮಾಗಮೋ ವಟಂ ಕ್ರೀಡನ್ ॥2॥

ತಾವತ್ತಾವಕನಿಧನಸ್ಪೃಹಯಾಲುರ್ಗೋಪಮೂರ್ತಿರದಯಾಲುಃ ।
ದೈತ್ಯಃ ಪ್ರಲಂಬನಾಮಾ ಪ್ರಲಂಬಬಾಹುಂ ಭವಂತಮಾಪೇದೇ ॥3॥

ಜಾನನ್ನಪ್ಯವಿಜಾನನ್ನಿವ ತೇನ ಸಮಂ ನಿಬದ್ಧಸೌಹಾರ್ದಃ ।
ವಟನಿಕಟೇ ಪಟುಪಶುಪವ್ಯಾಬದ್ಧಂ ದ್ವಂದ್ವಯುದ್ಧಮಾರಬ್ಧಾಃ ॥4॥

ಗೋಪಾನ್ ವಿಭಜ್ಯ ತನ್ವನ್ ಸಂಘಂ ಬಲಭದ್ರಕಂ ಭವತ್ಕಮಪಿ ।
ತ್ವದ್ಬಲಭೀರುಂ ದೈತ್ಯಂ ತ್ವದ್ಬಲಗತಮನ್ವಮನ್ಯಥಾ ಭಗವನ್ ॥5॥

ಕಲ್ಪಿತವಿಜೇತೃವಹನೇ ಸಮರೇ ಪರಯೂಥಗಂ ಸ್ವದಯಿತತರಮ್ ।
ಶ್ರೀದಾಮಾನಮಧತ್ಥಾಃ ಪರಾಜಿತೋ ಭಕ್ತದಾಸತಾಂ ಪ್ರಥಯನ್ ॥6॥

ಏವಂ ಬಹುಷು ವಿಭೂಮನ್ ಬಾಲೇಷು ವಹತ್ಸು ವಾಹ್ಯಮಾನೇಷು ।
ರಾಮವಿಜಿತಃ ಪ್ರಲಂಬೋ ಜಹಾರ ತಂ ದೂರತೋ ಭವದ್ಭೀತ್ಯಾ ॥7॥

ತ್ವದ್ದೂರಂ ಗಮಯಂತಂ ತಂ ದೃಷ್ಟ್ವಾ ಹಲಿನಿ ವಿಹಿತಗರಿಮಭರೇ ।
ದೈತ್ಯಃ ಸ್ವರೂಪಮಾಗಾದ್ಯದ್ರೂಪಾತ್ ಸ ಹಿ ಬಲೋಽಪಿ ಚಕಿತೋಽಭೂತ್ ॥8॥

ಉಚ್ಚತಯಾ ದೈತ್ಯತನೋಸ್ತ್ವನ್ಮುಖಮಾಲೋಕ್ಯ ದೂರತೋ ರಾಮಃ ।
ವಿಗತಭಯೋ ದೃಢಮುಷ್ಟ್ಯಾ ಭೃಶದುಷ್ಟಂ ಸಪದಿ ಪಿಷ್ಟವಾನೇನಂ ॥9॥

ಹತ್ವಾ ದಾನವವೀರಂ ಪ್ರಾಪ್ತಂ ಬಲಮಾಲಿಲಿಂಗಿಥ ಪ್ರೇಮ್ಣಾ ।
ತಾವನ್ಮಿಲತೋರ್ಯುವಯೋಃ ಶಿರಸಿ ಕೃತಾ ಪುಷ್ಪವೃಷ್ಟಿರಮರಗಣೈಃ ॥10॥

ಆಲಂಬೋ ಭುವನಾನಾಂ ಪ್ರಾಲಂಬಂ ನಿಧನಮೇವಮಾರಚಯನ್ ।
ಕಾಲಂ ವಿಹಾಯ ಸದ್ಯೋ ಲೋಲಂಬರುಚೇ ಹರೇ ಹರೇಃ ಕ್ಲೇಶಾನ್ ॥11॥

narayaniyam dashaka 57 in kannada